https://www.facebook.com/1496657587087980/

Til Travel, Cairo (2026)

19/12/2017

طيب هو فى بلد فيها كل الجمال ده !!!!

06/12/2017

دي مش المالديف 😳
دي الغردقة فـ مصر 🌊 😍 😍
النفسية في اشد احتياجها لـ الغردقة 😁👏🏽

03/12/2017

متحف أم كلثوم

وحتى لو مش مجانية التذكرة ب 2 جنية بس 🙂 تخيل أنت بقى
بس عموما للطلبة طوال شهر ديسمبر الدخول مجانا بكارنية المدرسة أو الكلية ..

بس عموما هو فرصه للى مشافش أم كلثوم على المسرح (خصوصا البنات هيعجبهم محتويات المتحف جدا من اكسسوارات ) انه يشوف اللبس بتاعها والاكسسوارات والمناديل
كله ده مع خلفيه موسيقيه هادئه لأغانيها رائعه بتحاوطك لفين ما تروح ومتتباعك فى كل أركان المتحف

المتحف بيضم 8 قاعات

القاعة الرئيسية فيها 8 فاترينات زجاجية كبيرة بتضم أيه بقى :

مقتنيات شخصية: (ملابس / اكسسوارات / حقائب / أحذية / أدوات خاصة)

مقتنيات وثائقيه : ودى اللى بتضم الجوابات والمخاطبات اللى بينها وبين فريق عملها والشخصيات العامة وشوف الابداع فى طريقة الكتابة

دة غير الاوسمة و الجداريات ( اللى هى الصور والبراويز )

وفى كمان قاعة السينما ودى بيتعرض فيها فيلم تسجيلى لأم كلثوم عن قصة حياتها بالإضافة إلى أجزاء من أفلامها الستة وحفلاتها فى مصر والوطن العربى ويختتم بجنازة أم كلثوم ومدة هذا الفيلم 26 دقيقة. وهو مترجم باللغتين الإنجليزية والفرنسية

وفى قاعة تانية فيها 5 أجهزة كمبيوتر يتم من خلالها استعراض لجميع أغانيها وصور حفلاتها ورحلاتها الخارجية والداخلية وأفلامها بالإضافة إلى سجل كامل يحوى كل ما كتبته الصحافة العربية عن أم كلثوم منذ عام 1924 وحتى عام 2000م .

أخر قاعة بقى بتعرض مجموعة صور للمراحل العمرية لأم كلثوم خلال حياتها وصور لأفلامها ومجموعة صور مع الفنانين والمطربين وصور مع رؤساء الدول العربية

العنوان : 1 شارع الملك الصالح-جزيرة الروضه -المنيل
فى منطقة قصر المنسترلى
أقرب محطة مترو الملك الصالح
المواعيد : من 9 صباحا ل 4 مساء
التذكره ب2جنيه

01/12/2017

تعرف أنك ممكن تسافر برة مصر بس وأنت جوة مصر
طب أزاى الفزورة دى 🙂

الجمال اللى فى الصور ده فى قطعة صغيره أوى فى بلدنا
أسمها رأس البر
هى الناس بتعتبرها مصيف بس أحنا مبنروحهاش غير فى الشتا فعلا كل حاجة فيها بتبقى جميلة ونضيفة ورايقة والبلد شغالة عادى جدا..

البلد طبعا غير الأستجمام ممكن يتعمل فيها حاجات كتير
هنقولكم على حاجة واحدة بس تتعمل وهى مثلا أنك تروح عند النيل ( البلد فيها بحر ونيل الاتنين مع بعض ) وتاخد معدية للناحية التانية ومنها تستمتع برحلة نيلية متكلفكش أكتر من 5 جية عند عزبة البرج ( أحنا بقا لما نزلنا المكان دة لقينا فية عربيات ماشية ممكن تقول أنها من أنتاج الأربعينات من القرن اللى فات و لسة شغاله

وصلت للعزبة المكان دة متجمع فيه كل الصيادين تقريبا أنت هتخش هتاخد أشكال والوان من السمك والجمبرى والكابوريا وحتى الأخطبوط كمان وكل اللى انت هتشترية مش هيكمل تلت تمن أكلة سمك فى القاهرة أو الأسكندرية حتى ..

وتنزل على اى محل سمك يسويلك الكلام دة وخدة بقى واطلع عند الشاطئ ( الصبح الجو ممتاز بس لو سمحتم محدش يسيب مكان مش نضيف )

بعد كدة تروح بقى علشان تستريح وتنزل ع الشارع الرئيسى معظم المحلات والكافيهات شغاله وتتمشى لغاية لما توصل للفنار واللسان وتقعد تاكلك كوز درة ولا حتة بطاطا ( بس تقل حبتين لان الجو بليل غير الصبح خالص ) ومتنساش تتصور عند الفنار لانها ذكرى حلوة اوى ..

نوصل للميزة بقى ان الشقق فى الوقت بتبدأ من 150 جنية ونضيفة دا لكن فى الصيف بتبقى 4 اضعاف مثلا

أنتم فعلا هتنبهروا بالبلد ونضافتها وشكلها
جربوا تروحوا فى الشتا وفعلا الأستجمام هيخليك واحد تانى ولو قعدت 4 أيام ممكن متكملش 1000 جنية لو أنتم أسرة

❤️❤️

26/11/2017

قصر الامير محمد علي توفيق بالمنيل

من اروع الاماكن اللي ممكن نزورها..
اكيد كلنا عدينا عليه كتير لكن مش كلنا نعرف المكان ايه وقد ايه جميل بكل تفاصيله.

صاحب القصر طبعا من اسرة محمد علي الكبير وهو اخ للخديو عباس حلمي الثاني وكان ولي عهد لحكم مصر\
اولا الزيارة غير مكلفة تكلفة الفرد عشرين جنية والطلبة عشرة جنيه بس.
تذكرة التصوير خمسين جنية وده رقم بسيط لكمية الصور الجميلة اللي ممكن تاخدها هناك.

حاجة مهمة عرفتها ان الامير محمد علي هو صاحب التصميم المعماري لكل اجزاء القصر وهو كمان اللي اشرف علي التنفيذ،عشان كده تحس ان المكان ليه خصوصية وذوق خاص جدا.

مثلا كل غرف وصالات القصر حوائطها من البلاط القيشاني لكن بتصميمات مختلفة وكمان كل الاسقف من الخشب بتصميمات اسلامية تحفة ومفيش مكان زي التاني كل ركن فعلا مختلف.
القصر عبارة عن كذا مبني..لاقينا دار الاقامة غير قاعة العرش غير قاعة الاستقبال ، كمان في مسجد تحفة صغير شوية بس فعلا مختلف،في كمان متحف المقتنيات الشخصية للامير..
وهو عبارة عن متحف للتحنيط ...اصل الامير كان غاوي صيد وحنط كل حاجة كان بيصطادها...لاقينا غزلان وطيور ونسور وحاجات كتير اجملها في رأيي الفراشات...مبهرة😍
و الجديد انهم محنطين الجمل اللي كان بيشيل كسوة الكعبة كل سنة، وده فكرني اقولكم ان هناك في اجزاك من كسوة الكعبة اللي كانت بتتصنع في مصر اكتشفت ان لونها كان ازرق مش اسود.
انا طبعا عجبني المكان ونفسي احكي كل حاجة لكن اكتر حاجة عجبتني هو الاوبيسون الفرنساوي اللي ورثة الامير عن جده
كان في اوضة مخصوص صالوناتها وسجاجيدها وستايرها اوبيسون انتيك .

في ساعة في القصر هي نفس الساعة الشهيرة اللي في محطة مصر.

القصر بيفتح كل يوم من : ٩ صباحا حتى ٥ مساء
التيكت 20 جنيه و الطلاب 10 جنيه
و تيكت التصوير 50 جنيه وسعر الفوتوسيشن 300 جنية بدون أستخدام الفلاش
هتلاقو هناك مع كل زيارة هتيجي tour guide مجاني يحكيلكو كل حاجة عن القصر
المكان : المنيل -- أقرب محطة مترو السيدة زينب بعد كدة مشى حوالى 7 دقائق

25/11/2017

سلاماً على مَن يجلِسُون وحيدينْ ليلاً ينتظِرون مِن ربّ العِبآد الكريمْ فرجاً ..❤

21/11/2017

متحف الفن الأسلامى

عارفين الحاجة اللى الواحد يفتخر أنها موجودة فى البلد ... طيب نقولكم حاجة فى ناس كتير ممكن تروح متحف مرة وخلاص أحنا المتحف دة من ساعة أفتتاحة من حوالى 8 شهور و أحنا كان لينا 3 زيارات وكل مرة بيبقى فى أنبهار ..

اللى بيقدر الحاجت دى ويقدر اللى واقف قدامة ويبقى عند المقدرة التخيل هى الناس دى كانت بتستخدم الحاجت دى أزاى وبتلبس اللبس دة أزاى هيحس بجد بشعور جميل أوى

هنقول حاجة بسيطة لما الواحد بيدى ميعاد لحد اليومين دوول بيبقى معاه موبايل وساعة فى أيدة وعربية تقدر توصلة طيب الناس دى كانت بتلتزم بمواعيدها أزاى ؟؟؟

اهى دى حاجة هتعرفوها هناك وفعلا لما تتخيلها هتسرح بدماغك كتير أوى

طيب السيف والدرع دة مين اللى كان بيستخدمة وعمل بيه ايه ودافع عن أيه وانتصر ازاى وتخيل بقى مع المرشدين القصة كلها ( الموضوع مش انى ألف واتفرج ع التحف وبس كدة)
كل قطعة ووراها سر وحكاية..

المقتنيات الدهبية اللى هى عيار 24 والزمن مأثرش فيها خالص والسيف اللى من الدهب الخالص والدراهم والدنانير ( صُرة من الدنانير 🙂 ) والكتابات اللى مكتوبة بدقة جدا ع الابواب والادوات لما تقرب منها تكتشف أنها مش زخارف دى كتابات ورسومات بترمز لكل حاجة ( برضة المرشدين هيقوللك ع كل حاجة )

أخيرا نتمنى أننا نكون شوقناكم لأن اللى مكتوب دة لا يمثل 1 على 1000 من اللى هتشوفوه وهتنبهرة بيه دة غير ان الحديقة الملحقة بالمتحف تحفة وهتاخدوا فيها أحلى صور

مواعيد العمل : يوميا من 9 صباحا ل 5 المغرب ( الجمعه بس بيغلق أبوابة ساعتين لصلاة الجمعة )

سعر التذكرة : 10 جنيه للمصرى و 5 جنيه للطلبه
الاجانب : 50 جنيه و الطالب الاجنبى 25 جنيه
تذكره التصوير الفوتو غرافى : 50 جنيه
يوم السبت : التذكره 15 جنيه لأن يوم السبت المتحف مفتوح لحد 9 بليل
العنوان :منطقة باب الخلق . امام مديريه الامن القاهرة لو رايح بالمترو هتنزل محطة محمد نجيب

15/11/2017

كهف سنور

أنتم متخيلين حاجة بالجمال دة فى بلدنا

كهف سنور موجود في محافظة بني سويف بنروحله عن طريق الكريمات لبني سويف, بعد مدينة بني سويف بشوية ندخل في مدق في الصحراء غير ممهد يحتاج 4x4 حوالي 40 كيلو. (مينفعش تدخل بعربيات عادية)
المكان عبارة عن محجر رخام و ألابستر و تم اكتشاف الكهف أثناء التنقيب عن الألابستر سنة 1992و اعلنت محمية طبيعية. يعتقد وجود كهف تاني تحته يحتوي علي مياه جوفية بس لم يتم التنقيب عنه.

الكهف نفسه في وسط جبل, و فتحة دخولة في سفح الجبل, مدخله ضيق جداً و ضلمة جداً من جوه, لازم تاخد معاك كشاف قوي من بتوع الرأس مش كشاف الموبيل, ليه generator للإضاءة الراجل بتاع المحمية هو اللي بيفتحه.

نيجي للكهف بقي, بتعدي فتحة ضيقة وهاتدخل علي سلم خشب معلق و مش ثابت لتحت مش في نفس المستوي, الكهف لونه رمادي مش ملون هم حطين نور ملون بس بيدي جمال في الصور للمكان. الصواعد و الهوابط بتبقي نازلة من السقف و طالعة من الارض, و الكهف ممتد يمين و شمال, الصخور حادة زي الازاز و ممكن تعور. درجة حرارة الكهف ثابتة علي طول السنة علي 24.
الكهف في وسط الصحراء يعني مفيش اي خدمات و حتي التجهيزات اللي هناك بدائية و مش نظيفة. هات معاك كل حاجة محتاجها عشان مفيش حاجة هناك.

عدد الزوار مبيزيدش عن 20 داخل الكهف علشان نسبة الأكسجين بتقل طبعا .. بس قبل ما تروح لازم تعرف الكهف مفتوح ولا لا علشان شرطة السياحة بتقفل الكهف من وقت للتانى

وهو مغلق فى الوقت الحالى وفى أنتظار فتحة تانى أن شاء الله

15/11/2017

شايفين بقى شوية الصور دى
الصور دى من مصر
من الساحل الشمالى فى منطقة ال LAKE YARD

يعنى ممكن وانت فى الساحل أو فى طريقك لمطروح تخش تخطفلك صورتين كدة 😉😍

**ممنوع دخول الكاميرات الأحترافية فى المكان

15/11/2017

هو دا الوقت اللى تروح فيه الفيوم 😃

تقدر تنظم يوم مع عائلتك وتروحوا الفيوم وتستمتع بشلالاتها وطبيعتها الجميلة، والتزحلق علي الرمل هناك من أحسن الأنشطة اللي ممكن تعملها وتستمتع جدًا بيها، طبعًا ده بجانب ركوب الخيل و المركب في البحيرة المسحورة واللي أتسمت كده لأنها مستخبية وسط جبال ومش ممكن أي حد يشوفها من بعيد.

ده غير زيارة بعض الأماكن التاريخية هناك زي معبد قارون ووادي حيتان اللي ممكن تخيم فيه وتتفرج علي أجمل النجوم في السماء ومش ممكن تنهي زيارتك للفيوم من غير ما تطلع علي جبل المدورة وتاخد أحلي صور هناك

-في هناك مكان اسمه الواحه:

و ده يعتبر مكان فندقي بس مش 4 او 5 نجوم بس في ملاهي بسيطه لاطفال و المطعم علي البحيره و الغرف نظيفه الي حد ما

و ده الفطار بيبدا ب 25 جنيه و شامل ربع فطير مشلتت و معاه جبنه بالخيار و الطماطم و مش و عسل اسود.

-المكان التاني فاسمه ذات المسافر:

و ده معمول علي الطراز البدوي البسيط جدا و بيطل علي أراضي خضراء و مفيش خوف علي الأطفال و في ملاهي هناك

اسعار الغرفه بتبدا ب 120 جنيه و طبعا الغرف علي الطراز البدوي البسيط جدا.

أول مكان و انت لسه بصحتك هو انك تزور القريه التونسيه و تتفرج علي طرق صناعه الخزف و هناك هتتفرج من اول طرق التحضير لحد الانتهاء من صناعتها و كمان ممكن تشتري منهم كمان

• جبل المدوره و ده حلو و امن لشباب من سن 15 سنه و يفضل بلاش أطفال اثناء التسلق لاستمتاع و التركيز

• وادي الحيتان و ده لو ليك في الحفريات

• وادي الريان و اتفرج علي الشلال وأعتقد أنه المكان الوحيد في مصر اللي فيه شلالات بعد كده اطلع علي البحيره و اركب فلوكه لمده 45 دقيقه.

و انت هناك هتلاقي اكشاك بتاجر البورد لو حابب تتزحلق علي الرمل و سعر التاجير يبدا من 25 جنيه و بعد كده طير بالباراشوط عن طريق عربيات 4*4 و استمتع بالمناظر من فوق و سعره يبدا من 50 جنيه و غالبا 15 دقيقه.

• قصر قارون هو مش ممتع قوي بس يعتبر من المزارات المعروفه هناك.

• قريه ماضي الأثرية و ديه لسه مكتشفينها جديد

Til Travel

19/12/2017

06/12/2017

03/12/2017

01/12/2017

26/11/2017

25/11/2017

21/11/2017

15/11/2017

15/11/2017

15/11/2017

Address

Telephone

Website

Alerts

Shortcuts

Share

Category

Listing takedown request