حجوزات فنادق وطيران

10/06/2019

#أكبر عمليه نصب واحتيال بحقي وحق اسرتي في ضياع وسرقه حجز خمس تذاكر سفر ذهاب وعوده بين الكويت ومصر وحق أكثر من ٣٠٠٠ أسره مصريه تعمل في دوله الكويت من شركات السياحه ووكلاؤهم في مصر والكويت

#قمنا بحجز تذاكر طيران من خلال موقع Wego الشهير وهذه ليست المره الاولى في التعامل مع هذا الموقع لى ولغيري من الأسر المصريه عند الدفع تم اختيار موقع وشركه Depkey
على خطوط الطيران السعودي وطيران الكويتيه والاماراتية والأردنية والنيل للطيران
تم تأكيد الحجز معنا وارسال التذاكر عبر الايميل واتصلنا بشركات الطيران اللي أكدت ان الحجز موجود confirmed وتم الدفع

من يوم ٥/٢٣ ويوصل للناس ايميلات ورسائل نصيه على الموبايل مفادها
ان تذاكركم هتتلغي اذا لم يتم الدفع والنَّاس دافعة فعلا
وناس تانية اتفاجئت في المطار ان التذاكر ملغية ورجعوا بالحسره من المطار
وناس مش وصلها اي ايميلات ولا رسايل بالإلغاء بس اتصلت بشركات الطيران اللي بدورهم قالوا ان الوسيط عمل refund للتذاكر من يوم ٢٣
طيب مين الوسيط
قالوا شركة سياحه في مصر اسمها #ابو سمرة للسياحة والسفر
اتواصلنا مع وكيل شركه depkey في الكويت اللي هو شركة ترانزيت تورز انكر تماما علاقته او وكالته لدبكي depkey
وأكد إن شركه أبو سمره للسياحه هي اللي كنسلت الحجوزات واخدت فلوسكم كذلك كان رد الطيران السعودي
اتواصلنا مع بعض نواب مجلس الشعب وبعض الساده الصحفيين وبعض مشاهير السوشيال ميديا
عملنا اثبات حالة في المخفر
شكوى للنائب العام في الكويت
شكوى في الطيران المدني
وحنقدم شكوى للنائب العام في مصر
حسبنا الله ونعم الوكيل في كل من سرق فلوسنا وشقانا وتعبنا ومن تواطؤ معهم
وكسر فرحه عيالنا بالسفر وزياره بلدنا وأهلنا وضيع علينا فرحه العيد والعشر الأواخر من رمضان

‬⁩‬
‫⁧‫ ‬⁩ ‬
‫⁧‫ ‬⁩ ‬
‫⁧‫ ‬⁩ ‬





#حقنا لن تركه يضيع
#حسبنا الله ونعم الوكيل
وان غدا لناظره قريب

19/02/2019

12/08/2018

مصريين كانوا شغالين فى السعودية وكانوا ساكنين فى بيت وساكن معاهم فى نفس البيت واحد هندى فى غرفة لوحده .
وكان المصريين بياكلوا مع بعض والهندى مكنش بياكل معاهم لانه مش مسلم (هندوسى)
وكان الهندى بيجيب معه افضل انواع التوابل والبهارات من الهند
وفى يوم سافر الهندى وراح اجازة على بلده وساب غرفته مفتوحة وفيها كل انواع التوابل ..
وجه فى يوم الشباب المصريين إحتاجوا شوية توابل ، فدخلوا غرفة الراجل الهندى واخدوا منها شوية توابل وحطوها على الاكل عجبهم بقوا ياخدوا منه كل يوم ،،،
وبعد فترة رجع الهندى من اجازته ولما دخل غرفته طلع وهو مصدوم وبيكلم فى نفسه باللغة الهندية وهيتجنن ،،
فالشباب المصريين سألوه مالك ؟؟ خايف كده ليه ؟؟
قالهم انه كان سايب ابوه فى الغرفة ولما رجع ودخل الغرفة ملقيش أبوه فى الغرفة !!!
فالشباب قالوله وإيه إللى جاب ابوك فى الغرفة ؟؟؟
مش انت قولت انه مات من زمان ؟؟؟
قالهم ايوة مات من زمان وحرقناه وحطينا الرماد بتاعه فى علبة وجبت العلبة معى وحطيتها جنب التوابل بتاعتى ولما جيت من السفر دخلت عشان اسلم عليه لقيت العلبة فاضية ومش فيها غير شوية قليلين فى قعر العلبة !!!!😳😳😟😟😣😣

فبصوا لبعضهم وهما مصدومين😱😱😱 وسأله واحد منهم يعنى مكنش فلفل إسود ؟؟؟!!!🤣😂😃😂😃😂😂😂

26/06/2018

نشرة أخبار الظهيرة الثلاثاء ٢٦ يونيو ٢٠١٨
#السيسى.. مصر تدعم وحدة العراق وترفض التدخل فى شئونه..استمرار التنسيق لتعزيز التضامن العربى والإسهام فى إعادة الإعمار.
#وزير الداخلية خلال اجتماعه بالقيادات الأمنية: تصدينا للمخططات العدائية.. ونثق فى مساندة الشعب لمؤسسات الدولة..نعم هناك إحتقان وسخط وغضب شعبى من الغلاء ولكن لم يحتج أحد ولن يكرروا تجربة يناير المريرة.
#رغم اعترافه بالهزيمة أمام الرئيس التركى..
زعيم المعارضة: الانتخابات غير نزيهة وملطخة بالدماء وترسخ حكم الفرد..
#كوبر يكتب كلمة النهاية الحزينة ..منتخب مصر يودع المونديال بخسارة مؤلمة أمام السعودية ١/٢.
#جهاز ليفربول يجهز طبيب نفسى لصلاح ويصرح..مو صلاح تعرض لتجربة مريرة والكل أراد إستغلاله.
#الفيفا يوقع عقوبات على المنتخب الوطنى
البعثة رفضت السماح للاعبين بالتسجيل مع «قناة قطرية» وخالفت شروط الاتحاد الدولى..
#الرئيس السيسى يشيد بخطوات السعودية لتمكين المرأة.
#الإمام الأكبر.. نساند الشعب العراقى فى حربه ضد الإرهاب.
#وفاة عبدالرحيم محمد نجم الزمالك السابق إثر أزمة قلبية بعد هدف السعودية الثانى فى منتخب مصر.
#عمال بناء مصريين فى الدمام..الحمد لله على الهزيمة..ماذا كان سيفعل الكفيل فينا لو فزنا.
#بوتين يهنئ أردوغان والقطريون يحتفلون حتى الصباح.. وأوروبا تطالب باحترام الديمقراطية.
#ليبيا..مقتل زعيم «القاعدة» بدرنة فى مواجهات عنيفة مع الجيش الليبى.
#بعثة المنتخب تصل مطار القاهرة وإجراءات أمنية مشددة لعدم إحتكاك الجماهير الغاضبة باللاعبين.
#رويترز..حزن شعبى كبير فى مصر بعد الهزيمة من السعودية..العرب لايمانعون فى الهزيمة من الآخر ولكن يتألمون إذا هزم بعضهم البعض.
#الملكة رانيا تنشر صورة بصحبة ميلانيا ترامب فى واشنطن وميلانيا تصرح..الملكة شياكة وأناقة وثقافة بلا حدود..
#يو إس إيه توداى..مباحثات ترامب وملك الأردن لم تأتى بجديد ..ومفتاح حلحلة الصفقة قد يكون فى زيارة هامة فى القاهرة أو واشنطن.
#أسوشيتدبرس..حزن المصريين على الهزيمة من السعودية لأن كرة القدم هو الشئ الوحيد الذى يفرحهم وليس لديهم شيئآ آخر..
#فوروين بوليسى..بات فى الأفق العودة إلى المربع رقم واحد لصفقة القرن من القاهرة وترامب يتطلع لمقابلة السيسى.
#يديعوت أحرنوت..على العرب القبول بالأمر الواقع على الأرض وصفقة القرن ستجعل من غزة لاس فيجاس الشرق.
#مدبولى..يصدر ٦ قرارات تنظيمية لمديرى الجهاز الادارى للدولة مع عدم المساس بمرتباتهم كما تنص اللوائح.
#مجلس الوزراء...الأحد القادم أجازة رسمية للدولة بمناسبة ٣٠ يونيو.
#أحمد أيوب...حزن لاعبى المنتخب مصطنع وكله بيفكر فى حاله ومصلحته..
#طقس حار على معظم الأنحاء والقاهرة سجلت ٣٧ مئوية.

18/04/2018

نشرة أخبار الظهيرة الثلاثاء ١٧ أبريل ٢٠١٨
#الرئيس يشهد ختام «درع الخليج المشترك» بالسعودية
السيسى.. التمارين تعزز التعاون العسكرى والأمنى للقوات المشاركة.
#الموافقة على تعديل قانون رواتب رئيسى الحكومة و«النواب» والوزراء..عبد العال .. التعديلات لا تتضمن زيادات فى الأجور بل تقنين وفقا للحد الأقصى..
#هيثم الحريرى..زيادة رواتب الوزراء والنواب أصابت عموم الشعب بسخط عام وإستفزاز ..إتقوا الله.
#وزير التموين..مضاعفة السلع الغذائية استعدادا لرمضان
٤ مليارات جنيه لدعم البطاقات التموينية والخبز.
#غموض فى الموقف الأمريكى حول البقاء فى سوريا
الجامعة العربية.. القمة لم تناقش الضربات بسبب تعقيدات الموقف والاختلافات العربية العربية.
#هاآرتس..مطار الشعيرات به قوات إيرانية والضربة الثلاثية العسكرية فشلت ولم تحقق شيئآ لاسرائيل.
#مرتضى منصور والحريرى فى مجلس الشعب..زيادة مرتبات الوزراء والنواب إستفزاز للشعب ومرتضى يصرح..متهيجوش الناس علينا.
#البرلمان يوافق نهائيا على قانون التحفظ على أموال جماعات الإرهاب والإرهابيين والاخوان.
#الهجوم على سوريا "إنذار خاطئ".. قائد عسكرى سورى يكشف: هجوم إلكترونى "أمريكى – إسرائيلى" خدع الأنظمة الدفاعية.. أمريكا تنفى علاقتها بقصف حمص.. وتل أبيب تتوقع "ضربات انتقامية" من إيران.. وتتوعد بـ"رد قوى".
#روحانى للمرة العاشرة..سنرد على إسرائيل فى الوقت المناسب.
#الرئيس الفرنسى إيمانويل ماكرون.. أن التدخل فى سوريا كان "حفاظا على شرف الأسرة الدولية". ومحمود عباس يرد..وأين ذهب شرف الأسرة الدولية فيما تفعله إسرائيل بشعب فلسطين.
#لجنة الدفاع بالبرلمان توصى ببناء كثافة سكانية فى سيناء..وأحد النواب يسأل..فين ال ٦ مليون إللى هيسكنوا سيناء.
#الشرطة التونسية..تونس تكتشف وجود أنفاق تتجاوز ٧٠ كم على حدودها مع ليبيا لعبور الإرهابيين.
#تونس تستعين بالحسناوات فى الانتخابات البلدية أمام مرشحى الاخوان المسلمين.
#أثينا..يونانيون يتظاهرون تحت شعار " الأمريكيون قتلة " دعما لسوريا ويحرقون العلم الأمريكى.
#البنتاجون..لاعلاقة لنا بالهجوم على سوريا ..منظومة التشويش الألكترونى الاسرائيلية الذكية تشعرك وكأنه هجوم متواصل.
#«رويترز».. إنذار خاطئ أدى لإطلاق صواريخ الدفاع الجوي في حمص.
#برافدا...ضباط روس كبار يشهرون إسلامهم ويتزوجون سوريات من طرطوس وتعدوا ١٤ ضابطآ.
#عبد العال للنواب..حضروا كلهم فى جلسة زيادة الرواتب ثم إختفوا بعدها وسأبلغ دوائرهم..ومرتضى ضاحكآ يرد..ياريس مفيش نائب أساسآ يجرؤ يخش دايرته.
#التقديم فى المدارس اليابانية أول يونيو والاستعانة بالخريجين وتأهيلهم.
#وفاة والد المطربة شيرين عبد الوهاب وتصرح..عمر فرحتى ماكملت.
#جراحة ناجحة للخطيب فى ألمانيا وبرنامج تأهيلى بالامارات.
#مدرب حراس المنتخب..إكرامى دخل بديلآ لشناوى الزمالك.
#المصرى ومونانا الجابونى الليلة ولابد من الفوز .
#الأهلى يطلق رصاصة الرحمة على وادى دجلة اليوم.
#طقس حار على معظم الأنحاء والمساء لطيف والقاهرة سجلت ٣٢ مئوية.

14/06/2017

نشرة أخبار الظهيرة الأربعاء ١٤ يونيو
#مجلس النواب يوافق على إتفاقية ترسيم الحدود ويحيلها إلى مجلس الدفاع والأمن القومى لمناقشتها.
#أبو شقة..دستوريآ لابد من موافقة مجلس الدفاع والأمن القومى ثم رئيس الجمهورية ثم الاستفتاء الشعبى العام وتسقط جميع الموافقات السابقة إذا جاءت نتيجة الاستفتاء الشعبى بالرفض..
#عمرو موسى يحذر..أرجو ألا ينتقل الانقسام من مجلس الشعب إلى الشعب نفسه وهنا تكمن الخطورة..
#نواب ٢٥-٣٠ يصرحون...لن يعرضوا الاتفاقية للاستفتاء الشعبى كما نص الدستور وبذلك تكون الاتفاقية لاغية قانونيآ ودستوريآ ..
#شيوخ القانون..لو تم عمل إستفتاء شعبى سيحدث تصادم بين الدولة والشعب ولكن لابد من الاستفتاء فى جميع الأحوال لتكتمل الأركان..
#الأمن يقبض على ٣٠ متظاهر أمام سلم نقابة الصحفيين ينادون بمصرية الجزر ومساعد مدير الأمن يصرح للاعلام..إحنا فى قانون طوارئ .
#حريق هائل ببرج سكنى مكون من ٢٤ طابق فى لندن وضحايا ومصابين تعدوا الخمسين بينهم مسئول بريطانى ونجاة طفل صغير ألقاه والده من الطابق العاشر وتلقفه شخص آخر.
#الكويت تجهز لعرض المصالحة الثانية مع قطر بعد فشل الأولى وأمير قطر يصرح..لن أنفذ أى بند أو شرط مما ذكروه وأشكر أصدقاءنا فى المغرب وإسرائيل وقريبآ سنفتح سفارة لقطر فى إسرائيل.
#تونس ترفض طلب قطر بإستضافة كبار قادة الاخوان على أراضيها وإيران ترفض فتح مكتب لحماس بأراضيها وتصرح..نساعدكم فقط.
#رئيس الوزراء يعين سحر نصر محافظآ لمصر بالبنك الدولى ووزيرة التخطيط ستكون قائمة بأعمالها.
#ترامب يصرح..محاصرة قطر عمل جيد ورائع وأردوغان يصرح..إنه حكم بالاعدام .
#حفل إفطار الاعلاميين شابه البذخ والترف ولاينم بشئ عن ظروف الدولة..
#قطر ارسلت مجانآ الدراما المصرية الرمضانية لاسرائيل لترجمتها عبريآ وإذاعتها على التليفزيون الاسرائيلى..
#رقص إبنة عمرو دياب الفاتنة تشعل السوشيال ميديا وعروض للتمثيل.
#عصام الحضرى لما المنتخب يقع يجروا علىَّ ويقولوا إلحقنا..
#خبراء الأرصاد جو معتدل فى هذا الوقت من العام حار على الصعيد

11/05/2017

نشرة أخبار الظهيرة الخميس ١١ مايو
#مصر تعيد أفريقيا إلى أحضانها بمشاريع إقتصادية والسيسى إلتقى برئيس كينيا بالمطار وشكرى فى غانا..
#الرئيس فى إجتماعه بمجلس الوزراء..حياة الناس ليست رمضان فقط ومسألة الأسعار أصبحت أمن قومى.
#الأسرى الفلسطينيون أكملوا يومهم ال ٢٤ دون طعام فى السجون الاسرائيلية ومروان البرغوثى مانديللا العرب تزوره لجنة حقوق الانسان الأوروبية..
#إقالة ترامب لجيمس كومى مدير الاف بى آى تلقى بظلالها على الساحة الأمريكية وترامب يصرح..هياج الديمقراطيين له أسبابه فكومى يدين بالولاء لأوباما وهيلارى.
#لافروف بعد لقائه لترامب..المقربون من ترامب وخاصة السى آى إيه يمدون ترامب بمعلومات خاطئة ويريدون إسقاطه.
#أردوغان يستنكر تسليح أكراد سوريا ويصرح..أمريكا تلعب بالنار وتزيد المنطقة إشتعالآ وبريطانيا وراءها ولابد من تهدئة الأمور قبل رمضان وإستغلال ضعف الأردن ليس عدلآ..
#ردآ على تصريحات وليد المعلم..رئيس وزراء الأردن يصرح..من سيتعدى على حدودنا سنواجهه بالقتل والتدمير...
#بلاغان لأمن الدولة للقبض على الشيخ سالم عبد الجليل وكيل الأوقاف بعد تكفيره للمسيحيين وحيثياته شق النسيج المجتمعى..
#وزير الأوقاف يمنع سالم عبد الجليل من إعتلاء المنابر وإتجاه عام إلى إقالته..وصرح الوزير..إعتذار سالم غير مقبول.
#وزير التموين يصرح أمام الرئيس..يافندم الأرز ب ٦,٥٠ جنيه والسكر ب ١٠,٥٠ جنيه والسمك البلطى ب ١٦ والسجن عام لمن سيزيد الأسعار وغرامة تصل لمليون جنيه..
#الشرطة تواجه مكيفات رمضان والعيد وتضبط ٢٥ طن حشيش مغربى و١٠ ملايين قرص ترامادول كريستال فاخر من تركيا و٣ مليون قرص تامول إكسترا ٣٠٠ مليجرام.
#نساء قبائل شرق ليبيا أطلقوا الزغاريد لاعتقادهم بدخول قوات الجيش المصرى فى ليبيا ..المناورة كانت ضخمة وصوت التفجيرات كانت كحرب حقيقية..
#الاعلام الغربى يريد تشويه سمعة مصر وإنتحار السائحة البولندية لن يؤثر على السياحة فى مصر.
#الاندبندنت..القاهرة تسجل أعلى نسبة تعاطى للحشيش والترامادول فى أفريقيا والشرق الأوسط.
#أنغام تتصالح مع الجمهور بأغنية تاريخ مصر.
#الفنانون والفنانات يسابقون الزمن فى دراما رمضان ومصدر فنى يصرح..الدراما المصرية تم بيعها للخليج قبل أن توضع فى العلب..
#صدق أو لاتصدق برنامج رامز تحت الأرض تكلف نصف مليار جنيه وتم بيعه للخليج بمليار جنيه.
#مرتضى منصور يصرح..إللى عايز كهربا يدفع ٢٠ مليون دولار وإتحاد جدة عرض ١٥ مليون دولار وأنا رفضت.
#محمد صلاح مطلوب فى ليفربول بأعلى سعر ورئيس روما متمسك بصلاح.
#إقبال ضعيف من جماهير الزمالك على شراء تذاكر مباراة كابس يونايتد وأحد المشجعيين يصرح لليوم السابع..مفيش نفس والزمالك كان زمان وبرضه فى القلب وبنحبه.
#طقس مائل للحرارة على جميع الأنحاء والقاهرة تسجل ٣٣ مئوية.

15/03/2017

من أول شخص تتصل به عند هبوط الطائرة؟

Tag the first person you get in touch with when the plane lands✈️

وتقوله الحمد لله وصلت 😀😀😀😉

16/02/2017

ازاي الدولار بينزل ومفيش تصدير ولا سياحة ولا انتاج ولا استثمارات شوفناها حصلت في الفترة اللي فاتت ومفيش اي حاجة تتسبب في النزول دة في سعر الدولار!

دى اغبي واجهل واتفه جملة ممكن تسمعها كتحليل للي بيحصل

لان اللي حصل بداية من يناير مش عادي

مش بس ان الجنيه بيستعيد قوته بدرجة متسارعة وآخذة في النمو كل يوم اكتر من اليوم اللي قبله

كمان كان فيه شبه تغطية استثنائية لمستجدات اقتصادنا في الاعلام العالمي

في الاسبوع اللي فات
رويترز كتبت تقريرين عن موضوع واحد في الاقتصاد المصري في اقل من 18 ساعة

وبلومبرج كتبت 5 تقارير في 48 ساعة عن نفس الموضوع

الموضوع دة هو مستجدات الاقتصاد المصري
بناءا علي المستجدات دى هنفهم تفسير اللي بيحصل وهنفهم اشمعنة اخر 3 اسابيع بالذات حصل فيهم كدة
اولا الاخبار والمستجدات :

1 -ارتفاع ملحوظ في الاقبال الاجنبي علي شراء اذون الخزانة المصرية
دة دليل علي ارتفاع الثقة بالاقتصاد المصري ودة ادي لانهيار الفايدة 3% مرة واحدة
ودى شرحتها في البوست اللي تحت دة

2 - تاني اقبال اجنبي كبير ومحل تغطية عالمية
كان علي طرح السندات المصرية الدولارية في السوق الدولي بقيمة 4 مليار $

4 - ارتفاع الاحتياطي ل26.3 مليار $

5 - ثم رفع حظر السفر من الدول الاسكندنافية واخبار عن قرب رفع الحظر الروسي وعودة السياحة

6 - بالاضافة لتصريح البنك الاوروبي للاعمار والتنمية بانخفاض شكاوي الشركات الاجنبية فى مصر من مشاكل نقص العملة مقارنة بفترة ما قبل تحرير الصرف

دى المستجدات ...
ثانيا : ايه اللي حصل في السوق علي ارض الواقع خلي الجنيه يرتفع قيمته امام الدولار ؟

1 - ارتفاع تحويلات المصريين بالخارج 15%
بقيمة اجمالية 3.3 مليار $ فى شهري نوفمبر وديسمبر

2 - ارتفاع حصيلة الدولار من تنازلات المواطنين بصورة كبيرة جدا خوفا من تكبدهم خساير لو احتفظوا بالدولار

ودة ارتفع بالحصيلة ل5.5 مليار $ في اخر 40 يوم فقط
اغلبها في اخر 14 يوم
منهم 1مليار و185 مليون $ في يومين فقط
وبمعدل يومي متوسطه 550 مليون $

3 - ارتفاع الصادرات 8.5% وانخفاض الاستيراد 15% في يناير

4 - وانخفاض مدفوعات الفيزا في الخارج بنسبة 71%

5 - بالاضافة الي انه زي ما قالت بلومبرج
انه تم سداد جزء كبير من الباكلوج بالدولار

باكلوج بالدولار : يعني طلبات متراكمة بتقدمها الشركات للبنوك
لتدبير دولار للشركات لكن البنوك موفرتهاش

و بترجع بعضها ل 2015 طلبات في هيئة تحويل ارباح او انشطة شرائية من الخارج

بسبب نقص العملة الصعبة
ولكن لم يتم تدبيرها للشركات وقتها

ودلوقتي تم حل معظمها

للاسباب دى كلها ارتفع المعروض من الدولار و انخفض الطلب عليه اكتر
وبالتالي زى اي سلعة الطلب عليها بيقل والعرض بيزيد فسعرها بينزل


ثالثا : السؤال دلوقتى هل هيواصل الانخفاض و مش حيرتفع؟
دة محتمل جدا "فى حالة ثبات العوامل الاخري"
ولم تحدث اي احداث غير طبيعية او طارئة ولا تم اتخاذ قرارات جذرية مفاجئة ولا السوق اتحرك بشكل مختلف عن حركته دلوقتي

والدولار مازال بينخفض بشكل ملحوظ جدا حتي وقت كتابة البوست


رابعا : فقرة الاشاعات والتخاريف

1 - هل احتفالات راس السنة الصينية ليها دخل بالموضوع ؟

دة هذيان
ولو حتي سلمنا بصحة هذيانهم
فالاحتفالات خلصت في الصين والسوق رجع لطبيعته 3 فبراير الحالي زي ماهتشوفو في المصادر وفي اول تعليق من مصادر صينية مرموقة زى تشاينا ديلي

ثانيا الاستيراد مش مقفول بلاش كلام فارغ
احنا دولة ماضية اتفاقيات ومعاهدات تجارة حرة وعضو في منظمة التجارة العالمية

الاستيراد انخفض بسبب انخفاض الطلب والاستهلاك ورفع المواصفات القياسية لجودة المنتجات داخل مصر

واي حد بيروج للقصص دى اعرف انه مستفيد او جاهل حتي لو مستتر خلف جوب تايتل محترم زى "خبير اقتصادي" بتوع منتدي فتكات لانه عيب حد دخل مدارس يقول "الصين قافلة" مش حضانة هي والله


2 - واحد مجنون تاني طلع قالك "اصل احنا خدنا قروض كتير ودة السبب في الانخفاض ولما نسددها هيرتفع !"

ايه الهذي دة
ايه علاقة القروض بالموضوع اصلا
القروض الدولارية اصلا بتنضم للاحتياطي
والاحتياطي لايستخدم اطلاقا في دعم العملة وملوش دعوة بالقصة دى

الاخ دة تقريبا عايش في عصر ماقبل تحرير سعر الصرف
وميعرفش اننا في مصر اصبحنا سوق صرف حر ومرن لا يتدخل فيه البنك المركزي

حد يعمل للاخ دة ابديت يا جماعة ونبي
او يصحيه مالنوم

3 - خبير تاني من مواقع الدرجة التالتة وبير السلم قال
" اصل احنا بعنا للاجانب اذون خزانة ب2 مليار $
ودى اموال ساخنة ولما ياخدوها الدولار هيقفز ! "

تاني انت !!!
الاخ بردو مش مدرك انه بيتكلم عن دولة تانية تقريبا نيجيريا

هنعلمه اقتصاد من اول وجديد لان واضح انه ميعرفش ان حصيلة بيع اذون الخزانة تذهب للاحتياطي الدولاري والاحتياطي قولنا انه لايستخدم اصلا في السوق لانه سوق حر والمركزي لا يدعم الجنيه من 3 نوفمبر 2016
والاذون ملهاش اي علاقة من قريب او بعيد بانخفاض الدولار

كل الاسباب اللي ذكرتها فوق اللي ادت لارتفاع الجنيه او انخفاض الدولار ... دي اسباب سوقية في الجهاز المصرفي
ملهاش علاقة بالبنك المركزي ولا الاحتياطي ولا الدولة

*دي الف باء مادة اقتصاد كلي في سنة اولي اقتصاد

السؤال الاهم : امتي دة هينعكس علي الاسعار ؟

التضخم هينخفض الشهر الجاي او اللي بعده بالكتير ودى كتبتها كتير سابقا

انخفاض التضخم يعني ارتفاع الاسعار بوتيرة ابطأ واهدأ فقط

لكن فيه سلع فعلا هتنخفض اسعارها سريعا زي العربيات والحديد والاسمنت

بالنسبة للسلع الغذائية اكثر السيناريوهات تفاؤلا ان اسعارها هتثبت ثم تنخفض بشكل طفيف ومتدرج لحد مالاقتصاد يتحرك بشكل اسرع واقوي والنمو يرتفع بنهاية 2017

بشكل عام تأثير الاصلاحات علي حياتنا ومستوي معيشة الناس محتاج وقت متوسطه نهاية 2017

لكن اللي بيحصل حاليا مؤشر كاشف ومهم اننا ماشيين صح ومحتاجين فقط المثابرة والاستمرارية وعدم الالتفات للجهلة والخبراء الاستراتيجيين

والحمدلله علي عدم تغيير وزير المالية ولا محافظ المركزي في التغييرات
منقول ،

12/02/2017

راتب1800ج+تأميينات+زيادة سنوية+ارباح
العمل موظف فالكون أمن بمواقعنا المختلفة
01024613698

03/01/2017

شركة بندة تطلب موظفين مبيعات وجزارين وبائعين اجبان ولانشون وبسطرمة وسائقين درجة اولى وتانية .... رواتب مجزية لا تقل عن ٢٤٠٠ ريال سعودى
المكتب المسؤول فى القاهرة ....
مكتب برايمير ... المعادى ... امام مستشفى النيل بدراوى ..ت / 0225286881
ملحوظة .. مش هتدفع اى فلوس فى التاشيرة ... هتدفع اتعاب الكشف ومصروفات الاوراق للمكتب تقريبا كل اللى هتصرفه الف جنيه بس ..
اسألكم الدعاء لنا ولوالدينا