31/10/2025
لما حد ييجي بلدك.. بيكون ضيف
والضيف له مكانة.. له احترام.. وله واجب الكرم
السائح اللي بيزور مصر مش جاي علشان نعامله بجفاء أو نستغله
ده جاي علشان يشوف بلد عظيمة
بلد حضارة، وتاريخ، وأخلاق!
تخيل لو كل سائح رجع بلده وهو شايل في قلبه صورة جميلة عن مصر؟
هيحكي عنها بحب، وهيرجع تاني، وهيجيب معاه ناس كمان.. وساعتها بلدنا مصر تكبر أكتر في عيون العالم
احترامك للسائح مش مجرد تصرف راقي
ده في الحقيقة دعاية حقيقية لبلدك
بابتسامة… بكلمة طيبة… بمساعدة بسيطة
افتكر دايمًا: تصرفك مع السائح مش بيعبر عنك لوحدك
ده بيعبر عننا كلنا
عن بلد اسمها: مصر 👌🇪🇬
