05/06/2023
احب اقولكم كلكم شكرا😏 ع الإحباط الي حسيت بية والفشل واحب اعرفكم أن دة اخر بوست وهاقفل الصفحة😓 بس عايزة اسالكم سؤال تعملوا اية لو كنتم مكاني انا واحدة عندي طموح🥺 +طفلين صغيرين حبيت اعمل حاجة لولادي واعرفهم ان امهم راجل جامدة عملتلكم مستقبل قولت اية مش مشكلة لو كنت حامل وخلاص في الشهر التاسع وانزل اسافر اروح مطروح علشان اشوف أقل اسعار الفنادق والشقق واكل منهم عيش واهو الناس مخنوقة ومحتاجين يطلعون مصيف يريحو دماغهم وبالهم شوية وقولت اية هاطلع مكسبي ١٠٠ج لا الناس قرفانة فيها الي مكفيها خلاص علشان تعبك وربنا يبارك في القليل وهيبعتلك رزق اولادك خليها ٥٠ج بس ودة الي حصل فعلا ف لقيت اقبال ورسايل كنت برد عليها فجأة الحماس زاد واطلب مني مقر أو مكان علشان المصداقية وقولت ومالو منتي كدة كدة مش بتكذبي ع حد والدليل أن الحجز بنص المبلغ والنص التاني هناك واستلفت فلوس واخدت فعلا مكتب وقولت لازم يكون قريب من الميادين طيب أقرب حاجة فين فيصل اخدت مكتب ع العمومي وجهزت وصلات استلام نقدية وقولت إنشاءالله هاحجزلهم التيكت بتاع الباص وياخدو الايصال معاه والي خايف يدفع مفيش مشاكل يدفع المواصلات بس وهناك المبلغ عادي اقوم بعد ما اولد قيصري وافتح بطني ب ١٠ايام اقول لا انزلي اسكندريه وفايد وشوية وانزلي الغردقه وشرم ونوعيلهم ومن الغالي للرخيص والاقتصادي وحطي نفسك مكان الناس بس للاسف محدش حط نفسو في مكاني انا 😭 وبعد كل البهدلة دي حلمي ومستقبل اولادي فشل ولقيت تعليقات تحبط والاسعار غالية وهنيجي نحجز بكرة وهانيجي بعد بكرة ومحدش جية ولا صدق نهائيا زي ما كنت أنا صادقة معاكم وادبست في ايجار وراح عليا المبلغ الي كنت سالفاة وادينت بية كمان وانا في عرض جنية لأولادي ولسة قايمة من ولادة ✋ ودة مش بوست تعاطف لا انا فعلا هو دة الي حصل معاية وفعلا فشلت والله يسامحكو وربنا يتولاني انا واولادي برحمتو الواسعة للاسف هاسيب المكتب وراح عليا كل شىء وادينت وفشلت قصاد نفسي وقصاد اولادي وهاقفل الصفحة وعوضي من عند الله واحدة 👋👋👋
