22/09/2021
حضرتك ممكن تقد علي تأشيرة تركيا و ده المطلوب
بالنسبة لتأشيرة السياحة لتركيا :
• لو سنك اقل من 18 أو اكبر من 45 مش محتاج تروح اي مكان علشان تاخد الفيزا علي الباسبور وممكن نطلعها أون لاين وناخد الرد عليها بعد 3 أيام عمل وتكلفتها حوالي 40$ + 100 جم – مصاريف ادارية.
• أما لو سنك مابين 18 : 45 سنه فلازم تاخد الفيزا علي الباسور ولازم تقدم عليها بنفسك من خلال مكتب MZ في القاهرة أو الاسكندرية
o جواز سفر ساري لمدة لا تقل عن 6 أشهر.
o عدد 2 صورة فوتوغرافية 4*6 خلفية بيضاء (صورة حديثة لا يمر عليها 3 أشهر).
o كشف حساب بنكي لحركة 6 أشهر (لم يمر علي اصداره 10 أيام).
o حجز طيران وفندق مبدئي.
o تأمين صحي يغطي فترة الاقامة في تركيا.
o التكلفة حوالي125 $ ولازم تدفعها بالدولار.
• للطلبة: اثبات قيد ( الأصل ) مختوم وموقع ولم يمر عليه 30 يوم.
• للموظفين: خطاب من جهه العمل ( الأصل ) موقع ومختوم ويذكر فيه المسمي الوظيفي والراتب وتاريخ بداية العمل ولم يمر عليه 30 يوم.
• لأصحاب العمل: سجل تجاري وبطاقة ضريبية ( أصل وصورة )
عنوان مكتب MZ :
• القاهرة : فيلا 21 شارع قمبيز متفرع من شارع مصدق ناصية هارديز - الدقي
• الأسكندرية : 88 شارع فؤاد - باب شرق الاسكندرية.
o مواعيد التقديم من الأحد الي الخميس من الساعه 9 : 3.30
o مواعيد استلام الطلبات بعد الساعه 3.30م
• المسحة PCR: حتي الان مطلوب مسحة PCR عند دخول تركيا وعند دخول مصر ويجب عملها خلال 72 ساعه قبل دخول البلدين .. ربما يتلغي القرار ده قبل ميعاد الرحلة أو لا لكن حتي الان مطلوب.
• التصريح الأمني :
لو سنك ما بين 12 : 40 سنه التصريح الامني هيكون اجباري للسفر وده بيتعمل من ادارة الجوازات وممكن تطلعه مستعجل بحوالي 120ج
وده بيتعمل بعد لما تاخد الفيزا علي الباسبور ويكون معاك أصل الباسبور مع خطاب جهه العمل وبرنت تأمينات وحجز الفندق والطيران.
• تصريح الجيش :
o لو انت في سن التجنيد لازم تطلع تصريح سفر من ادارة التجنيد.
o التصريح الأمني وتصريح الجيش لا يمكن السفر بدون الحصول عليهم.
• أقدم فين علي التصريح الأمني؟
o المكان الوحيد للحصول علي التصريح الأمني هو من الإدارة العامة للجوازات و الهجرة الموجودة في أكاديمية الشرطة في العباسية .و مواعيد العمل طوال الأسبوع ماعدا الجمعة و الأجازات الرسمية من 8 ص – 2 م .
• ما هي الأوراق المطلوبة للتقديم علي التصريح الأمني ؟
1. الوثائق المطلوبة لاستخراج التصريح الأمني
2. جواز السفر الأصلي وعدد 3 صورة ضوئية منه .
3. تأشيرة السفر وعدد 3 صور ضوئيه منها .
4. اسم الاب رباعى وتاريخ ميلاده بدقة .
5. خطاب من جهة العمل يحتوى على الرقم التأمينى للمسافر .
6. لو كنت صاحب شركة أو عمل خاص, تجيب البطاقة الضريبية و السجل التجاري.
7. إستمارة طلب استخراج تصريح أمنى يتم الحصول عليها من مكتب الجوازات وملء البيانات المطلوبة بها .
8. كارنية النقابة العاملين بجهات نقابية مثل الإعلام والحقوق وقطاع الصحة وغيرها .
9. في حالة السفر مع العائلة فوق 45 سنة يجب إحضار صورة من جواز السفر الخاص بكل فرد من أفراد العائلة المصاحبة للمسافر .
10. في حالة الأفراد الحاصلين على فيزا امريكا والشنغن سارية المفعول يتم استخراج فيزا الكترونية يتم بها استخراج التصريح الأمني .
11. في حالة العمل في مهنة غير المذكورة بشهادة التخرج يجب إحضار شهادة التخرج الخاصة بـ المسافر .
12. يتم استخراج التصريح الأمني بعد أسبوع من تاريخ تقديم الطلب بناء على الاسم ورقم التصريح .
