20/12/2024
نصائح للمعتمرين❤️❤️
دي بعض الطاعات الي ممكن تعملوها زيادة عن الصلاة في الحرم وربنا يتقبل يارب
حاولوا مع كل فرض تصلوا فرض تاني لو حصل تهاون قبل كدة تبقوا عوضتوه
الفرض ب ١٠٠ الف فرض
ماتضيعوش السنن ابدا ابدا
صلوا كل صلوات الجنازة الي بتبقي بعد الفروض صلاة الجنازة اجرها قيراط في الجنة والقيراط كجبل أحد انتوا كدة الصلاة الواحدة ب ١٠٠ الف قيراط في الجنة
روحوا قبل الفجر اقل شئ ساعة ونص او ساعتين واعملوا قيام ليل لو قدرتوا تصلوا ٨ ركعات ب ١٠٠ اية اتكتبتوا من القانتين صلوهم بالواقعة واي سورة صغيرة
والافضل تصلوا قيام الليل ب ١٠٠٠ اية تتكتبيوا باذن الله من المقنطرين دول تجيبوهم بجزء عم وتبارك وطبعا ركتين شفع و ركعة وتر كدة كأنم بقالكم ١٠٠ الف يوم بتقيموا الليل بالف اية
خدوا معاكم فلوس فكة في ناس هناك بتبيع غلة للحمام هاتوا منهم واطعموا الحمام او خدوا معاكم كيلو غلة الي هي البليلة وكل ماتروحوا الحرم خدوا معاكن حبة في كيس واطعموهم تاخدوا ثواب بعدد كل حباية غلة الحمام اكلها والله يضاعف لمن يشاء
استغلوا كل لحظة واقعدوا قصاد الكعبة علي قد ماتقدروا وادعوا
طول مانتوا في الحرم لسانكم مايقفش بين ذكر ودعاء وقراءة قرأن
لو ربنا قدركوا صيام ولو يوم واحد في مكة تاخدوا ثواب صيام ١٠٠ الف يوم وياسلام لو يكون الصيام بكذا نية ولكم اجر علي كل نية نويتوها
حاولوا تقسموا وقتكم طول فترة وجودكم في مكة انكوا تختموا ولو خاتمة واحدة وانتوا هناك كللا الطاعات اجرها مضاعف بإذن الله
هتلاقوا في كل مكان ماء زمزم حواليكم اشربوا علي قد ماتقدروا وكل مرة بنية شكل مرة بنية القبول ومرة الشفاء وقضاء الحاجة واستجابة الدعاء والي في نفسكوا كله وربنا يستجيب ان شاء الله يارب وسموا الله قبل ماتشربوا واشربوا علي ٣ مرات وخلوا نيتكم اتباع سنة رسول الله عليه الصلاة والسلام
افضل وقت للعمرة بعد صلاة الفجر الجو بيبقي جميل والدنيا مش زحمة اوي وبلاااش بلااش تعملوا عمرتكم خميس او جمعة هتلاقوا زحمة شديدة ومش هتستمتعوا بعمرتكم وبيرخموا في موضوع التصريح لكن باقي ايام الاسبوع محدش بيدقق
زيارة الروضة بالحجز لازم تحجزوا الاول عشان تدخلوا
السيدات خدوا معاكم شرابات تقييلة لداخل الحرم والافضل من الشرابات لو تعرفوا تجيبوا جزمة الباليه الي بتبقي كأنها شراب بس جلد هتفيدكوا جدا وهاتي مقاس مريح لرجلكم ماتجيبوش مقاس عالقد وهاتوا شنطة ضهر
( منقول عن أخ كريم )
