جولة مع شريف

جولة مع شريف استمتع معنا بجولات سياحية وآثرية لـ آثار ومعالم القاهرة، مع الباحث والمتخصص شريف هاشم كما يمكنكم حجز جولات ورحلات خاصه..
(1)

كل عام وأنتم بخير 🌸دا جدول رحلات وجولات شهر يونيو إن شاء الله، وكل جولة هتنزل تفاصيلها كاملة قبلها بأسبوع بإذن الله.وبخص...
28/05/2026

كل عام وأنتم بخير 🌸
دا جدول رحلات وجولات شهر يونيو إن شاء الله، وكل جولة هتنزل تفاصيلها كاملة قبلها بأسبوع بإذن الله.
وبخصوص رحلة العلمين الاستكشافية فعددها محدود جدًا، متاح فقط 12 فرد، وتم حجز 3 أماكن بالفعل.
وكمان رحلة إسكندرية الاستكشافية متاح فيها 12 فرد فقط.

**الجولات الاستكشافية غير مناسبة لمحبي الرفاهية

أشوفكم بخير دايمًا ودايماً مستكشفين ❤️

جولة الزمالك أصبحت جولة مميزة والأكثر اقبالا ودا بفضل ربنا طبعا ودعمكم الدائمعشان كدا تمشية الزمالك في يونيو هتكون مميزة...
28/05/2026

جولة الزمالك أصبحت جولة مميزة والأكثر اقبالا ودا بفضل ربنا طبعا ودعمكم الدائم
عشان كدا تمشية الزمالك في يونيو هتكون مميزة أكتر وأكتر.. ❤️

كل عام وأنتم بخير.. حابب ابلغكم إن جدول شهر يونيو اصبح جاهزجدول مميز في انتظار وجودكم بس.. كمان عملت جولة مجانية بمناسبة...
28/05/2026

كل عام وأنتم بخير.. حابب ابلغكم إن جدول شهر يونيو اصبح جاهز
جدول مميز في انتظار وجودكم بس.. كمان عملت جولة مجانية بمناسبة وصولي للجولة رقم 350
أشوفكم بخير دايما 🤍

ليه عملت جولة حارة اليهود بالمسار المختلف؟ببساطة لأن جولة حارة اليهود بقت واحدة من أكثر الجولات المميزة، والحكايات اللي ...
27/05/2026

ليه عملت جولة حارة اليهود بالمسار المختلف؟
ببساطة لأن جولة حارة اليهود بقت واحدة من أكثر الجولات المميزة، والحكايات اللي فيها أكبر بكتير من إننا نمشيها في مسار واحد فقط.
وعشان كده قررت أقدّمها بأكثر من طريق وزاوية مختلفة، وكل مرة نحاول نعرف اكتر سواء معلومات او شوارع.
عشان كدا المرة دي هنبدأ من قلب القاهرة الفاطمية، عشان نتتبع خطى اليهود داخل المدينة، ونربط بين الشخصيات والأحداث اللي مرّت من هنا؛
من يعقوب بن كلس، أحد أهم رجال الدولة الفاطمية،
إلى يعقوب صنوع، أحد أبرز الشخصيات اليهودية المؤثرة في تاريخ مصر الحديث.
الجولة كمان مش هتكون عن حارة اليهود فقط، لكنها رحلة وسط تاريخ القاهرة نفسها؛
هنتكلم عن الفواطم، وبني أيوب، والمماليك، وإزاي كل دولة منهم تركت أثرها في المكان.
ومن أهم المزارات اللي هنشوفها:
• مجموعة قلاوون
• قبة الصالح نجم الدين أيوب اللي بنتها شجر الدر
• معبد موسى بن ميمون
• حارة اليهود القديمة وأزقتها

وكمان هيكون في حديث خاص عن ليلى مراد، وبعض الفنانين والمشاهير اليهود اللي عاشوا في مصر وكان ليهم تأثير واضح في الفن والحياة الثقافية المصرية.
طيب ليه الجولة بعد صلاة الجمعة؟
عشان كل واحد يصلي الجمعة براحتُه في المسجد اللي يحبه، ويعيش أجواء العيد وبعدها نبدأ جولتنا في وقت يكون الجو فيه ألطف والمشي أريح، خصوصًا إن ختام الجولة هيكون بعد العصر بعيد عن الحر
الجولة مناسبة للجميع
📍التجمع الساعة 2:00 ظهرًا
أمام شباك تذاكر شارع المعز — عند مجموعة قلاوون
بالقرب من كافيه صاحب السعادة.

يلا بورسعيد يوم السبت الجاي ان شاء الله برنامج خفيف ومميز وجولة حرة رائعة ويوم للذكرى 💙**متبقي 4 أفراد بس
27/05/2026

يلا بورسعيد يوم السبت الجاي ان شاء الله برنامج خفيف ومميز وجولة حرة رائعة ويوم للذكرى 💙
**متبقي 4 أفراد بس

صباح العيد.. هتصلوا العيد فين ؟
27/05/2026

صباح العيد.. هتصلوا العيد فين ؟

كل عام وأنتم بألف خير.. عيد أضحى ميارك وسعيد.. ❤️
26/05/2026

كل عام وأنتم بألف خير.. عيد أضحى ميارك وسعيد.. ❤️

الحمدلله الفترة الأخيرة ربنا كرمنا بجولات مختلفة ومميزة جدًا، وكل جولة فيهم كان ليها طابع وروح خاصة بيها، لكن من أكتر ال...
25/05/2026

الحمدلله الفترة الأخيرة ربنا كرمنا بجولات مختلفة ومميزة جدًا، وكل جولة فيهم كان ليها طابع وروح خاصة بيها، لكن من أكتر الجولات اللي فعلًا فرحتني وكانت مختلفة بشكل كبير هي تمشية الزمالك 🤎
لأن تمشية الزمالك بالنسبالنا مش مجرد تمشية عادية نقف فيها نحكي شوية معلومات وخلاص… بالعكس، إحنا بنحاول نخلي كل جولة تجربة كاملة فيها حكي، واكتشاف، ودخول أماكن مميزة جدًا ناس كتير عمرها ما انتبهت ليها أو حتى عرفت إنها موجودة.
وفي كل مرة بيكون في أماكن مفاجأة للحضور زي دخول شقة عبدالحليم حافظ المبهرة اللي بتحسسنا انه بيستقبلنا فيها مش مجرد ذكرى عابرة.. ودي مفاجآت بتخلي الناس تنبهر فعلًا، وبيكون أجمل إحساس عندي إني أشوف ردود فعلهم وانبهارهم وفرحتهم بالتجربة. الإحساس ده بالنسبالي أكبر دليل إن التعب والمجهود ليه قيمة، وإننا قدرنا نكون مختلفين ونقدم حاجة ليها روح وطابع خاص.
الحمدلله زي ما تمشية جاردن سيتي بقت من التمشيات المميزة جدًا واللي ناس كتير بقت تربطها بينا، كمان الزمالك بدأت يبقى ليها مكانة خاصة، وجولات إسكندرية المختلفة، ومسارات المكس، وطبعًا جولات طنطا المميزة جدًا واللي كل مرة بيكون ليها إحساس مختلف.
وإن شاء الله شهر يونيو هيكون شهر جميل ومليان جولات ورحلات قوية جدًا، ومسارات جديدة، وأماكن مختلفة، وتجارب أحلى وأحلى.
شكرًا لكل حد بيدعم، وبيشاركنا الجولات، وبيشجعنا نكمل ونطور أكتر ❤️
وكل عام وحضراتكم بكل خير.

24/05/2026

تخيل تطلع رحلة تاريخية ترفيهية وتتفاجئ إنها عائلية.. الحلو واللطيف هو تفاعل وحب الجروب
لو عايز تطلع معايا رحلة تفضل فاكراه يبقى لازم تسأل عن الرحلات الجاية.. ❤️
من رحلة إسكندرية والمكس يوم جميل مع الطف واجمل جروب في الدنيا ✨🤎

جولة حارة اليهود يوم الجمعة إن شاء الله.. تمشية مسائية هنبدأ الساعة 2:30 من شارع المعز
24/05/2026

جولة حارة اليهود يوم الجمعة إن شاء الله.. تمشية مسائية هنبدأ الساعة 2:30 من شارع المعز

الحمد لله، بقالي فترة طويلة بحاول أقدّم جولات مختلفة ومسارات جديدة، سواء داخل القاهرة أو خارج القاهرة يكون فيها اكتشاف و...
24/05/2026

الحمد لله، بقالي فترة طويلة بحاول أقدّم جولات مختلفة ومسارات جديدة، سواء داخل القاهرة أو خارج القاهرة يكون فيها اكتشاف وحكايات وتجربة حقيقية مختلفة عن أي جولة تقليدية.
والحمد لله، في رحلتنا لإسكندرية يوم الجمعة، كُنّا أول جروب يدخل منطقة اللبّان وشارع علي بك الكبير، ونشوف البيوت الحقيقية المرتبطة بقصة ريا وسكينة، وسط تفاعل جميل جدًا من أهالي المنطقة اللي رحّبوا بينا وشاركوا معانا حكايات وتفاصيل ممتعة زوّدت الجولة روح وحياة.
وكمان الست " أم حمدي" جارة ريا وسكينة اللي رحبت بينا واستضافتنا في بيتها..

جولة إسكندرية المحروسة كانت أول تجربة بالمسار المميز ده، والحمد لله ردود الفعل أسعدتني جدًا وشجعتني أكمل في فكرة المسارات المختلفة والاستكشاف الحقيقي للأماكن.
وعشان كده قريب جدًا إن شاء الله هنعلن عن رحلة جديدة لإسكندرية
أشوفكم دايمًا في جولات ورحلات جديدة، مليانة مغامرة واكتشاف وحكايات ❤️

Address

Cairo

Website

Alerts

Be the first to know and let us send you an email when جولة مع شريف posts news and promotions. Your email address will not be used for any other purpose, and you can unsubscribe at any time.

Contact The Business

Send a message to جولة مع شريف:

Shortcuts

Share

Category