17/06/2026
🔸 ️لو ناوى تطلع عمرة 🔸️
🔸️ما تخليش العشم ياخدك بزيادة🔸️
مواقف كتير بنشوفها فى رحلة العمرة
طبيعي تلاقي نفسك قاعد في غرفة مع ناس ما تعرفهمش كويس… وكل واحد له طبعه وعاداته.
مش كل الناس هتكون شبهك، ومش كل الناس هترتاح لهم من أول يوم.
لو حصل تفاهم بينك وبين اللي معاك في الغرفة… يبقى خير وبركة وتعينوا بعض على العبادة وتكون خير صحبة وما أجملها صحبة العمرة.
ولو مفيش انسجام، عادي جدًا… ما تكبّرش الموضوع.
خليك بسيط:
مش مطلوب تصاحب كل اللي معاك
خلي حدودك واضحة وبهدوء…
حدودك فعليًا هي سريرك ومكانك.
اقعد في هدوءك، ركّز في عبادتك، وخلّي تعاملك راقي: سلام،، واحترام… وخلاص.
العمرة مش اختبار “مين هيصاحب مين”
العمرة وقت للعبادة والتقرب إلى الله وهدوء مع نفسك.
