روح مصر

روح مصر من وعي التاريخ أضاف أعماراً الى عمره

من قلعة الجبل مقر حكم الديار المصرية لمئات السنين ، الى قصر عابدين جوهرة قصور الأسرة المحمدية العلوية اتنقل حكم مصر سنة ...
22/08/2024

من قلعة الجبل مقر حكم الديار المصرية لمئات السنين ، الى قصر عابدين جوهرة قصور الأسرة المحمدية العلوية اتنقل حكم مصر سنة 1872 على ايد الخديوي اسماعيل وفضلت مصر تتحكم منه حوالي 80 سنة .
هنزور القصر اللي حكم منه الخديوي والملك والسلطان والمتاحف اللي هناك في جولتنا ورحلتنا يوم الاحد القادم ونحكي تاريخ المكان وحكاياته ونشوفكم على خير.
الجولة مجانية ونرحب بالجميع 🌹.
© Hisham naeem

📍جولتنا الجايه لقصر عابدين واحد من أهم قصور الحكم في مصر الحديثه و كان شاهد على أحداث كتيره مهمه قلبت موازين الحكم و غي...
21/08/2024

📍جولتنا الجايه لقصر عابدين

واحد من أهم قصور الحكم في مصر الحديثه و كان شاهد على أحداث كتيره مهمه قلبت موازين الحكم و غيرت استراتيجية الدوله

القصر موجود فيه مسرح و مكتبه و قاعات و صالونات لإستقبال الضيوف المهمه و طبعاً أجنحة الضيافه لكن للأسف الأماكن دي مش متاحه للزياره غير بحجز قبلها بمده ف هنكتفي الجوله الجايه بزيارة « متاحف قصر عابدين »

• ساحة المدافع التاريخية
• متحف الصيد
• مقام سيدي بدران
• متحف الأسلحة
• متحف المقتنيات الخاصة و الأوسمة و النياشين
• متحف هدايا الرئاسة
• متحف الوثائق التاريخية
• متحف الفضيات

الجوله مجانيه من غير رسوم و لكن في رسوم لدخول القصر..
• 10 جنيه للطلاب حتى طلاب آثار و تاريخ
• 20 جنيه غير طلبه
• 5 جنيه تصوير بالموبايل
الموبايلات بتتسلم برا كلها في الخزنه طول ما هي مش مدفوعلها تيكت تصوير

على معادنا بأمر الله يوم الأحد الجاي 25/8
التجمع هيكون داخل القصر في ساحة المدافع الساعه 10 و بداية الشرح 10:30 بالظبط ياريت محدش يتأخر و نراعي ان في ناس ممكن متاخدش معاها موبايلاتها جوه ف نلتزم بالمواعيد.

الصور لأصحابها.

الملك أخناتون ( أمنحتب الرابع ) :• كان من الأسره 18 • والده *الملك أمنحتب التالت* • والدته *الملكه تي* • اتجوز *المل...
17/08/2024

الملك أخناتون ( أمنحتب الرابع ) :
• كان من الأسره 18
• والده *الملك أمنحتب التالت*
• والدته *الملكه تي*
• اتجوز *الملكه نفرتيتي* و *كيا* دا غير محظياته طبعاً و قالوا إنه اتجوز من بنته *ميريت آتون*
• بالنسبه لولاده بقا ف كان عنده *سمنخ كا رع* ـ *ميريت آتون* ـ *ميكت آتون* ـ *عنخ أسن آمون* ـ *نفر نفري رع* ـ *ست نا رع* ـ *توت عنخ آمون*
• في بداية توليه العرش بعد أبوه كانت الأمور مُهيأه لِه إنه يوحد المعبودات اللي كانت موجوده وقتها زي *المعبود آمون* وغيره من المعبودات و قرر يلغي كل الديانات دي و يخلي في ديانه واحده بس للعالم كله مش مصر بس! و هو *المعبود آتون* قرص الشمس
• غير *الملك أمنحتب الرابع* إسمه اللي كان معناه ( آمون مسرور ) ل *أخناتون* و كان معناه ( الروح الحيه لقرص الشمس )
• تم تتويجه للعرش في مدينة *أرمنت* و أول حاجه عملها بعد استلامه العرش بنى معبد لآتون في *الكرنك* و بدأ بالتدريج إنه يبني معابد أكتر في أماكن مختلفه للمعبود الوحيد *آتون* و بدأوا كهنة *آمون رع* بكرههم للملك اللي حرمهم من عبادة المعبود الخاص بيهم و بدأ الملك كمان إنه يغير اسلوبه من اللين للعنف و عامل *آمون* بصفته مغتصب مكانة *آتون* و هدم تماثيل *آمون* و قفل المعابد الخاصه بيه و مسح اسمه من كل مكان و طمس هويته
• و عشان يكمل اللي بدأه نقل العاصمه من طيبه و بنى مدينه جديده اسمها *أخت آتون* في تل العمارنه عشان يحكم من مدينه جديده لم تدنسها عباده أخرى
• بسبب تركيز *أخناتون* مع توحيد المعبودات بمعبود واحد بس اللي هو *آتون* أدى تصرفه بالسلب إنه أهمل المخاطر الخارجيه و اللي استغل دا الحيثين و فتحوا مملكة مصر الآسيويه
• حكم مصر حوالي 18 سنه و آخر سنتين من حكمه كانت سيادته اتفككت و كان في ضعف جوه و بره مصر
• وطبعاً بسبب الضعف بدأت المؤامرات لاغتيال *اخناتون* و اختفى هو و زوجته *نفرتيتي*
• سبب او كيفية موته مجهوله لحد دلوقتي و بعض المؤرخين قالوا إنه ممكن يكون تم اغتياله في قصره
• اتدفن *اخناتون* في مقبرته الملكيه في تل العمارنه

*أنا أخناتون، أنا صاحب الثوره الدينيه، أنا الحالم الشاعر وحيد رع* 🫶🏻

التابوت الأكثر غموضاً في مصر القديمه 🫣اكتشفوا التابوت دا في وادي الملوك في نفس المكان اللي اكتشفوا فيه مقبرة الملك الشاب...
15/08/2024

التابوت الأكثر غموضاً في مصر القديمه 🫣

اكتشفوا التابوت دا في وادي الملوك في نفس المكان اللي اكتشفوا فيه مقبرة الملك الشاب توت عنخ آمون و على الرغم من إن واضح جداً ان التابوت صاحبه كان ملك مهم لكن الهويه الحقيقه للموميا الموجوده جواه مجهوله للاسف

لكن العلماء قالوا إن ممكن يكون بنسبه كبيره التابوت دا للملك أخناتون و دا كان أول ملك أمر بتوحيد الديانات و غير ديانة مصر القديمه
و دا أدى إلي كراهية الكهنه و الملوك اللي بعده لِه فقاموا بتدمير الوش الموجود على التابوت دا عشان يطمسوا هويته من بعده ⁦♡.

" أقسمت بك يا إلهي أن تجعلها نوراً في قلبي لا ينطفئ، وتجعلني عوداً في ظهرها لا ينكسر، فهي مني وأنا منها، وكلانا سر وجود ...
15/08/2024

" أقسمت بك يا إلهي أن تجعلها نوراً في قلبي لا ينطفئ، وتجعلني عوداً في ظهرها لا ينكسر، فهي مني وأنا منها، وكلانا سر وجود الآخر "⁦ ⁦

•ما كتبه اخناتون لزوجته نفرتيتي على جدران المعابد.

"فهو الجامع لمحاسن البنيان، الشاهد بفخامة أركانه وضخامة بنيانه، أن منشئه سيد ملوك الزمان، يحتقر الناظر له عند مشاهدته عر...
15/08/2024

"فهو الجامع لمحاسن البنيان، الشاهد بفخامة أركانه وضخامة بنيانه، أن منشئه سيد ملوك الزمان، يحتقر الناظر له عند مشاهدته عرش بلقيس وإيوان كسرى أنو شروان، ويستصغر من تأمل بديع أسطوانه الخورنق وقصر غمدان، ويعجب من عرف أوّليته من تبديل الأبدال، وتنقل الأمور من حال إلى حال بينا هو سجن تزهق فيه النفوس ويضام المجهود، إذ صار مدارس آيات وموضع عبادات ومحل سجود، فالله يعمره ببقاء منشئه ويعلي كلمة الأيمان بدوام ملك بانيه".

شيخ المؤرخين تقي الدين المقريزي متحدثاً عن جامع الملك المؤيد شيخ المحمودي.

الصورة لواجهة الجامع الموجود بجوار باب زويلة ، وهي من أعمال الفنان الفرنسي باسكال زافير كوست عام ١٨١٨م وسبحان من له الدوام.

الإمام الشافعي رحمه الله لما توفى في مصر سنة ٢٠٤هـ تم دفنه في تربة عبد الله بن عبد الحكم والد عبدالرحمن بن عبد عبد الحكم...
14/08/2024

الإمام الشافعي رحمه الله لما توفى في مصر سنة ٢٠٤هـ تم دفنه في تربة عبد الله بن عبد الحكم والد عبدالرحمن بن عبد عبد الحكم صاحب الكتاب الشهير فتوح مصر وأخبارها ، واللي ناس كتير ما تعرفش انهم مدفونين هنا بسبب مكانة الإمام الشافعي وقوة إسمه أينما ذكر.

القبة اللي فوق الإمام الشافعي النهاردة أية من أيات الجمال، من أعمال الملك الكامل الأيوبي وحصل فيها تصليحات كتير إلا إن في خطأ فيها ما حدش عرف يمحيه عبر مئات السنين من الزمن .

لو ركزت في الصورة هتلاقي ٣ محاريب في غاية الضخامة والروعة بس للأسف كلهم اتجاههم خطأ ومش على الإتجاه الصحيح للقبلة بل منحرفين شوية.

المحراب في قبة الدفن ما كانش بيتعمل للصلاة فيه، كان الغرض منه تحديد اتجاه القبلة عند الدفن ، ومعرفة اتجاه القبلة أثناء الدعاء للميت، الله أعلم الخطأ دا تم اكتشافه إمته
ممكن يكون قبل عصر السلطان قايتباي مثلا ، بس التعديل والخطوة اللي اتعملت كانت في عهد قايتباي.

شمس الدين بن الزمن يبقى واحد من أشهر الرجال في دولة السلطان قايتباي ، عرفناه بإسهاماته ومشاركاته المعمارية الكتير في الديار المصرية والأقطار الحجازية، ابن الزمن جدد قبة الإمام في سلطنة قايتباي وعمل في القبة محراب في اتجاهه الصحيح هتشوفه صغير كده على يسار الصورة.

"والذين يبيتون لربهم سجدا وقياما"💙.صباح الخير من الجامع الأزرق بباب الوزير 💙💙.©hisham naeem
14/08/2024

"والذين يبيتون لربهم سجدا وقياما"💙.
صباح الخير من الجامع الأزرق بباب الوزير 💙💙.
©hisham naeem

سلام لقبة قلاوون التى كنت أتمنى أن أفض أسرارها، وأحكى للمشاهد رموزها، ما من خط فيها إلا وله معنى، وما من نقش إلا خلفه ما...
13/08/2024

سلام لقبة قلاوون التى كنت أتمنى أن أفض أسرارها، وأحكى للمشاهد رموزها، ما من خط فيها إلا وله معنى، وما من نقش إلا خلفه ما يملأ كتابًا للحكمة، سلام لمحرابها الذى لخص الكون بما فيه، سلام لأطياف الضوء الملونة التى تلامس الجدران مع حركة الشمس، بعضها لا يبقى إلا لثوان، ومنها ما يحيرنى أنا الخبير بالألوان وصياغتها.
الغيطاني 🌹.

في عز الظلم خلي عندك أمل بالله سبحانه وتعالى ، وخلي عندك يقين ان حقك جاي لا محالة، في عز المحنة إدعي وخليك واثق ان دعوة ...
12/08/2024

في عز الظلم خلي عندك أمل بالله سبحانه وتعالى ، وخلي عندك يقين ان حقك جاي لا محالة، في عز المحنة إدعي وخليك واثق ان دعوة المظلوم ليس بينها وبين الله حجاب ولنا في الشيخ حسن الرومي عبرة.

الدنيا كانت على صفيح ساخن بين المماليك والعثمانيين لما الشيخ حسن الرومي جه مصر ، هو كان تركي ودخل مصر ايام السلطان الغوري واعتكف الجامع الأزهر ولزم احد أعمدته ودرس علمه هناك لحد ما زاع صيته واتلقب بشيخ العامود.

ما نعرفش سبب حقد الأمراء عليه ولا اي السبب انهم يوسوسوا للغوري ويقلبوه على الراجل دا بحجة انه بيتعصب لبني عثمان مش كده وبس.....
دا بيتمنى زوال ملك الغوري في أقرب فرصة .
السلطان الغوري راجل كبير في السن خدها على صدره وامر بإخراج الشيخ حسن من الجامع الأزهر وجلده قدام تلاميذه وقدام الناس أجمعين .
من كتر الضرب جلد الشيخ حسن اتقطع ودمه ساح على الأرض لكنه لم ينسى الله سبحانه وتعالى في محنته دي .
الشيخ حسن الرومي رفع ايده العاجزة للسماء ، ودعى على الغوري فقال اللهم ممزق ملكه وجسده كما مزق جسدي ولا تحرمه من أن يداس بحوافر خيله.

ربنا يمهل ولا يهمل ، الشيخ حسن بعد ما كان بيطلع في الروح ربنا كان كاتبله عمر في الدنيا لسا ، عمر هيشوف فيه دعوته بتستجاب وحقه بيتاخد.

السلطان الغوري بينهزم في مرج دابق بعدها بأربع سنين كاملين ، وراسه بتتقطع على ايد احد مماليكه علشان العثمانيين ما يعرفهوش ويمثلوا بجثته، وجثمانه بينداس تحت سنابك الخيل في بلاد الشام .

الشيخ حسن فضل عايش بعدها شوية وعاصر خاير بك ، خاير بك كانت كرامته في الأرض ومالهوش عين ولا كلمه على المماليك بعد اللي عمله ، فمالاقاش حد يطلع غله فيه غير الشعب والناس الغلابة من ضرب وسجز وتنكيل ، الا انه كان بييجي عن الشيخ حسن ويقف......
كان بيخاف منه بسبب دعوته اللي اتحققت ، فراح بناله زاوية يقعد فيها ويندفن فيها بعد وفاته .
وانت داخل الحطابة في شارع سكة المحجر تحت القلعة وقبل دار المحفوظات هتلاقي زاوية اثرية منخفضة عن الطريق شوية ، اقف عندها شوية واقرأ الفاتحة للشيخ حسن الرومي ولجميع أموات المسلمين ، واعرف ان دا أقدم وأول أثر عثماني موجود في مصر.

تبدو المآذن وكأنها دعاء تجمد في طريقه إلى أعلى ، أو ابتهال غامض خفي ، أو رغبة من المعبود في الوصول إلى الخالق.الغيطانيمل...
11/08/2024

تبدو المآذن وكأنها دعاء تجمد في طريقه إلى أعلى ، أو ابتهال غامض خفي ، أو رغبة من المعبود في الوصول إلى الخالق.

الغيطاني
ملامح القاهرة في ألف عام💛
.

الصورة لصاحبها

"سلام لواجهة الأقمر التي تثير في الشجن".
11/08/2024

"سلام لواجهة الأقمر التي تثير في الشجن".

Address

Cairo

Telephone

+201020169356

Website

Alerts

Be the first to know and let us send you an email when روح مصر posts news and promotions. Your email address will not be used for any other purpose, and you can unsubscribe at any time.

Shortcuts

Share

Category