14/08/2017
ملحوظة : قبل ما تقرىء لازم تعرف ان ده رأى العلم و ممكن الاقنتاع به او لا وطبعا التحفظ الدينيى على الموضوع مفهوم ولكن بنحاول نحلل الموضوع من كل النواحى عشان نقدر حتى يكون عندنا خلفية نتكلم ونرد او حتى ننتقد بيها وشكرا
البوست ده هيكون ضمن سلسلة كاملة عن التعريف بأصل الانسان بشكل احترافى بادلة علمية بالمصادر الرسمية ليها من الناحية العلمية البحتة و طبعا من حق الشخص انه يقتنع او يرفض نظرا طبعا لابعاد دينية والنقاش مفتوح واى شخص ليه حق التعليق .. الكلام هيكون على فصيلة معينة من الاصول ال اتطور منها البشر وهى فصيلة Australopithecus كانت بتعيش فى شرق افريقيا ( اثيوبيا و كينيا و تانزانيا ) عاشت الفصيلة دى من 3.85 الى 2.95 مليون سنة ويطلق عليها فصيلة لوسى .
الفصيلة دى من اسلاف البشر عاشت لمدة 900 الف سنة وده اد 4 مرات الوقت ال عاشه البشر الحديث حتى الان (homosapien)
تم اكتشاف الاحفورة الخاصة بالفصيلة دى وال سميت بعد كده باحفورة لوسى عام 1974 بموقع اسمه هادرا بأثيوبيا ..كانت فصيلة لوسى تحمل صفات مشتركة من البشر بالمفهوم الحديث وايضا الشامبنزى ... ولكنها كانت قريبة للشامبنزى اكثر كانت تلك الفصيلة تنمو بسرعة اكبر من البشر الحديث اى انها قريبة فى صفة النمو من الشامبنزى حيث كانت من حيث شكل الوجهه اشبه بالشامبنزى اكتر من البشر وكان حجم المخ اقل من حجم مخ البشر الحديث حيث كان حجم المخ اققل من 500 سم مكعب تقريبا 1/3 حجم المخ البشرى وكان الطول فى الذكور 151 سم والوزن 42 كيلو طيب كانت تشبه البشر فى ايه؟؟ من حيث شكل الاسنان كانت صغيرة مثل الانسان الحديث وايضا كانت تمشى منتصبة على قدمين ..
اخيرا السجل الاحفورى كان فى فراغ العلماء مكنوش قادرين يفسروه بين Australopithecus وفصيلة احدث منها واذكى واققرب للبشر اسمها HOMOERECTUS فى سلسلة البوستات القادمة هنعرف هل حتى الان مازال الفراغ فى السجل الاحفورى مازال موجود ولا لا ؟؟ طبعا دلائل الكلام ده من الاحافير ال بيتم اكتشافها وبيتم تحديد عمرها طبقا ادوات علمية حديثة و طبعا الاهم هو تحليل الحمض النووى للفصائل دى ومقارنته بالحمض النووى للبشر الحديث وهى دراسات متقدمة جدا وموثوقة وكل ما ذكرته من الموقع الرسمى لمتحف التاريخ الطبيعى بواشنطن و ياريت يا جماعة متابعة لو عجبتك المعلومات عشان نكمل فى رأى العلم الحقيقى
المصدر وصورة لاحفورة لوسى الشهيرة
http://humanorigins.si.edu/evidence/human-fossils/species/australopithecus-afarensis
