Bag & Flag

29/03/2018

مشروع الدايرة كان بدايته معانا فى اول ايفنت لينا " ساينت كاترين "
ودلوقتى بدأو فى الدايرة رقم 1 ليهم اللى موضوعها " هل من حقنا اختيار اننا ننهى حياة حد عاجز عن الاختيار ده زي ( القتل الرحيم او الاجهاض ) " .
لو حابين تشتركو فيها تقدرو تملو الابلكيشن ده

08/01/2018

بيقولو ان معرفة الناس كنوز و السفر ليه سبع فوايد اهمها انك بتشوف حاجات جديدة .
ده بالظبط اللى احنا بنقدمه فى الايفنت ده .
احنا بنقدملك تجربة سفر كاملة تخليك ما بين انك تجدد بيها طاقتك و تكتشف فيها شغفك للسفر بجد .
و اننا نوصلك ل ناس جديدة ممكن يكون منها ناس بتشاركك ذوقك فى المزيكا او الافلام والفن عامة او بتعرفك على اذواق جديدة .
المجمل انك طول الفترة اللى هتقضيها انت بتجرب كل ما هو فى حلاوة صوت " غالية بن على " .
ف لو كنت من الناس اللى مهتمة بالكلام ده كمل قراية بروجرام اليوم بتاعنا :

- هنتحرك من قدام كلية هندسة عين شمس فى تمام الساعة 10 بليل
- انتقالاتنا كلها باتوبيسات مكيفة و مريحة
- نوصل الكامب بتاعنا تانى يوم فى نوبيع ونبدأ يومنا هناك من اوله
- ناخد وقت الناس تبدأ تريح فيه وتغير هدومها ( هيبقى موجود اوض للبنات و الولاد يسيبو فيها حاجاتهم يغيرو فيها هدومهم )
- الكامب هيبقى على البحر للى قلبه جايبه حابب يجرب السباحة فى الشتا ❤️❤️ يعنى هنبقى كاننا رجعنالكم يوم فى الصيف فى عز الشتا ❤️
- فى الكامب هيبقى فيه كل حاجة محتاج تشتريها او تحتاجها
- هيبقى فيه طول اليوم ال Activities بتاعتنا سواء العاب مختلفة زي الكورة بانواعها و بطولة الاستميشن .. نرقص مع بعض .. نسمع مزيكا مع بعض او حتى نعمل حلقات كلام على الشط و نتكلم فى اللى احنا عاوزينه .❤️
- هيبقى فيه تصوير طول اليوم و هيبقى فيه مفاجئة مع التصوير ده خصوصا للناس فى " هندسة عين شمس "
- هنبدأ نتحرك من الكامب عشان نتوجه ل تجربة تانية و احلى و هى اننا نطلع الجبل ❤️❤️
- الجبل بيعتبر اعلى قمة فى مصر يعنى تطلعها وانت بتسمع Imagine Dragons - On The Top Of The World
- هنطلع الجبل طول الليل عشان نوصل على الشروق كده ونقدر نشوف مشهد عظيم يضاهى جمال لوحات " فان جوخ " .❤️
- هنزل من الجبل ونعدى على الدير اجمل الاماكن اللى ممكن تبهرك بجمالها المعمارى و روحانيتها ❤️
- وبعد كده تكون اماكن البيع فتحت تحت الجبل تقدرو تتمشو شوية فى المدينة الصغيرة دى و تشترو هدايا للاشخاص الغاليين عليكو
- بعد ما نخلص كل ده نبدأ نتحرك للقاهرة و احنا معانا كمية بهجة و انبساط و ذكريات و علاقات جديدة تشيل عننا اكتئاب اجازة الشتا ❤️❤️

سعر الكلام ده كله هيبقى 250 جنيه شامل اللى قلنا

* عدد اللى هيطلع الرحلة هيكون صغير لاننا عاوزين نضمن احسن حاجة توصل ل كل شخص و لان ده هيساعدنا اننا نحقق هدفنا اننا ن Connect الناس ببعضها .
* الكامب هيبقى فيه وجبة غدا سعرها 45
* تقدر تاخد اوض خاصة فى الكامب تشيل لحد 5 افراد سعرها

* لينك الايفنت فى اول كومنت *
* الصور دى من الجبل والكامب اللى هنقعد فيه فى نوبيع *

كلمنا على الارقام دى عشان تحجز مكانك او تستفسر عن اي حاجة :
01144987051 - 01025078421 احمد رشيد
01116828637 احمد خالد

* متنساش تجيب معاك شوية اساسيات فى الايفنت
زي بطاقتك - هدوم تقيلة - كشاف - جوانتى - ايس كاب - كوفية - شخصيتك المرحة اللى حابة تنبسط

وفى كل الاحوال احنا بنحبكو

07/01/2018

الدرس التانى :

ادخلى قوليله هو انت ايفنت سانت كاترين و نوبيع ؟
اصل انا انتريستيد ❤️
وابعتيله لينك الايفنت وتعالو انتو الاتنين

02/01/2018

الفنانة دوا ليبا فى اغنية " New Rules " كانت بتتكلم على شوية قواعد رئيسية عشان الواحد مننا ي Move on فى حياته بعد اي Relationship وبرغم تأثر واقتناع ناس كتير بال 3 قواعد اللى ذكرتهم فى الاغنية الا انها نسيت حاجة مهمة جدا تضيفها و هى " السفر " وازاي ليه قدرة انه يحل اي مشاكل بتدور جوه عقلك ويصفى روحك من اي هموم و يخليك تنسى اللى ميتنسييش خصوصا لو مسافر مع ناس زيينا يعنى :v
ف احنا بنناشد الفنانة دوا ليبا انها تفكر مرة تانية فى موقفها مع السفر لحل جميع الازمات وشكرا ❤️❤️

30/12/2017

درس ال Flirtation الاول :
ابعتلها لينك الايفنت وقولها ما تيجي نطلع معاهم انا وانت ... بس خايف لو روحتى هناك التلج كله يسيح .

29/12/2017

Catherine of Alexandria - القديسة كاترين

القديسه كاترين كانت بنت حاكم اسكندريه خلال حكم الامبراطور مكسيميانوس - اللى كان يعتبر من اكبر اعداء المسيحية -
اتولدت كاترين فى اواخر القرن التالت الميلادى باسم زوروسياوكانت و اللى اتسمى على اسمها دير سانت كاترين المشهور و اللى موجود فى سينا و اللى بيعتبر واحد من اقدم الاديره فى العالم ان ماكانش اقدمهم
يقال انها كانت مثقفه وجميله و رغبها الكل لجمالها ورفضتهم وكرست حياتها للعلم و بدأ اهتمامها يزيد فى الدين المسيحى و زودت من اطلاعها عليها لحد فى يوم جاتلها رؤية للسيدة مريم و هى بتحمل ابنها السيد مسيح كان السبب فى اعتناقها المسيحية فى وقت اضطهاد الامبراطور مكسيمينوس الشديد .
توجهت كاترين ليه مباشرة واتهمته علنا بالضلال و ادانة قسوته فى التعامل مع المؤمنيين .
فى البداية جمع الامبراطور 50 من الكهنة و الخطباء فى المملكة عشان يقنعوها بانها تغير رأيها فى الدين المسيحى ولكن فى المقابل الكلام معاها خلى ال 50 دول يعتنقو المسيحية .
فواجهت الاضطهاد من الامبراطور و التعذيب لحد ما ماتت .
و تعتبر في الكنيسة القبطية الأرثوذكسية شهيدة وفي الكنيسة الكاثوليكية تعتبر أحد المساعدين الأربعة عشر .
وبعد مرور حوالى ثلاث قرون من وفاة كاترينا ظهرت رفاتها المقدسة قي حلم أحد رهبان الدير الذي كان قد اقامه الامبراطور جستنيان فنقلت الرفات و وضعوها فى هيكل الكنيسة بصندوق رخامى جنب الهيكل الرئيسي .
ومازال لحد انهاردة يشاع انه بتخرج ريحة جميلة من رفات القديسة اللى بتمثل لاصحاب الديانة المسيحية معجزة كبيرة

29/12/2017

28/12/2017

فى اغنية يا " مسافر وحدك " للموسيقار محمد عبد الوهاب