ليه ممكن إيما هاوس � :
طيب ليه التقييمات اللي كلها حب بمبالغه ده � !
طيب ليه كل التعليقات الحلوة دي من الناس معقول كل دول كانوا جيست � ؟!
أنا هقولكم ليه كل ده . �
أولا : أنت بتتعامل مع صاحب المكان من أول ما تتصل بالتلفون أو تبعت علي الواتس أو حتي تعمل كومنت ... أه انا اللي ماسك كل ده والحمد لله مريحني جدا ومريح الجيست بتاعي وبيدي نوع من الطمأنينة والصداقة والمصداقية مع الجيست . �
ثانيا : مكت
وب كل حاجه بالتفصيل وبسعرها لا عمرنا أشتغلنا حد ولا سمسرنا عليه في أي حاجه بناخد حقنا كله او نتنازل عن بعضه حبا وليس فضلا . �
ثالثا : باخد ليله حجز لا بنقول عاوزين المبلغ كامل ولا نصفة ولو حد حابب يدفع اقل مش بيكون عندنا مشكله ووالله والله فيه ناس بتسافر وهي لسه مكملت حسابها وبتبعت فودافون كاش لما تروح ولا عمر جيست أكل علينا جنيه ولا عمرنا أكلنا علي جيست حاجه حتي لو حد حجز وكنسل فلوسه بترجعله ولو كان صعب لو ف نفس اليوم او قبله بياخد يوم بداله في اي اجازه حابب يشرفنا فيها .المهم محدش بيزعل ابدا مننا غير مسموح .�
رابعا : خدمات كاملة للجيست بنحجزله الانتقالات وبنختاره الافضل والأنسب لما يوصل فيه تاكسي تبع المكان يروح يجيبه الجيست بيتم المتابعه معاه طول الطريق لحد الكمين والله فيه جيست بيبعتلنا لوكيشن مباشر .�
خامسا : بنحاول نسلم الغرفه وقت وصول الجيست لراحته ولو لسه غرفته معملتش أوت بيرتاح ف غرفه تانيه لحد الغرفه ما تجهز وعمري ما قولت لحد مصاريف إضافية ولا مصاريف التنضيف حتي . �
سادسا : مفيش حاجه اسمها فطار من كذا لكذا أصحي براحتك وأطلب فطارك وشوف حابب تاخده ف البلاكونه ولا ع الرووف ولا في قعده البحر والأكل عموما ليه شيف حاليا بيعملك اللي محتاجه ف الوقت اللي انت محتاجه وبالشكل اللي انت تحبه .. فيه ناس بتعدل ف الفطار بنغير فطارها ونطلعه ...لو حد مريض بأي مرض يمنعه من اكل حاجات معينه بنعمل ما يناسبه ليه . فيه اهتمام بالتفاصيل بشكل كبير جدا يعني بيحسس الجيست انه في بيته التاني اللي بيرتاح فيه وبيتعمله كل حاجه علي مزاجه وبشكل بروفشنال ومع كامل خصوصيته . ��
سابعا : موفرين رحلات كامله بشكل برايفت خاصه بينا للجيست بتاعنا فقط وبسعر قريب جدا من اسعار الشركات مع توفير الخصوصية والراحه ف الرحله وجايد طول فتره الرحله وفوتوسيشن ف كل رحله مجانا . �
ثامنا : حاجات كتير بتتعمل بدون مقابل في المكان وبنحاول الوقت اللي الجيست بيقضيه ف المكان يكون مبسوط فيه جايبين تربيزه بنج.... جبنا كره سله وباسكت... عملنا روووف حلو ... بنعمل قعدات حلوة بالطبله علي البحر وفي وادي غزلان .. فوتوسيشن كده ع السريع ف المكان حد عيد ميلاده قرب فنعملهوله ف دهب وناكل تورته كده يعني ��
تاسعا : مستوي نضافه المكان وفرشه الحمد لله علي درجه عاليه جدا كل الأجهزة حديثه التكييف شارب الحديث مش يا تشغل التكييف وتصدع من صوته يا تحضن ازازاه مايه ساقعه وانت قاعد �
عاشرا : أنا وأهل بيتي وبناتي عايشن في إيما هاوس معاكم بناكل من الاكل اللي بنعمله ليكم إحنا وكل الإستاف مطبخ واحد وأكل واحد وعيشه واحده والناس لما بتيجي بيحبوا العيله دي ويتبسطوا بيها وبنبقي عيله حتي لو بشكل مؤقت ... أنا بقالي سنه فاتح إيما هاوس يا جماعه لحقت امتي اعمل جيست يتكلموعننا بالجمال ده ؟؟!! لحقت امتي أعمل جيست يجيلي مره واتنين وتلاته في سنه واحده !! لحقت امتي أنزل أي مكان يحترمني ويعمل للجيست بتاعي حساب ؟!! الجيست بتاعي يراجعني لو مش بيلاقي نفسه مميز في اي مكان يروحه ومكانه بيكون محجوز واستقباله بيكون مميز جدا ... كل ده عشان حبينا إننا نستمتع معاكم فكانت دي النتيجه ��
كل عام وانتم بخير �
د رامي مصطفي �
شعارنا بيتك التاني وخدماتنا هي كل اللي تحتاجه وبكل خصوصية وتميز ( إقامه ورحلات وإنتقالات وتصوير )
