مؤسسة كن محسناً للتنمية-Kon Mohsen Foundation

13/12/2025

في شتاء داخل… وفي بيوت لسه مستنية الستر.
مش كل الناس بتطلب الجديد،
فيه أسر كل اللي محتاجاه قطعة دفا.
طفل نازل الشارع بجاكيت خفيف،
مش لأنه مش حاسس بالبرد،
لكن لأنه ما عندوش غيره.
علشان كده
ً_للتنمية
بتطلق حملة لجمع ملابس صالحة للاستخدام
وتوزيعها على الأسر الأكثر احتياجًا.
👕 ملابس رجالي – حريمي – أطفال
🧥 ملابس شتوي نظيفة وصالحة
📦 التبرع متاح من أي مكان
ملابسك الزايدة ممكن تكون ستر ودفء حقيقي.
شارك معانا…
وخلّي عطائك رحمة وأمان لغيرك.
📞 للتواصل: 01069064629
konmohsen.org🌐

07/12/2025

✨ بفضل الله… خطوة جديدة في طريق الخير ✨

اليوم ولله الحمد قامت مؤسسة كن محسناً بتجهيز دار للمسنين بمجموعة كبيرة من الأثاث والأجهزة الأساسية اللازمة لبدء تشغيل الدار واستقبال الحالات.
تم نقل وتجهيز المحتويات عبر سيارتين كاملتين من المستلزمات الكبيرة، في خطوة تُعد واحدة من أهم مشاريعنا هذا الشهر.

هذا التعاون المبارك مع دار المسنين هو بداية لشراكة ممتدة بإذن الله، وسنواصل خلال الأيام القادمة استكمال تجهيز الدار بالكامل حتى تصبح بيئة كريمة وآمنة ومناسبة لكبار السن.

نسأل الله أن يجعل هذا العمل خالصًا لوجهه الكريم، وأن يكتب الأجر لكل من ساهم ويدعم ويساندنا ولو بكلمة طيبة.
وما زال الخير مستمرًا… 🤍

01/12/2025

في ناس كتير مستنية اللحظة المناسبة عشان تعمل خير…
بس الحقيقة إن أنسب وقت للخير هو دلوقتي.

يا جماعة، المجتمع بيتغير لما إحنا بنتغير.
ولو كل واحد اتبرّع بساعة من وقته… أو خبرة من شغله… أو علم بسيط يعرفه
— حتى لو مرة واحدة —
هيسيب أثر يفضل عايش سنين.

يمكن ساعة من وقتك تعلّم طفل حرف…
أو تفتح باب رزق لحد…
أو تنقذ مريض…
يمكن كلمة منك ترفع معنويات أرملة…
ويمكن مهارة عندك تغيّر طريقة تفكير شاب.

التطوع مش فلوس بس.
التطوع روح… تطوع قلب… تطوع ضمير.
وكل واحد فينا عنده حاجة يقدر يديها.

لو نفسك تعمل خير…
لو نفسك تسيب أثر…
لو نفسك تشارك في تغيير حقيقي…

إحنا فاتحين الباب لكل حد… مرة واحدة تكفي إنها تغير حياة حد.
تعالوا نكون سبب خير… وتعالوا نغيّر المجتمع بإيدينا.

يمكنك التقدم للتطوع معنا من خلال ملء النموذج ادناه.

14/10/2025

يارب رُدّنا إليك رداً جميلاً 🤲🏻

12/10/2025

✍️ لما الاحترام بقى “خيار” مش واجب

في الزمن القديم،
كان الطفل يعرف مقام الكبير من غير ما حدّ يشرح له،
وكان الابن لو رفع صوته على أبوه…
يفضل مكسوف من نفسه أسبوع كامل.

النهارده، بقى “الاحترام” وجهة نظر،
والابن بقى يناقش والده كأنه صاحبه،
والأم بتخاف تزعل ابنها أكتر ما بتخاف تزعل ربها.

سموها “التربية الإيجابية”،
وقالوا لازم نتعامل مع الأولاد بالندية ونقنعهم،
لكن نسينا إن فيه فرق كبير بين “الاقناع” و“الطاعة”،
وإنّ الطفل لو ما تربّاش على الخضوع للحق…
هيتمرّد على الكل، حتى على ربنا.

كان زمان الأب بيقول “غلط”،
فيسكت الولد احترامًا، مش خوفًا.

وكانوا فاهمين إن الحزم مش قسوة،
وإن الطاعة مش ضعف.

جيل زمان اتربّى على كلمة “عيب”،
فكبروا رجالًا عندهم أصل.
وجيل النهارده اتربّى على كلمة “براحتك”،
فكبروا… ومش عارفين حدودهم.

يا جماعة،
اللي بينادي بـ “حرية الابن في كل شيء”
بينسى إن الحرية من غير تربية
بتتحوّل لانفلات.

ومفيش مستقبل بيتبني على جيل لا يعرف الأدب ولا يخاف من الدعاء عليه.

#وعي

12/10/2025

✍️ لما التربية بقت “أونلاين”

بقينا في زمن الأب والأم مشغولين طول الوقت،
والعيال اللي المفروض يتربّوا… بيتعلّموا من “التريند”.

الولد بيسمع ألف رأي قبل ما يسمع صوت أبوه،
والبنت بتتعلم يعني إيه حب من فيديوهات قصيرة
عمرها 30 ثانية... ومفيهاش لا احترام ولا معنى.

بقى الطبيعي إن الطفل يردّ على الكبير،
وإن الأم “تحلّ المشكلة” بالموبايل بدل الكلام،
والاب يفتكر إن “المصاريف” هي التربية.

يا جماعة، التربية مش وجبات سريعة،
ولا أوامر نرميها وخلاص.
التربية وقت، وصبر، وموقف، وقدوة.

الطفل مش هيتعلم الاحترام من “بوست” على فيسبوك،
هيتعلمه لما يشوف أبوه بيحترم أمه،
ولما يسمع كلمة “شكراً” و”حقك عليّ” من بيته مش من النت.

كل جيل جديد مش “أسوأ”،
إحنا بس سيبناه يتشكّل لوحده،
وافتكرنا إن التقدم التكنولوجي ممكن يربّي إنسان.

بس الإنسان من غير تربية…
هيفضل دايمًا “مؤدّب أونلاين، ومندفع في الحقيقة.”

#وعي

25/09/2025

من حفلة تكريم حفظة كتاب الله في اكتوبر 🌸🌸

بفضل الله بعد الدورة الصيفية المكثفة ختم ٧ طالبات وطالب وختم طلبة كتير أعداد كبيرة من القران

حقيقي مبسوطين جدا بثمار الدورة المكثفة
وعقبال كل سنة ويكون افضل ان شاء الله 🌸

الحمدلله اهتمينا بغرس القيم بجانب حفظ القران
وحرصنا عليه جدا وساعدنا في الجانب المربي دكتور وليد شرقاوي جزاه الله خيرا 🌸

احب اشكر الاستاذة شيماء رجب علي مساعدتها القوي واشرافها علي الدورة جزاها الله خيرا 🩵

اشكر المعلمين والمعلمات في الدورة 🧡
اشكر المتبرعين اللي ساهموا معنا ودعموا أهل القران 🧡
جزاكم الله خيرا 🩵

22/09/2025

بسعر مخفض جدا
عملنا وجبات اطعام في مصر 🧡🧡

الوجبة كلفت 50 ج فقط
يناسب جدا الناس اللي حابة تعمل كفارات 🌸

جزاكم الله خيرا 🩵🌸

20/09/2025

📌 في إطار دور مؤسسة كن محسناً للتنمية في خدمة المجتمع، تم بحمد الله التعاون مع مستشفى بئر العبد المركزي بمحافظة شمال سيناء في إنشاء وترميم غرفة المشرحة وغسل الموتى بالمستشفى.

ويأتي هذا التعاون إيماناً من المؤسسة بأهمية هذا القسم الحيوي، الذي يمثل خدمة أساسية لأهالي المنطقة، ويساهم في توفير بيئة مناسبة تحفظ كرامة المتوفى وتيسّر على ذويه.

وتؤكد المؤسسة أن هذا التعاون سيكون بداية لتنسيق مستقبلي مع المستشفى من أجل تقديم الدعم اللازم وسد احتياجاتها المختلفة لخدمة أهالي شمال سيناء، وذلك ضمن رسالتها في تعزيز العمل التنموي والخيري.

ً

08/08/2025

🎊🎉 اللهم بارك اليوم ٣ بنات ختموا القرآن كاملا
في الدورة الصيفية المكثفة لحفظ القرآن التابعة لمؤسسة كن محسنا 🎊🎉

هنيئا لهم 🎊🎉
الله يتقبل منكم ويجعل كل حرف اتعلموه في ميزان حسناتكم

جزاكم الله خيرا 💛💛💛