Traveliano

Traveliano Traveliano company provides you new generation of adventures at egypt, hiking
mountains, dive into caves, desert camping, Safari trips

Official page for tourism and trips in EGYPT ♥

Follow us for upcoming trips and more.. Enjoy ;)

Freedom 😊سلام يا زوق 😘
24/04/2018

Freedom 😊
سلام يا زوق 😘

لقاء الحاضر بى الماضى وجهان لوجه😍
24/04/2018

لقاء الحاضر بى الماضى
وجهان لوجه😍

سائح يوثق رحلته لمصر بصور غاية في الروعة ❤بيظهر فيها اد اية مصر حلوة وجميلة 🇪🇬
09/08/2017

سائح يوثق رحلته لمصر بصور غاية في الروعة ❤
بيظهر فيها اد اية مصر حلوة وجميلة

🇪🇬

القريه السياحيه الي اسمها او 😎😎مبدئيا براد الشاي الي في الصوره من مطروح ب 35 جنيه 😂تفاصيل التسميه مش مهمه والي هيرو...
09/08/2017

القريه السياحيه الي اسمها او 😎😎
مبدئيا براد الشاي الي في الصوره من مطروح ب 35 جنيه 😂
تفاصيل التسميه مش مهمه والي هيروح هيعرف سبب تسميه الاسمين
المهم القريه دي ميزتها وعيبها في نفس الوقت انها مش معروفه يعني عدد الاشخاص هناك اقل من حجمها ومساحتها 🤗🤗
القريه عباره عن جزر متعدده اهمهم واشهرها جزيره #ميلانو وجزيره #مريانا وجزيره #كناري وجزيره #بهاما
المهم الميزه التانيه انها اقرب قريه سياحيه لمدينه مرسى مطروح الي تبعد عنها 16 كيلو ( ربع ساعه بالعربيه او 10 دقايق )
لما بنكون عاوزين نشتري حجات مهمه زي اللحوم والملابس وكدا بننزل نجيب طلباتنا كلها مره واحده من مطروح
بس هي متوفر فيها مطاعم وكافيتيريا وسوبر ماركت وملعب كوره وملعب اسكواش 🤣
تالت حاجه والاهم طبعا الشاااطئ بتاعها 🏊‍♂️🏊‍♂️🏊‍♂️🏊‍♂️
حضرتك بتقعد على الشاطئ ولا يتعدى عدد الاشخاص فيه 50 شخص
فكك بقا من زحمه مطروح وزحمه اسكندريه والكلام دا انت هناك يعتبر الشاطئ ملكك
حاجه كمان موجوده هناك حمام السباحه او البسين الي مش زحمه برضو وبياخد كل الاعمار الكبير والصغير
برنامج الناس كلها انها بتروح الصبح الشاطئ وبعدين ع العصر كده البسين وبليل على البحيره الصناعيه في كافيتيريا
ودا غير ال design بتاع المباني هناك الي اول ما تدخل هتنبهر بيه
بس القريه دي مش اي حد بيدخلها طبعا محتاجه انك تكون ماجر وحده ( شاليه او فيلا )
بالنسبه للفلل بيكون معاها جنينه خاصه ليك لوحدك
والشاليهات 3 ادوار اول دور ليه جنينه خاصه بيه
الكهربا هناك تمام ومفيهاش مشكله .. المياه فيها مشكله نسبيا لإن في مشكله في مدينه مطروح في الميا بس هي بدأت تتحل تدريجيا ,,, بيكون في خزانات 1000 لتر او 2000 لتر فوق كل فيلا او شاليه عشان التناكر دي بتتلمي كل يوم الصبح او كل يومين على حسب حصهه القريه .
اسعار التاجير هناك مش غالي نهائي ويعتبر زي او ارخص من اسكندريه او من مطروح نفسها .
😎

افتح الصور 👇بعد قطع مسافة طويلة في دروب الصحراء الغربية القاحلة، لن تصدق ما تراه عيناك عند وصولك إلى للمرة الاولى، فسو...
08/08/2017

افتح الصور 👇
بعد قطع مسافة طويلة في دروب الصحراء الغربية القاحلة، لن تصدق ما تراه عيناك عند وصولك إلى للمرة الاولى، فسوف تشهد #واحة مليئة بالينابيع المعدنية والبحيرات المالحة العلاجية وبساتين من أشجار الزيتون والنخيل وكأنها جزء من الجنة...
تنخفض #سيوة 18 متر عن سطح البحر و ده ليه تأثير في ارتفاع درجات الحرارة و نسبة الأوكسجين في الجو.
😎

Giza , Egypt
06/08/2017

Giza , Egypt

رأس البر .. Ras al barرأس البر يعني شارع 89 والسوق الكبير وبلبول وابو طبلوالسينما واللسان بالليل والترمس والبطاطا المشوي...
30/07/2017

رأس البر .. Ras al bar

رأس البر يعني شارع 89 والسوق الكبير وبلبول وابو طبل
والسينما واللسان بالليل والترمس والبطاطا المشوي
و فطير فتوح واﻻيس كريم وكافتيريات و
مكتبات ومحﻻت السوق الكبير . ذكريااااات جميلة .

النهاردة هنقولكم علي مكان من احلي المصايف اللي في مصر
يعني لو كنت بتفكر تسافر مع عائلتك أو مع اصحابك😉😉 يبقي رأس البر مصيف مناسب

مكان له تاريخ كبيرا بيبدأ من القرن التاسع عشر خلينا نتكلم علي الفنادق في هناك فنادق كتسرة أسعار تبدأ من 200 حتي 1500
علي حسب ما انت عايز و اصلا من جمال المكان
انت مش هتقعد في الفندق اصلا 😊😊
لكن مثلا فى فندق نضيف اسمه اميه فى شارع المديرية
الغرفة بـ 200 جنيه وقريب من البحر

أولا نتكلم عن منطقة اللسان كلنا سمعنا عن التقاء البحر المتوسط مع نهر النيل
في منظر تحفة و واضح هناك فرق بين البحر المتوسط ونهر النيل في اللون المياة

ثانيا الشؤاطئ
شاطئ النخيل والعائلات دة شاطئ أول لما تروح تاخد شمسية وكراسي
وطبعا عادة المصريين تفاصل معاه قعدنا علي البحر
كل لما تروح بدري يكون افضل ومش هتكلم بقي عن المياة ☺☺☺

ثالثا بقي منطقة الجربي السياحية ودي بقي أولي المناطق للعلاج الطبيعي في مصر
و المعروف برماله الجافة مفيدا جدا للجسم
وبتعالج الروماتزمودة مكان للسباحة النيلية الهادية
ومنطقة الجرابي بها عدد من النوادى منها نادى المحامين، الحكمة
والشرطة والقضاة والمهندسين وهى نوادى تفرض رسم لدخول
حوالي 25 جنيه للكبار والأطفال بـ 15 جنيه

رأس البر بها 6 أسواق رئيسية هى سوق السلام بمنطقة اللسان،
وسوق النيل العمومى، وسوق 63، وسوق 33، وسوق 89، وسوق 101،
وهى أسواق تتوافر بها جميع المستلزمات الأساسية،
واللي فيها محلات لبيع الأسماك، واللحوم، والدواجن، والأفران
والسوبر ماركت، والصيدليات وغيرها.
المصيف هناك فيه عدد من السينمات منها سينما الأندلس بشارع 101
وسينما رأس البر بشارع النيل، وسينما بمول حسان، وأخرى بمنطقة اللسان،

رابعا قرية رأس البر زمان دي بقي قرية تحفة
كل بيت موجود هناك لية اربع طرق لضمان الخصوصية
طرقين بيوصلوا للبحر مباشرا و طرقين لباقي القري
وبليل بقي ممكن تنزل تتمشي علي الكورنيش
ودة طوله ما يقارب 3كم والشواطئ الي بتتحول الي كازينوا
وبيكون في شاشة عرض سينمائي وبيعرضوا افلام جديدة
والاسعار بتكون عادي زي باقي البلد
ومن برة الشواطئ في كفيهات ومطاعم كتير جدا

خد مركب من اللسان بس الي بتروح لحد دمياط
بتقعدو ساعتين في النيل فسحة روعة التذكرة ب ٢٠ جنيه

و نصيحه لو عاوز تاكل أكلة سمك وتتبسط هتنزل دمياط القديمه
وتقول للسواق نزلني معديه المستشفي وهتسال مطعم إستاكوزا فين
وبألف هنا والمشوار ده كله مش هياخد منك تلت ساعه

وكمان في راس البر موجود قريه على النيل اسمها جابي الف ليله وليله
جابي .. Gaby
قعدته لطيفه و ومنيو الأكل متنوع اسماك مشويات بيتزا معجنات
ومشروبات طبعا وماركت صغير كده واللعاب اطفال.
والدخول مجانا شرط عدم دخول الاكل والشرب من خارج القريه
واسعاره في الأكل معقوله جدا
مثلا الساندويتش بيبدأ من 20 و الوجبات في حدود 50
بيقى فيه فقرات متنوعه تنورة / ساحر / انيميشن لذيذه./ استعراض
مكان حلو بجد وهتتبسطوا هناك
العنوان : رأس البر شارع 51 ع النيل مباشرة بجوار نادى المحاميين
وكما فيه جنبه فندق الدولفين و فيه حمامات السباحة
وده رسم دخوله بـ 50 واللى مش هيستخدم احمام السباحة بـ 25

😍

الجزيره دي موجود في مصر اسمها ابومنقار 😍💃مكان روعه محدش كتير يعرفه جزيره وسط المايه قصاد شواطئ الغردقه وعلي امتداد جزيره...
26/07/2017

الجزيره دي موجود في مصر
اسمها ابومنقار 😍💃

مكان روعه محدش كتير يعرفه جزيره وسط المايه قصاد شواطئ الغردقه وعلي امتداد جزيره الجفتون الجزيره من الاماكن اللي مش معروفه في مصر طريقه الذهاب للجزيره قارب خاص بيبقا تكلفته ف حدود 1000 جنيه ممكن تركبوه ف حدود 60 فرد

الرحلة بتبتدي الساعه ٨.٣٠ صباحا وبتوصل للجزيرة بعد حوالي ٤٥ دقيقه
الجزيرة فيها شاطئ رمله بيضا رائع جدا ولسان رمله بيمتد لجزيرة الجفتون 💓
وفيها شاطئ تاني ملئ بالقواقع البحرية وكمان فيها بحيرة داخل الجزيرة وحوليها اشجار المنغاروف اللى بتطلع فالمياه المالحه وكمان مليانه بطيور النورس ... مياه البحر هناك فيها حاجه جميله جدا الميه من تحت عند رجليك بتكون ساقعه جدا ومن فوق دافيه جدا سبحان الله ممكن تقضو اليوم كله عالجزيرة لحد الساعه ٤ العصر وممكن تمشو بدري وتعملو سنوركلنج حولين الجزيره

😎

الصوره دي بتمثلني جداً الفتره دي .. 😂
25/07/2017

الصوره دي بتمثلني جداً الفتره دي .. 😂

شايفين بقى شوية الصور دىالصور دى من مصرمن الساحل الشمالى فى منطقة ال LAKE YARDيعنى ممكن وانت فى الساحل أو فى طريقك لمطرو...
25/07/2017

شايفين بقى شوية الصور دى
الصور دى من مصر
من الساحل الشمالى فى منطقة ال LAKE YARD

يعنى ممكن وانت فى الساحل أو فى طريقك لمطروح تخش تخطفلك صورتين كدة :)

**ممنوع دخول الكاميرات الأحترافية فى المكان

😎😎

مع من ترغب بالجلوس والاستمتاع بهذا المكان ؟ 😍- منشن
25/07/2017

مع من ترغب بالجلوس والاستمتاع بهذا المكان ؟ 😍
- منشن

الناس اللي عاوزه تروح #مصيف #بورسعيدلو مش حاجزه فنادق انزلي في شارع الثلاثيني كلهم فنادق حلو وأسعار مختلفه لكن لو عوزه...
25/07/2017

الناس اللي عاوزه تروح #مصيف #بورسعيد

لو مش حاجزه فنادق انزلي في شارع الثلاثيني كلهم فنادق حلو وأسعار مختلفه لكن لو عوزه حاجه جامده وخدمة عاليه يبقي في آخر شارع الثلاثيني فندق light ctiy وهينزلك فطار اما لو عوزه قري سياحيه عندك من مدخل دمياط لحد نادي الصيد كلهم قري سياحيه من اولها قريه الفيروز وقرية الكناري والكروان والنورس وجنة النورس وقرية مرحبا وقرية الباتروس وعندك فندق هلنان وفندق رستا عند ديليسبيس دول قري سياحيه كلهم حلويين لكن لو عوزه حاجه فوق الخيال وجامده يبقي قريه مرحبا هتلاقى هناك خدمة مميزه وفطار 4 أشخاص وخدمة vip لكم فيه بيت الشباب والرياضه رخيص جدا وموقعه قريب من البحر
الخاص بالاكلات البحريه لو عوزه تاكلي اكلات بحريه تطلعي عند مجمع المطاعم خلف نادي القوات المسلحه هتلاقي هناك جميع المطاعم اشهرهم البرج والكاستن بس الأسعار غاليه شويه وابقي روح بالليل عند علي بابا ( سندوتش ات اكلات بحريه
لكن لو عوزه حاجه في المعقول وجامده وخدمة وجوده ممتازه يبقي مطعم سماكتو وفي شارع الاستثمار في مدخل البلد شارع عبد الرحمن شكري عند سور مصنع الغزل والنسيج تاكسي 8 جنيه مهما كنتي فين هيوديكي له بالف هنا علي قلبك
الخاص بالقعدات والسهرات عندك كتيررررررر لكن فيه عندك جيانولا في شارع الجمهوريه قعده vip وعندك بيتزا بينو قريب من الممشي السياحي عند ديليسبيس برضه vip وعندك الشيف خلف مدرسه الثانويه بنات ده أسعاره متوسطه وحلوه وعندك طول شارع طرح البحر قريب من الشيف برضه قعدات حلوه وادخل بقي علي #كاستا من عند #سلسبيلا طعم جامد جدا وهوا الوحيد في مصر اللي بيعملها بالطعم ده
التسوق من شارع الحميدي وشارع التجاري وشارع الثلاثيني أسعار متوسطه ولو عوزه حاجه عاليه وأسعار ماركات عالمية في شارع الجمهوريه وعند قريب من الممشي السياحي ولو عوزه هدوم باله ولعلمك في السوق هدوم جديده في سوق الباله صدقيني ده هتلاقي أسعار منخفضة وحاجات حلوه جدا لان بتبقي فوائض المحلات في الخارج وبينزلوها ع انها مستعمله لكن في الحقيقه جديده
: الأسماك لو عوزه تجيبي أسماك عندك 3 اسواق أما سوق السمك اللي عند سوق ستوته أو سوق سمك رضوان بجوار قصر الثقافه في الامين سوق السمك امام سوق الباله لكن لو عوزه سمك مضمون وحلو يبقى من عن محسن السماك ده هتلاقيه في مدخل سوق السمك أما سوق الباله امتداد شارع ناصر الراجل ده آمين وحاجات نظيفه بس ابقي اعملي حسابك خودي علبه الفليين وحطي فيها ثلج عشان السمك وممكن تجيبي علبه ديه من شارع الحميدي فيه أوله عند مطعم الحطاب فيه واحد أدوات صيد هتلاقي عنده ده وانصحك #تحذير #بلاش تجيبي كابوريا وجمبري عشان لو جبتيهم ممكن هتلاقي كابوريا فاضيه والجمبري صغير إلا من رحم ربي
: نصائح عامه لما تنزلي من الموقف بالسلامه سواء موقف مصر او موقف دمياط بلاش تركبي تاكسي من هناك لأنك راح تسمعي أرقام خياليه 60 و70 جنيه وده طبعا مش موجود أمشي شويه وهاني من ع الطريق الأساسى هتلاقي السعر الرسمي 8 جنيه ده لحد من اول البلد لحد آخر البلد لو معاكي شنط والعيله كلها هي ^^ 10 جنيه ^^بس وعندك الميكروباص تقريبا 1.25 الميكروباص هيوصلك كل الأماكن انتي هتستعملي خطين هوا خط الدائري والأمين
وانتي نازله تعملي تسوق الملابس لما تشتري حاجه قولي الي صاحب المحل خليها عندك وهرجع اخدها منك عشان تمشي فاضيه ومحدش يعرف انك غريبه عشان تاخدي أفضل وأحسن الأسعار وفصلي جامد جدا بس متحاوليش تقولي أي كلمه أو مصطلح من لهجه مدينتك الاساسيه عشان ميعرفش انك غريبه
اللهجه بقي اتكلمي عادي جدا صدقيني هتلاقي بورسعيديه الأصليين بيتكلموا زيك
لأن اللهجه اللي معروفه من فيلم اللي اتعمل صدقيني ديه مش لهجه البورسعيديه الأصليين لأن ديه لهجه دمياط ومدينة المطرية والمنزلة التابعه للمنصوره و3 دول عايشين و يمثلون في بورسعيد 80 % من سكان ويتكلموا اللهجه بتاعه الفيلم وهي لبست في بورسعيد !!!
لكن اتكلمي لهجه عاديه هيعرفوا انك بورسعيديه اصلي 😊
: لو عوزه بحر آخر حاجه وجامد ورخيص وخدمات وشمسيه وكراسي وهدوء يبقي اطلعي علي شاطي بورفؤاد اطلعي علي شاطيء الزعيم في بورفؤاد
انا أفضل تدخلي نادي علي البحر يبقي احسن و رخيص وبيعطوكي كل شيء لزوم القعدة ومتنساش تركب المعديه بورفؤاد اللي 2 دور

😎

Address

جنينه مول عباس العقاد مدينه نصر
Cairo
.

Opening Hours

Monday 9am - 5pm
Tuesday 9am - 5pm
Wednesday 9am - 5pm
Thursday 9am - 5pm
Saturday 9am - 5pm
Sunday 9am - 5pm

Telephone

0 1 1 5 0 8 2 7 7 5 7

Website

Alerts

Be the first to know and let us send you an email when Traveliano posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Traveliano:

Shortcuts

Share