22/04/2026
هو ازاي محدش بيتكلم ان تذكرة السينما بقت ب ٤٥ جنيه ؟؟
تذكرة السنيما بنص السعر ده بجد علط كل الحفلات وكل الافلام ‼️
الحفلات الصباحية ب٤٥ بدل ٩٠
و الحفلات المسائية ب ٦٥ بدل ١٣٠
بس عشان تبقى المعلومة كاملة .. مش كل السنيمات عاملين كدة دي سينما جلاكسي المنيل Galaxy Cinema
Premiere Cinemas
و الاسعار دي يوم الاتنين من كل اسبوع بس
أنا نفسي مكنتش مصدق السعر دا لحد ما دخلنا الفيلم، الصورة واضحة و الصوت ممتاز، كراسي مريحة و الصالات كلها مكيفة و نضيفة و انبسطنا جدا بالخروجة
احنا لما بنقعد عالقهوة بندفع أكتر من كدة 🥹
متنساش تاخد فيشارك و انت داخل و السلاش بتاعك و تستمتع بالقعدة لان دول من اساسيات الخروجة
سنيما جلاكسي دي تحديداً بشوفها بفرح .. ليها ذكريات جميلة معانا كتير لانها موجودة من ٢٥ سنه و تقريباً لحد دلوقتي دي السينما الوحيدة في المنيل
المواعيد:
الحفلات الصباحية
١١:٣٠ ص & ١:٤٥ م
الحفلات المسائية
٤:١٥ م ٦:٣٠ م ٩:٠٠ م
رقم السنيما
0225325745
العنوان:
المنيل، شارع عبدالعزيز آل سعود، سنيما جلاكسي نفسها علامة مشهورة جداً
أقرب محطة مترو الملك الصالح
