08/06/2025
اليوم التاني فـ سابا 🌿
بعد ما زورنا قرية كات كات امبارح وكانت بداية عظيمة بصراحة… تعالى أقولك بقى اليوم اللي بعده عملنا فيه إيه!
ابتدينا يومنا بزيارة شلال سيلفر…
واللي كانت بردو بداية عظيمة لليوم 👌
الشلال كان جامد جدًا وانبهرنا أول ما وصلنا، أينعم الطريق ليه فيه طلوع وسلالم كتير شوية وعايز نفس، بس والله يستاهل كل خطوة!
أول ما تسمع صوت الميّه وهي نازلة من فوق الجبل، تحس إنك دخلت فيلم مشهد نهايته Happy Ending 😄
بعد كده كملنا على شلال الحب، اسمه لوحده بيضحكك، بس فعلاً المكان رومانسي ورايق بشكل مش طبيعي.
الخُضرة حواليك، صوت الميّه، والجو هناك بيروقك غصب عنك 💚
بس أحلى حاجة في اليوم كانت Heaven Gate 😍
أنت فوق الجبل، فوق السحاب حرفيًا… شايف الضباب تحتك، والهوا بيطير فيك من كل اتجاه.
مكان بيخطف العين والقلب… وصورة هناك = بوستر لفيلم حلو.
بصراحة اليوم ده كان من أكتر الأيام اللي استمتعنا بيها، بين الطبيعة، والشلالات، والهدوء…
وسابا لسه مخبية حاجات تانية لليوم التالت! 😍
