نيو ماجى تورز بالمحلة الكبرى

27/12/2023

___________ عروس البحر المتوسط _________
نظرا لاكتمال رحله الفيوم تعلن شركة المنار للخدمات السياحيه والمصايف عن القيام برحله الى عروس البحر المتوسط مدينه الاسكندريه يومان مبيت ليله واحده بالمندره وذلك يومى الاحد والاثنين ٢٨ و ٢٩ يناير وقيمه الاشتراك 270ج للفرد شامل المواصلات ذهاب وعوده والتنقلات الداخليه والاقامه بشقق مفروشه ومجهزه وغير شامل رسوم دخول المزارات وبرنامج الرحله كالاتى :-
المنتزه وقلعه قايتباى وكوبرى ستانلى وجوله بحريه وشارع المنشيه وحديقه الحيوان والمرسى ابوالعباس
فعلى من يرغب في الاشتراك سرعه الحجز حيث أن الأعداد محدوده
01008023612

30/05/2023

ورجعنا تانى بموسم جديد لمصيف راس البر
الروعة والجمال
الحجز بالاسبقية
للتواصل / 1008023612

15/04/2023

البوست منقول وشكرا لصاحب البوست
البوست ده للأفاده عشان في ناس أول مره تروح مطروح و مفيش عندهم فكره عن أسماء الشواطئ وأماكنها .
شواطي مطروح 👇
1 💚 شاطئ الهنا "مبارك سابقا"
و الشاطئ ده يعتبر اقرب شاطئ لمنطقه شارع اسكندريه و زاهر جلال و مناسب جدا للاطفال لان الموج بتاعه هادي و المايه صافيه ونضيفه جدا و ده طبعا غير رملته الناعمه و يعتبر من افضل الشواطئ بالنسبه لمصييفين كتير
2 💜 شاطئ العوام
و ده بقى الشاطئ اللى قصاد مسجد العوام على طول يعنى فى وسط البلد و المايه بتاعته جميله جدا و مناسب للاطفال و للكبار
3 💛 شاطئ الليدو & البوسيت
و طبعا مفيش حد زار مطروح و ميعرفش منطقه الليدو و البوسيت و الشاطئ بتاعهم حلو جدا و مايته جميله ده غير اللسان اللى بينهم و اللى تقدروا تتمشوا على فالغروب بجد المنظر بيكون ممتع جدا
4 ❤ شاطئ روميل
و ده بقى البحر بتاعه هادى جداا ومفيهوش اى موج خالص ، يعنى لو معاكى اطفال هتبقى مطمنه عليهم جدا ، و اوعوا تنسوا تزوروا المكان ده بليل هتلاقوا مكان خاص لركوب العجل و كافيهات و قاعدات بدويه تجنن بجد
5 💙 شاطئ الفيروز & باب البحر
و يعتبروا قريبين جدا من منطقه روميل و نفس نظام المايه بتاعته و يعتبروا بحيره و بردو المكان هناك أمن جدااا على الاطفال ومن مميزات الشاطئ ده طبعا كافيتريا الكرم وطبعا والبرجولات بتاعته اللي فيها خصوصيه والقعده فيها مالهاش حل 👍👍👍
و دول بقى الشواطئ البعيده عن البلد شويه لكن مينفعش ابدااا تييجى مطروح و متزورهومش 👌
ولو مش معاك عربيه تقدر تركب ليهم مواصلات من ميدان الجلاء قصاد المحكمه القديمه و اسعارها مناسبه جدا
6 💛 شاطئ كليوبترا
و ده بينه وبين شارع اسكندريه حوالى 12 كيلو و فيه حمام كليوباترا الشهير
و الشاطئ هناك مقسوم لجزئين
شاطئ عام 👈 وده المايه بتاعته هادى جدا و تقدر تنزل اولادك وانت مطمن عليهم
شاطئ مفتوح 👈 و ده غير صالح ابدا للاطفال و النزول فيه بيكون صعبة جدا بس المناظر هناك حلوة اوى ده غير أنه مناسب للصيد
7 💚 شاطئ الغرام "شاطئ ليلى مراد"
و ده بقى من الشواطئ الحلوة اوى اللى ناس كتير بتحبها جدا و هناك هتلاقي صخره ليلى مراد لكن حاليا بقت ف وسط البحر بسبب عوامل الزحف ، و الرمله بتاعته ناعمه جدا و ده بينه وبين شارع اسكندريه حوالى 15 كيلو تقريبا وده تاني شاطئ مفضل عندي بعد الأبيض 😍
8 💜 شواااطئ الابيض
و دول بقى حوالى 7 شواطئ و منهم ( الابيض العام ، بلو بيتش ، زمردة الابيض ، عروس الابيض ، المروه الجديد )
و دول بقى مستحيييل تروح مطروح من غير ما تزورهم ، انا عن نفسي بعشق مايتهم
هناك هتلاقى احلى وانقى مايه ممكن تشوفها ف حياتك و الرمله كمان صافيه جدا و ناعمه ده أجمل شاطئ ف مطروح ع الإطلاق هيفوتك نص عمرك لو مروحتهوش 😂
9 💙 شاطئ ام الرَخم
و ده بردو مايته صافيه جدا و جميله و موقعه غرب مطروح و بينه وبين البلد حوالى 23 كيلو تقريبا
10 💜 شاطئ عجيبه
و ده بقى اللى نقدر نقول عليه " اسم على مسمى فعلاااا " ، بجد سبحان من أبدع و صور الجمال ده و الصخور الرائعه دى
المكان هناك حلو اوووى و يستحق الزياره ، و بينه و بين وسط البلد حوالى 27 كيلو تقريبا
11 ❤ شاطئ مينا حشيش & الرمليه
ودول موقعهم بعد حوالى 10 كيلو تقريبا شرق مطروح
يتميز هزا الشاطئ بواجهة شرقية لا توثر فيها الرياح الشمالى و الغربي ممتاز للسباحة و توجد مناطق امنة للاطفال و ايضا ممتاز للصيد
12 💜 شاطىء الجونة
وهو من انقى و اصفى شواطئ العالم رمال بيضا مياء صافية ونقية ليس لها مثيل يقع على طريق شاطىء عجيبة خلف فندق كارلوس بحوالى 100 متر
13 💚 شاطئ باجوش
ﻋﺒﺎﺭﺓ ﻋﻦ ﺧﻠﻴﺞ ﻭ ﻳﻌﺘﺒﺮ ﻣﻦ ﺃﺟﻤﻞ و اروع ﺍﻟﺸﻮﺍﻃﺊ ﻭ ﻳﺒﻌﺪ ﻋﻦ ﻣﺪﻳﻨﺔ ﻣﻄﺮﻭﺡ
ﺍﻟﻌﺎﺻﻤﺔ ﺣﻮﺍﻟﻰ 48 ﻛﻢ ﺷﺮﻗﺎً
14 💛 شاطئ المروة الجديد
و ده من شواطئ الأبيض اللى اتكلمنا عليها و هو فى طريق عجيبة قبل شاطئ الأبيض ليه دخله يمين مكتوب عليها شاطئ المروة الجديد
و الموج فيه عالي بس منسوب المية منخفض يعني ممكن الاطفال يلعبوا في المية في بداية البحر بس تكون مخلي بالك اوى منهم
15 💖 شاطئ رأس الحكمة يقع هذا الشاطئ شرقي مطروح العاصمة ب70 كيلو متر تقريباً وهوه شاطئ عام وليس خاص. ولا توجد خدمات بهذا الشاطئ" ومن مميزات هذا الشاطئ أنه غير مزدحم ومناسب للخصوصية وللعائلات وأيضاً مناسب جداً للأطفال الصغار.

08/04/2023

__________ أفواج مرسى مطروح __________
الموسم ده هنكون متميزين فيه فى أفواج مرسى مطروح واللى هنبدأها باذن الله يوم الخميس ٢٥ مايو وهيكون عندنا رحله كل يوم خميس بتبقى ٥ ايام ٤ ليالى شامله المواصلات ذهاب وعوده والتنقلات الداخليه والاقامه بشقق مفروشه ومجهزه بكل شيء ورسوم دخول الشواطىء باحدث الاتوبيسات السياحيه
وتكون الاسعار كالتالى :-
فوح ٢٥ مايو وفوج ١ يونيه وفوج ٨ يونيه سعر الفرد 800جنيه
فوج ١٥ يونيه و فوج ٢٢ يونيه سعر الفرد 850 جنيه
فوج ٢٨ يونيه اول يوم عيد الاضحى المبارك السفر بالليل سعر الفرد 1200 جنيه
فوج ٦ و ١٣ و ٢٠ يوليو سعر الفرد 900جنيه
فوج ٢٧ يوليو و ٣ و ١٠ و ١٧ اغسطس سعر الفرد 950جنيه
فوج ٢٤ و ٣١ اغسطس سعر الفرد 900جنيه
فوج ٧ و ١٤ سبتمبر سعر الفرد 850جنيه
فوج ٢١ و ٢٨ سبتمبر سعر الفرد ٧٠٠ جنيه

06/01/2023

___________ الاقصر وأسوان ____________
كل عام وانتم بخير.................. ( الاقصر واسوان ) ....................
كل عام وانتم بخير كما عودناكم فى هذا التوقيت من كل عام نبدأ الحجز للرحله السنويه المنتظره الاقصر واسوان نظرا لحجز الفنادق بدرى فى اجازه منتصف العام الدراسى أن شاء الله يوم ٤فبراير والرحله اسبوع كامل بالسفر خمسه ايام مبيت يومان بالاقصر وثلاثه بأسوان والرحله شامله كل شيء ( المواصلات والتنقلات والاقامه بالفندق ورسوم دخول المزارات وجولتين بالنيل
البرنامج ......
معبد الكرنك ومعبد الاقصر والبر الغربى معبد حتشبسوت ومعبد هابو ووادى الملوك بالاقصر
جزيره الموز والصوت والضوء اختيارى
السد العالي وخزان اسوان وجزيره النباتات ومتحف النوبه والقريه النوبيه ومعبد فيله وجولتين بالنيل بأسوان وجزيره فوكس اختيارى
وقيمه الاشتراك
فندق اطلس بالاقصر وفندق نورهان اسوان 1500 جنيه الفرد
فندق المصطفى بالأقصر وفندق كوين نورهان اسوان 1800 جنيه
ملحوظه
السفر بالباص ومتاح حجز قطار vib تانيه مكيف بزياده 200 جنيه عن الاشتراك
فعلى من يرغب في الاشتراك سرعه الحجز حيث أن ترتيب الباص باسبقيه الحجز
1008023612

26/08/2022

بعد نجاح رحلة القلعة لحضور حفل الفنانة نادية مصطفى وهانى شاكر امير الاحساس
استنونا فى رحلة المتالق عمر خيرت يوم ٢٠٢٢/٨/٣١
الحجز باسبقة الحجز
سعر الرحلة ١٢٠ جنيه شاملة الدخول عشان تعرف اكتر عن المهرجان اتصل بينا 01008023612

هاني شاكر علي شبكة تليفزيون الحياة
يتصدر ترند رقم ١ علي منصة تويتر

26/08/2022

نجاح ساحق لحفلة هانى شاكر بمهرجان القلعة ٣٠
#ترند رقم ١

21/08/2022

تضامنا مع ما تقوم به الدولة ووزارة الثقافة والسياحة والاثار
تعلن شركة ماجى تورز السياحية عن رحله الى مدينة القاهرة لحضور مهرجان القلعة بقلعة صلاح الدين يوم الجمعة القادم الموافق 2022/8/26مميزات الحفل :
* الحفل مذاع تلفزيونياً مباشرة على قناة الحياة
** حضور حفل امير الغناء العربى هانى شاكر والمطربة المتألقة نادية مصطفى
*** رسوم الاشتراك ذهاباً واياباً 120 جنيه شاملة سعر الدخول
*** رسم دخول الحفل 20 جنيه فقط لا غير ضمن سعر الاشتراك
**** التجمع الساعة 7 صباحا
**** قطع التذاكر يبدأ من الساعة 4 عصراً
**** دخول القاعة يبدأ من الساعة 6 مساءً
**** يوجد داخل القلعة اتوبيسات لنقل الزائرين الى موقع الحفلة
**** يوجد عربات مياة مفلترة موجوده مجاناً
**** كما يوجد شاشات عرض كبيرة لنقل الحفل مباشرة
يبدأالحفل الساعة 8 مساءً وينتهى الساعة 12 مساءً
الاعداد محدودة سارع بالحجز
طريقة الدفع : 1- زيارة موقع الشركة بكفر حجازى
2- الدفع على فودافون كاش على رقم 01008023612
نتمنى لكم رحلة سعيدة ودعما مشرفا لجهود الدولة فى مهرجان القلعة النسخة 30

11/07/2022

الموسم ولع
راس البر فى ازهى مواسمها
الحق واحجز معانا شقق راس البر

06/07/2022