15/07/2023
😍😍😍😍
♦️شواطئ مطروح
🔹أسماء الشواطئ وأماكنها :
1 - شاطئ الهنا "مبارك سابقا"
و الشاطئ ده يعتبر أقرب شاطئ لمنطقة شارع اسكندرية و زاهر جلال و مناسب جداً للاطفال لأن الموج بتاعه هادي و المياه صافية ونظيفة جداً و ده طبعا غير رملته الناعمة و يعتبر من أفضل الشواطئ بالنسبة لمصييفين كتير
2 - شاطئ العوام
و ده بقى الشاطئ اللي قصاد مسجد العوام على طول يعنى فى وسط البلد و المياه بتاعته جميلة جداً و مناسب للأطفال و الكبار
3 - شاطئ الليدو & البوسيت
و طبعاً مفيش حد زار مطروح و ميعرفش منطقة الليدو والبوسيت أفضل منطقة فى السهر ليلاً وسهرات البوسيت الجميلة فى باب سلمان والملاهي
وللاستشفاء كهف الملح سلمان أمام شاليهات الريفيرا بيتش مدخل فندق المشير تحفة فنية جميلة رائعة والشاطئ بتاعهم حلو جداً و مياهه جميلة ده غير اللسان اللى بينهم و اللى تقدروا تتمشوا عليه في وقت الغروب بجد المنظر بيكون ممتع جداً
4 - شاطئ روميل
و ده بقى البحر بتاعه هادى جداً ومافيهوش أى موج خالص ، يعنى لو معاك أطفال هتبقى مطمن عليهم جداً ، و اوعوا تنسوا تزوروا المكان ده بليل هتلاقوا مكان خاص لركوب العجل و كافيهات و قاعدات بدويه تجنن بجد
5 - شاطئ الفيروز & باب البحر
و يعتبروا قريبين جدا من منطقه روميل و نفس نظام المياه بتاعته و يعتبروا بحيرة و بردو المكان هناك آمن جداً على الأطفال
وتوجد شواطئ بعيدة عن البلد شوية ولو مش معاك عربيه تقدر تركب ليهم مواصلات من ميدان الجلاء شارع شكري القوتلي أمام المحكمة القديمة
1 - شاطئ كليوبترا
و ده بينه وبين شارع اسكندريه حوالى 12 كيلو و فيه حمام كليوباترا الشهير
و الشاطئ هناك مقسوم لجزئين
شاطئ عام وده المياه بتاعته هادئة جداً و تقدر تنزل أولادك وأنت مطمئن عليهم
وشاطئ مفتوح و ده غير صالح أبداً للأطفال و النزول فيه بيكون صعب جداً بس المناظر هناك حلوة أوي ده غير أنه مناسب للصيد
2 - شاطئ الغرام "شاطئ ليلى مراد"
و ده بقى من الشواطئ الحلوة أوى اللى ناس كتير بتحبها جداً و هناك هتلاقي صخرة ليلى مراد لكن حالياً بقت ف وسط البحر بسبب عوامل الزحف ، و الرملة بتاعته ناعمة جداً و ده بينه وبين شارع اسكندرية حوالي 15 كيلو تقريباً
3 - شواطئ الأبيض
و دول بقى حوالى 7 شواطئ و منهم ( الأبيض العام ، بلو بيتش ، زمردة الأبيض ، عروس الأبيض ، المروه الجديد )
و دول بقى مستحيل تروح مطروح من غير ما تزورهم ، هناك هتلاقى أحلى وأنقى مياه
4 - شاطئ أم الرَخم
يتمتع بالمياه الصافية جداً و جميلة و موقعه غرب مطروح و بينه وبين البلد حوالى 23 كيلو تقريباً
5 - شاطئ عجيبه
اسم على مسمى فعلاً بجد سبحان من أبدع و صور الجمال ده و الصخور الرائعه دي
المكان هناك حلو أوي ويستحق الزيارة ، و بينه وبين وسط البلد حوالى 27 كيلو تقريباً
6 - شاطئ المروة الجديد
و ده من شواطئ الأبيض اللى اتكلمنا عليها و هو فى طريق عجيبة قبل شاطئ الأبيض ليه دخله يمين مكتوب عليها شاطئ المروة الجديد
و الموج فيه عالي بس منسوب المياه منخفض ولكن الخوف على الأطفال
7 - شاطىء الجونة
وهو من انقى و أصفى شواطئ العالم رمال بيضاء مياه صافية ونقية ليس لها مثيل يقع على طريق شاطىء عجيبة خلف فندق كارلوس بحوالى 100 متر
8 - شاطئ مينا حشيش & الرميلة
ودول موقعهم بعد حوالى 10 كيلو تقريباً شرق مطروح ممتاز للسباحة و توجد مناطق آمنة للاطفال و أيضاً ممتاز للصيد
9 - شاطئ باجوش
ﻋﺒﺎﺭﺓ ﻋﻦ ﺧﻠﻴﺞ ﻭ ﻳﻌﺘﺒﺮ ﻣﻦ ﺃﺟﻤﻞ و أروع ﺍﻟﺸﻮﺍﻃﺊ ﻭ ﻳﺒﻌﺪ ﻋﻦ ﻣﺪﻳﻨﺔ ﻣﻄﺮﻭﺡ
ﺍﻟﻌﺎﺻﻤﺔ ﺣﻮﺍﻟﻰ 48 ﻛﻢ ﺷﺮﻗﺎً
10 - شاطئ رأس الحكمة يقع هذا الشاطئ شرق مطروح العاصمة ب70 كيلو متر تقريباً وهوه شاطئ عام وليس خاص. ولا توجد خدمات بهذا الشاطئ" ومن مميزات هذا الشاطئ أنه غير مزدحم ومناسب للخصوصية وللعائلات وأيضاً مناسب جداً للأطفال الصغار
Elshehab Tours " سياحه × سياحه " 👈
