04/10/2022
احذروا من شركة Boom Speed travel نصابة
ده لينك صفحتهم لانهم عملوا لي بلوك
https://www.facebook.com/profile.php?id=100070138187362
ملخص الموضوع للي مابيحبش يقرأ كتير:
تم الاتفاق مع الشركة المذكورة بحجز ٦ ليالي في فندق شارميليون جاردنز بشرم الشيخ مقابل مبلغ ١٧٥٠٠ جنيه بافراد اسرتي ولكن عند الوصول للفندق اكتشفنا عدم وجود حجز اساسا وعند التواصل مع المسؤولين بالشركة افادوا بأن مطلوب سداد مبلغ اخر لاتمام الحجز (حوالي ٣٠٠٠ جنيه) والا سيكتفى بحجز ٤ ليال فقط!!!!!!
الموضوع بالتفصيل:
تم التواصل مع الشركة المذكورة لحجز رحلة لفندق شارميليون جاردنز بشرم الشيخ لمدة ٦ ليالي ٧ ايام بصحبة زوجتي واربع اطفال اعمارهم ١١ و ٩ و٢.٥ سنة وطفل رضيع اقل من سنة.
وبعد التواصل هاتفيا مع مندوبة الشركة افادت بأن الحجز سوف يتكلف ١٥٥٠٠ جنيه وعند الوصول للشركة لدفع عربون حجز افادت مندوبة الشركة بوجود خطأ في الحساب وسوف يزيد المبلغ ليصل الى ١٧٥٠٠ جنيه شامل الانتقالات.
تم الاتفاق وتسجيل تفاصيل الرحلة بالايصال المرفق بالصور مع تحديد عمر الاطفال كما هو موضح وارسال كامل المبلغ لحساب الشركة وتم السفر وعند الوصول للفندق في الميعاد المتفق عليه افاد موظف الاستقبال بعدم وجود حجز من اساسه!!!
تم التواصل مع ممثل الشركة هاتفيا وطلب مني التحدث مع موظف الاستقبال ليخبره موظف الاستقبال بأن سنوات عمر الاطفال تستوجب دفع مبلغ زيادة عن المتفق عليه!!!
افاجأ برد غريب من ممثل الشركة بأنه لم يكن يعلم عمر الاطفال ( على الرغم من ذكره بالايصال المرفق) وبناءا عليه يطلب مني سداد مبلغ اخر يعادل ٣٠٠٠ جنيه لاتمام الحجز والا سيكتفى بحجز ٥ ليالي فقط!!!!
طبعا تم الرفض من جانبي وطلبت اتمام الحجز كما هو متفق عليه وبالمبلغ المحدد، ليرفض ممثل الشركة ويكنسل في وشي لما احاول اتصل بيه.
للاسف بعد فترة اتصلت بيا مندوبة اخرى عن الشركة وقالتلي انه مش هتقدر تأكد الحجز ب ٥ ليالي كمان وهتضطر تقلله ل ٤ ليالي الا لو انا قبلت ادفع ٦٠٠ جنيه لليلة ال ٥.
طبعا انا كل ده وجاي من رحلة سفر استغرقت ١٤ ساعة للاسف نتيجة رعونة سائق الباص وعدم خبرة المشرف ومعايا اطفال مرهقين جدا من السفر وكانت الساعة ٥ مساءا يعني كمان ضاع علينا اول يوم.
اضطريت مجبر اني اوافق عشان خاطر اطفالي وحولتلهم ٦٠٠ جنيه وضاع عليا اول يوم وضاع عليا اخر يوم وحسبي الله ونعم الوكيل فيهم.
تم عمل محضر بقسم شرطة ثان مدينة نصر وجاري المتابعة مع المباحث الجنائية ومش هسيب حقي وحق اولادي في النكد والعذاب اللي شوفناه.
للمساعدة في نشر الموضوع وعدم النصب على ناس تانيين برجاء عمل اغضبني على صفحتهم ونسخ قصتي عندهم.
برجاء الحذر من مكتب Boom Speed travel
https://www.facebook.com/profile.php?id=100070138187362
