02/11/2019
https://www.facebook.com/105562197551312/posts/110036700437195/
(خالتي فرنسا الحقيقية)
مع كل قصة بختار انزل اصورها علشان تظهر للناس واللي في الغالب مابتزيدش مدتها عن 3 دقائق نظرا للنظام المرتبط بمعايير العمل
لكن في الحقيقه كتير من القصص بيكون عندها تفاصيل كتير مميزه ومشاهد اعمق من اللي بتشفوها في المحتوي المرئي
علشان كده قررت اني اكتب هنا عن تفاصيل ناس أمنت بيهم وبأهدافهم النبيلة وحكياتهم الملهمة للاخرين .
وحابب جدا اني اكلمكم عن قصة هي الافضل علي الاطلاق بالنسبالي وزي ما بسميها دايما .. " وش السعد "
خالتي فرنسا الحقيقية .. او ام محمود
واللي الناس اطلقوا عليها الاسم ده من زمااان لانهم زي ما قالولها انها عاملة زي الفرنسيين دايما مش بيسبوا حقهم لو حد عملهم حاجه
قالتلي انه كتاب الافلام ومخرجين السينما زباين عندها وبييجوا يسهروا ويتسحروا عندها في رمضان واكيد انه حد فيهم اخد قصتها وحولها لفيلم سينما لانها لما دخلت الفيلم بطولة الفنانه عبلة كامل حست انه بيحكي قصة حياتها هي
حكاية ام محمود اللي عمرها ما ضربت واحده ست لكن مع الرجاله اللي بيضيقوها مابتستناش 😁
واللي دخلت فصول محو الامية واتعلمت القراءة والكتابة علشان تذاكر لاولادها
فعلا كانت ولازالت من اقوي القصص اللي الناس حبتها وتفاعلت معاها بشكل مش بيتكرر كتير
الحقيقه انا من يوم ما عرفت ام محمود وصورتها يوم الاثنين الموافق 12 مارس 2018 وانا حبيت الجماليه واهلها
نزلت كذا مره مخصوص هناك علشان اسلم عليها واكل سندوتشين طعميه من ايدها مع كباية شاي بالنعناع علي انغام اغاني محمد فوزي في القهوه اللي جنب الدكان بتاعها وسط تراث القاهره القديمة..
روحوا الجماليه عند فرنسا يا جماعه هتنبسطوا جدا
