09/01/2021
كتير مننا أول حاجه بيسأل عنها لما بييجى يسافر إزاى يلاقى تذاكر بأسعار رخيصة نسبيا🤔
واحنا كشركة سياحه يهمنا مصلحة العميل أولا وأخيرا ❤️ عشان كده قولنا نديكم بعض النصايح تساعدكم
👈خليك مرن وانت بتختار رحلتك من حيث الوجهه – المطار - المدينه - التاريخ.
👈 احجز فى وقت بدرى عن ميعاد سفرك بفتره عشان تلاقي بدائل وتختار السعر المناسب.
👈 احجز أون لاين لو كنت متأكد جدا إنك مش هتعمل تعديل في التذكرة أو تلغيها وإنك بتعرف تتعامل كويس علي مواقع الحجز العالمية وتفهم كل تفاصيل حجزك وبالذات عدد الشنط ووزنهم لأن أى خطأ هيكلفك فلوس كثير وللأسف كثير من المواقع بتنزل سعر يجذب العميل وبيكون من غير وزن خالص أو بشنطة واحدة .. ولو ضيفت الوزن بيكون السعر غالى ولو مش متأكد روح لشركة سياحة موثوق فيها وتابع معاها هتجيبلك أرخص سعر وهتعملك أي تعديل علي الرحلة في أي وقت وبمنتهي السهولة وهتوضحلك كل التفاصيل.
👈 مش لازم طيران مباشر يعنى بدل ما تختار تذكرة لمكان واحد رحلة مباشرة ممكن تشوف بلد معينة التذاكر منها رخيصة وتسافر منها لأى بلد انت عايزها دى حاجه مهمة للتوفير فى سعر التذكرة يعني متخليش وجهتك مباشرة خليها على رحلتين وبكده هتكون وفرت فى السعر.
👈 اختار ميعاد السفر بعناية لأن أسعار التذاكر بتختلف حسب أيام الأسبوع والمناسبات زى الأعياد والعطلات الرسمية علشان كده لو حابب تسافر ابعد عن السفر فى الأعياد والمناسبات علشان الأسعار بتكون عالية وكمان ابعد عن عطلة نهاية الأسبوع الأفضل اختار يوم السفر في وسط الأسبوع.
