28/10/2025
🎬 العد التنازلي لافتتاح المتحف المصري الكبير | اليوم 2
✨ "المتحف نفسه... قطعة من الحضارة!"
قبل ما تدخل تشوف آثار آلاف السنين،
هتنبهر الأول بالمبنى نفسه... لأنه فى حد ذاته تحفة معمارية حديثة بتحكى قصة حضارة من خلال تصميمها...
التصميم الفائز اتنفّذ بعد مسابقة عالمية سنة 2002 شارك فيها أكتر من 1500 مهندس من 80 دولة،
وفاز بيه مكتب التصميم الإيرلندي Heneghan Peng Architects 🇮🇪
📍 الموقع عبقرى: المتحف متشاف من الأهرامات ومكانه على بُعد 2 من بس منها !!
المعماريين اختاروا إن خطوط المبنى تتجه بصريا نحو قمم الأهرامات الثلاثة، وكأن المبنى بيكمل المشهد العظيم...
الواجهة الأمامية للمتحف مصنوعة من الحجر الجيري المصري، وشكلها على هيئة مثلثات ضخمة بتستحضر روح الأهرامات القديمة لكن بروح عصرية ومع ضوء الشمس لونها بيتغير بين درجات الرمل الدهبى فى وقت الغروب...✨
ومن اول ما تدخل المتحف بتبدأ رحلتك فى الزمن… المساحة الكلية تتجاوز 500 ألف متر مربع!
فيه قاعات عرض ضخمة، والدرج العظيم بيطلعك من عصور ما قبل الاسرات لحد العصر القبطى ومع كل درجة هتشوف تماثيل ضخمة بتطل عليك وكأنها بتحكى أسرارها وفى النهاية بيكشف عن إطلالة بانورامية على الأهرامات...
📍 الفكرة:
إن الزائر يعيش تجربة بصرية بتحكي قصة تطور الحضارة المصرية من خلال المعمار نفسه قبل حتى ما يشوف الآثار..
ده غير طبعا إن المتحف معمول بتكنولوجيا حديثة لتقليل استهلاك الطاقة وإضاءة طبيعية مدروسة وتهوية ذكية ومواد محلية صديقة للبيئة....
بكرة في اليوم 3، هنكمل ونتكلم عن أبرز المقتنيات اللي هيضمها المتحف المصري الكبير…
ومنها حاجات هتتعرض لأول مرة للعالم...
يعني التاريخ فى آمان....؟؟
