10/07/2019
عمرك تخيلت إن فى كهف بالجمال ده وعمره اكثر من 40 مليون سنه موجود فى مصر وممكن تزورة ؟
اللى فى الصور ده محميه كهف وادى سنور
هتقولي مكانه فين ؟
ااقولك محمية كهف وادى سنور على بعد 70 كم شرق مدينة بني سويف وحوالي 200 كم عن القاهرة
بتوصله من الطريق الأسفلتي بني سويف – المنيا الصحراوي ، ثم عند قرية سنور شرق نهر النيل الكيلو 18 على الطريق الصحراوي الممهد، والذي يُعرف بدرب الرخام البحري، أو درب الرخام القبلي لمسافة 50 كم حتى الوصول للكهف
قصة إكتشاف الكهف :
تم إكتشاف الكهف بالصدفه عام 1992 عندما كان عمال المحاجر فى المنطقة يبحثون عن رخام الالباستر وفى أثناء تفجيرهم للصخور المحيطة ، ظهرت لهم فوهة كهف صغيرة جدا ، قاموا بإبلاغ المختصين بالأمر ، وعن طريق علماء الجيولوجيا تم معرفة تاريخ الكهف وأنه يرجع إلى العصر الأيوسيني الأوسط أي منذ نحو 40 مليون سنة مضت ، وقد تم الإعلان عنها رسميا كمحمية طبيعية بالقرار رقم 1204 لسنة 1992
أهمية الكهف :
يعتبر كهف وادي سنور أحد الكهوف النادرة عالمياً، والفريدة من نوعها ولا يوجد شبيه له بمصر سوى كهف الجاره الموجود بالقرب من الواحات البحرية (هبقي اعرفكم به بعدين)
نيجى بقى للكلام العلمى المهم :
يطلق مصطلح (تعرية كارستية) على عمل المياه الجوفية (المياه تحت الأرضية)
من نحت وإذابة كيميائية للصخور القابلة للإذابة مثل الحجر الجيرى والجبس
والأسم نسبة إلى إقليم كارست Karst فى إستراليا المنتشر به معظم أشكال الكارست المعروفة
خطوات تكون الكهف :
سقوط أمطار مشبعة بثانى أكسيد الكربون على صخور ذات مسامية عالية وشقوق واسعة , ثم تتخلل مياه الأمطار داخل الطبقات التحتية للصخور واللى فى الغالب بتكون مجوفة (الكهوف)
يتبخر جزء من المياه تاركا رواسب جيرية تنمو إلى أعلى فى وضع رأسى مكونة عامودا صاعدا يسمى ب (الصواعد) (الإستالاجميتStalagmites)وعندما يتبخر الماء على سطح الكهف قرب الشقوق فيترك ما به من جير مذاب ينمو إلى أسفل فى شكل
عامود هابط (الهوابط) (الإستالاكتيت Stalactities)
وقد يتشابك عامود صاعد مع عامود هابط ليلتحما مكونان عامودا سميكا يمتد من سقف الكهف إلى أرضيته
ويأخذ كهف سنور الشكل الهلالى , ويتكون من بهوين كبيرين يمين وشمال الفتحة المؤدية له
يعتبر مزار سياحى مميز نظرا لقربه من القاهره وسهولة الوصول إليه على طريق ممهد
نعمل أيه بقي عشان نزور الكهف وإزاى ممكن نوصله ؟
الناس اللى عايزه تزور الكهف أول حاجه لازم تبلغ إداره المحمية قبلها بحوالى 4 أيام عشان يتم التنسيق للزياره
ممكن تركب قطر وتنزل محطة بنى سويف أو ميكروباص بنى سويف من حلوان بعدها هتتفق مع عربية ميكروباص يدخلك لغاية الكهف حوالى 50 كم فى المدق ده فى حالة انك عايز تروح بأقل التكاليف
أو ممكن تتفق على عربيه 4*4 تدخلك للكهف مسافة المدق ده لان النوع ده من العربيات هيكون مريح أكثر وهيتحمل السير فى المدق
