الوردانى ترافل

06/05/2026

04/05/2026

🔴 لحظة السحب واختيار الفائز بالعمرة المجانية من بين المتقدمين للحج ممن لم يحالفهم الحظ من قبل 🤍✈️🕋
مجموعة شركات مدى الأول والصفا والمروة إنترناشونال للسياحة بالأقصر

14/03/2026

رسالة لكل المعتمرين الموجودين الآن في المسجد الحرام 🕋

يا جماعة… شوية احترام للمكان اللي إحنا فيه.
إحنا مش في رحلة ولا مصيف… إحنا في أطهر بقعة على الأرض.

مش منظر إن واحد يكون جاي يعتمر، وترك بلده وأهله وجاء قاصد بيت الله…
وبمجرد ما يوصل يبدأ يزاحم على الوجبات لمجرد إنها بتتوزع مجانًا! 😅

وبرضه اللي يلف على عربيات الميه ويملأ الشنط كأنه بيجمع مخزون…
المياه معمولة للشرب وقت الحاجة، مش علشان تتحول لمخزن في الغرفة.

وكمان منظر اللي يطلع أكلات تقيلة ويفطر بيها في ساحات الحرم…
يا جماعة، ساحات الحرم مكان عبادة وخشوع، مش مكان سفرة عزومات.

لو محتاج حاجة خفيفة افطر على تمر أو بسكوت أو شيء بسيط…
ولما ترجع الفندق كل براحتك.

وأي حاجة بتتوزع خد منها على قد احتياجك وسيب لغيرك…
مش لازم حد ياخد 4 أو 5 وجبات ويقول:
"ما دامت مجانية!" 😂

وخلي بالك…
النهارده كل الناس معاها موبايلات وكاميرات.
ممكن تروح تعتمر وترجع تريند على السوشيال ميديا… لكن للأسف بصورة لا تليق بمعتمر.

وبرضه اسمع تعليمات الأمن كويس…
بلاش حد يحاول يتجاوز الحواجز أو يخالف التنظيم.

اعمل عمرتك بهدوء وخشوع…
واحفظ صورة المعتمر قدام العالم كله.

العمرة عبادة… والاحترام للمكان شرف لكل من جاء إليه. 🕋

06/03/2026

العمرة كشفت الناس
"في زحمة الطواف.. سقطت الأقنعة." 🕋
كنت فاكره إن أصعب جهاد في العمرة هو المشي، أو الحر، أو الزحمة الجسدية.. لكن اكتشفت الحقيقة المرعبة:🖤🖤
أصعب جهاد هو "جهاد الأخلاق".
الحرم مش مجرد مكان للعبادة، الحرم "مراية".
تحت الضغط، والزق، والتدافع.. بيبان المعدن الحقيقي اللي مستخبي ورا "لبس الإحرام".✅✅
اللي بيزق بعنف، واللي بيؤذي بلسانه، واللي مستعد يدهس غيره عشان يوصل لـ "الحجر" وهو ناسي إن "البشر" عند الله أكرم من الحجر!
العبرة عمرها ما كانت في إنك لمست الكعبة..✅✅
العبرة الحقيقية: أنت وصلت للكعبة دي على حساب مين؟😭😭
دست على كام واحد؟ وجعت كام قلب؟ ودعيت ربك وأنت ظالم لغيرك في بيت ربنا
في الطواف، بتكتشف إن أصعب عبادة مش الذكر ولا الدعاء.. أصعب عبادة هي "كف الأذى".
المكان ده بيعرّينا قدام نفسنا.. بيبان مين اللي طبعه "الأنانية" ومين اللي طبعه "الرحمة".✅✅
الزحمة مش مبرر لسوء الخلق.. الزحمة هي "ورقة الامتحان".
يا بخت من طاف بالبيت العتيق بقلبٍ رقيق..
لم يزاحم، لم يشتم، ولم يؤذِ..
وصل بقلبه قبل جسمه.
الإيمان الحقيقي إنك تخرج من الطواف "إنسان تاني"..
إنسان أهدى، أرحم، وأكثر سلاماً.
يا رب.. طهّر قلوبنا قبل ما تطهر أجسادنا،
واجعلنا نمر بسلام، لا نؤذي ولا نُؤذى. 🤍💚
امين يارب العالمين

03/02/2026

26/10/2025

فنادقنا خطوات من الحرم بشهاده معتمرين رحلات اكتوبر
مع مجموعة شركات الصفا والمروه إنترناشيونال ومدى الاول للسياحة بالاقصر
🔸️مع تحيات المشرف الديني عرفة الأزهري
🔸️مع تحيات المشرف الادارى ورداني صادق
♦️الأقصر شارع المنشيه بجوار المحطه