طلعة Tal3a

طلعة Tal3a مسافر مصري يحب استكشاف العالم ومشاركة رحلاتي معكم 🌍✈️
تابعوني لنصائح سفر مفيدة #رحلات #سياحة #مصر

مين لسه فاكر المسحراتيكل سنة وانتم طيبين #سفر #طلعة
26/02/2026

مين لسه فاكر المسحراتي
كل سنة وانتم طيبين
#سفر #طلعة

18/02/2026

✈️

م.. يا مساء الفل عليكوا من الرحلة الأقرب لقلبي اللي بستناها من السنة للسنة لأني بعملها مرة واحدة في السنة بس 🙈مساء الفل ...
01/02/2026

م.. يا مساء الفل عليكوا من الرحلة الأقرب لقلبي اللي بستناها من السنة للسنة لأني بعملها مرة واحدة في السنة بس 🙈
مساء الفل عليكوا من جمال جنوب مصر وتحديدا الأقصر وأسوان والنوبة ♥️
عاملة بجد برنامج تحفه ورايق وكمان في توقيت أجازة عيد الفطر وكمان الرحلة بالتقسيط علي دفعتين ف مفيش حجة بقا للي لسه مراحش هناك لازم يروح🙈
⚠️السفر بإذن الله يوم 22 مارس بالليل أي كان العيد هيجي إمتي لأن حجز القطار بالتاريخ الميلادي وليس الهجري..

⚠️الرحلة هتكون 5 أيام كااااملين ببرنامج رايق جدا من غير أي ضغط في المزارات حاجة كده روقان ❤️

في الرحلة.. هنوصل 23 مارس الصبح بإذن الله علي الأقصر مدينة الحضارة والعظمه تلت آثار العالم وأكتر..
هنوصل فندقنا التحفه فندق أركان إيتاب 4 نجوم ديلوكس صف أول علي النيل ✨
الفندق موقعه حلو جدا في وسط البلد علي النيل وعلي بعد خطوات بس من معبد الأقصر وطريق الكباش ✨
نستلم الغرف بتاعنا ونريح شوية كده من السفر وبعدين نبدأ مزارات اليوم الأول
هنروح معبد الكرنك واحد من أهم معابد مصر وبعدين نطلع نتغدي في وسط البلد ( الغدا اختياري) ولما الدنيا تضلم هنروح معبد الاقصر وطريق الكباش
عشان هما بالليل أحلي كتييييييير جدا جدا بيكونوا منورين بإسبوتات حمرا بتخلي شكل التماثيل تحفه..
وبكده نكون خلصنا مزارات اليوم الأول...

في الرحلة
هنصحي الصبح نفطر الصبح في الفندق فطار متنوع جدا في الفندق
ولو حد حابب يطلع رحلة البالون متاح حجزها ( إختياري)
بعد الفطار هنتحرك علي معبد حتشبسوت العظيم
وبعدين هنزور تمثالين ممنون..
وبعدين هنتحرك علي وادي الملوك اللي موجود فيه مقابر أعظم ملوك حكموا مصر..
هنرجع الفندق علي العصر كده نرتاح شوية
واللي عايز ينزل حمام السباحة يجيب مايوه معاه الجو هيبقي تحفه وقتها 🙈
وبعدين هناخد جولة حره في الأقصر نتغدي في وسط البلد ( الغدا اختياري)
وبعدين بقا اللي حابب يركب حنطور يلف بيه الاقصر ف جوله حره تحفه او اللي حابب يحضر الصوت والضوء في معبد الكرنك روعه أو اللي حابب يزور سوق الأقصر السياحي ويشتري هدايه وتذكارات جميلة جدا واللي حابب يقعد في كافيه ع النيل كل ده متاح في الجولة الحره ( اختياري)
واللي حابب يرجع ينام بدري برده عادي😂

في الرحلة
هنصحي الصبح نفطر في الأوتيل
وبعدين نتحرك علي أسوان الجميلة..

هنغير المود تمامااا بقا من الأقصر لأسوان
هنقعد إقامتنا في الفنادق النوبية في النوبة علي النيل ♥️
هنوصل النوبة نسكن في فنادقنا النوبية الملونه ومبهجة جدا جدا
فيه محجوز معانا 2 فندق جنب بعض جدا كل واحد يختار هو حابب يقعد في أي فندق أكتر ( طبعا اللي هيحجز بدري هيكون فرصته ف الاختيار احسن 🙈)

الفندقين اللي هتختاروا منهم هما فندق دوروكا.. وفندق حدوته مصرية
وأنا مخترالكوا فندقين حلوين جدا في النوبة وموقعهم تحفه فيو النيل في جزيرة غرب سهيل ✨

هنستلم الغرف بتاعنا ونرتاح شوية وبعدين ناخد جولة حره مفتوحة في بازارات غرب سهيل واللي حابب بقا يركب جمل أو يتصور مع التمساح 😂😂 واللي حابه ترسم حنه نوبية أو تعمل شعرها رستا 👀 كل ده متاح اختياري معانا ف الرحلة ♥️
شارع غرب سهيل مليان مطاعم بتعمل أكل تحفه كل واحد يختار حابب ياكل فين وانا هكون معاكوا كده كده ( الغدا اختياري)
وبعدين الجولة الحره والغدا هنتجمع في فندق واحد عشان نعمل أحلي حاجة في النوبة
وهي الحفله النوبيه 💃💃
بجد بجد من أكتر الحاجات المبهجة في النوبة
هنحضر الحفلة ونعيش أجواءهم في النوبة الجميلة..
ودي أحلي حاجة هنحب نختم بيها يومنا التالت فعلا ♥️

في الرحلة
هنصحي الصبح نفطر في فندقنا أوبن بوفيه ونتحرك علي أهم مزارات أسوان بقا
هنزور السد العالي ورمز الصداقة وبعدين نتحرك علي معبد فيله معبد الحب واحد من أجمل المعابد..
وبعدين هناخد جولة حره في سوق أسوان السياحي نسوي شوبينج😂
وطبعا أسوان مشهورة جدا بالحنه والتمر هندي والكركدية والتمور والسوداني الأسواني والمخمرية وحاجااات كتير 👀
واللي مش حابب يعمل شوبينج ممكن يتمشي يتفرج علي كورنيش أسوان الجميل وياخد جوله بالحنطور أو يقعد في كافيه علي النيل كل ده اختياري عادي ♥️
وبكده نكون خلصنا مزارات اليوم الرابع..

في الرحلة والأخير
ده بقا يوم الروقان اللي حبيت أختم بيه البرنامج القمر ده
يوم كله في قلب الجُزر النيلية
هناخد مركب في النيل من عند الفندق بتاعنا..
وناخد الاول جولة رايقه في النيل نتفرج فيها علي جمال البيوت النوبيه الملونه وهي في قلب النيل كده
ونطلع علي جزيرة مافيا اللي إتصور فيها فيلم مافيا الشهير الجزيرة فيها أماكن جميلة للتصوير وفيها تمساح للتصوير
هنشرب فيها أحلي قهوه نوبية قهوه الجنوب إسمها الجَبَنَه عشان تجربوا كل حاجة تخص الجنوب 👀
وبعدين هنتحرك بالمركب نكمل الجولة وهنشوف من المركب فيلا محمد منير وهنشوف أولد كاتراكت وجزيرة ألفانتين..
وهنشوف كمان من المركب مقابر النبلاء وقبه جبل أبو الهوا..
وهنوصل عند جزيرة النباتات وهننزل ندخلها ونشوف أندر النباتات في العالم فيها
وناخد جولة لطيفه فيها
وبعدين نركب مركبنا متجهين إلي محطه القطار مودعين أحلي رحلة بجد بكل تفاصيلها 🥹

#ملاحظات
*وسيلة التنقل في كل المزارات المذكورة هتكون بالباصات الحديثه جدا ومكيفة او المركب حسب المزار اللي هنروحة 👌

* جميع المعابد سوف يقوم بشرحها مرشدين سياحين متخصصين

* جميع المطاعم متواجده جانب فنادقنا في الأقصر وأسوان يعني سهل جدا إختيار مطاعم للأكل وأنا هكون معاكوا طول الرحلة وهكون معاكوا في اختيار المطاعم لو حابين

* لو عجبكوا البرنامج وحابين تنضموا لجروبنا الحلو وحابين تعرفوا الأسعار إكتبوا كومنت او إبعتوا رسالة علي الصفحة وهنرد عليكوا بكل التفاصيل ..
فون ٠١٠٩٠١٥٥٦٦٧

لمتابعة كل جديد انضم لجروب الواتس https://chat.whatsapp.com/Ih0aS7oZnjv0lzdGTj0qVh?mode=gi_t

يا مساء الفل والياسمين رحلة لبنان يوم الاربع ٢٨ ينايرفي نص السنهلمده ٧ اياموكمان في الصيف يوم الخميس ٢٨ مايو لمده ٧ ايا...
27/12/2025

يا مساء الفل والياسمين
رحلة لبنان
يوم الاربع ٢٨ يناير
في نص السنه
لمده ٧ ايام

وكمان في الصيف يوم الخميس ٢٨ مايو
لمده ٧ ايام

ومعايا برنامج شامل كامل
اتحدي اي حد يعمله بالسعر ده

١) تأشيره
٢)طيران ذهاب وعوده
٣) استقبال من المطار مع مرافق من مصر
٤) توصيل للاوتيل في اول يوم والعوده اخر يوم
٥) اوتيل بالحمرا بالافطار
( غرف مكيفه، حمام خاص،شاشه lcd, كاتيل، اغطيه)

٦) برنامج يومي شامل

٧) جايد يومي
٨) رسوم الدخول

البرنامج:
💥 سيتي تورز( السوليدير، نصب الشهدا، جامع الامين، ضريح رفيق الحريري، i love u، المرفأ، تمثال رفيق الحريري)

💥 مغاره جعيتا الرائعه احدي عجايب الدنيا السبع
( اسانسير، مغاره عليا جافه ،فيلم وثائقي، قطار مفتوح، تمثال حارس الطبيعه، مغاره سفلي)

💥 اروع مكان تمثال السيده العدرا باسطه ذراعيها علي بيروت، حريصا،
نزولا بالتليفريك ومتعه فيو جونيه

💥مرور وتصوير بنهر الكلب

💥متحف الشمع، المشاهير

💥فاريا صعودا بالباص
( لايشمل سيارات السفاري)

💥عنايا ، مارشربل

💥البترون شامل جوله بالكابل كار لمتعه وجمال البترونيات
( السوق العام، ميناء البترون ، ساحه اسطفانوس، ساحه مارجرجس، ساحه السرايا، سيده الساحه)

💥اجمل المدن العتيقه با اضوائها وشوارعها وجمالها
(جبيل )

💥سهره لبنانيه مع عشاء لبناني -
ولا اروع

💥الشوف غابه ارز الباروك مع جايد

💥صيدا وجوله كامله داخل احدي المدن العتيقه وتسوق

💥اجمل الاماكن
صخرتي الروشه وتشمل رحله بالقارب

💥صور تذكاريه لريستورانت pay rock

💥زياره بيت فيروز
( ملكه الفن بلبنان)

💥توصيل لبرج حمود للتسوق ذهاب وعوده

نحن نتحدي بالبرنامج
نحن نتحدي بالسعر

•الفرد بالدبل والتربل
٢٨٠ $+ ١٥٢٥٠ جنيه مصري

• الفرد بالسنجل
٤٢٠ $ + ١٥٢٥٠ جنيه مصري

•الاطفال:
حتي ٢ سنه

من ٢-١١ سنه
١٢٥$+ ١٠٩٥٠

💥السعر يشمل:

يشمل كل المكتوب سابقا عدا👇👇
١) زلاجات الثلج بفاريا اختياري بتكلفه

💥ضوابط رحله لبنان:
١) الشباب في سن التجنيد الحصول علي موافقه التجنيد علي السفر
٢) الشباب والشابات - بدون وظيفه بالباسبور او مؤهل متوسط
يجب الحصول علي موافقه امنيه

٣) ان يكون معك بالمطار ٢٠٠٠$
يطلبها احيانا ضابط الجوازات بالمطار
( نساعدك فيها)

💥لتاكيد الحجز وثبات السعر:

دفع ١٥٢٥٠ ج مصري
مع صوره الباسبور

، ودفع الدولارات بلبنان بمجرد الوصول

💥الالغاء:
لا يتم الالغاء بعد حجز تكت الطيران
او يتحمل الشخص اي غرامات تحدث بسبب الالغاء

💥الاسعار تتغير في حاله تأخر ارسال الباسبور وتأمين الحجز

استفسر قبل ان تحجز ،
01090155667
#طلعة #رحلات #سفر #تركيا
#محمدـالعربي

يا مساء الفل والياسمين رحلة لبنان يوم الاربع ٢٨ ينايرفي نص السنهلمده ٧ اياموكمان في الصيف يوم الخميس ٢٨ مايو لمده ٧ ايا...
26/12/2025

يا مساء الفل والياسمين
رحلة لبنان
يوم الاربع ٢٨ يناير
في نص السنه
لمده ٧ ايام

وكمان في الصيف يوم الخميس ٢٨ مايو
لمده ٧ ايام

ومعايا برنامج شامل كامل
اتحدي اي حد يعمله بالسعر ده

١) تأشيره
٢)طيران ذهاب وعوده
٣) استقبال من المطار مع مرافق من مصر
٤) توصيل للاوتيل في اول يوم والعوده اخر يوم
٥) اوتيل بالحمرا بالافطار
( غرف مكيفه، حمام خاص،شاشه lcd, كاتيل، اغطيه)

٦) برنامج يومي شامل

٧) جايد يومي
٨) رسوم الدخول

البرنامج:
💥 سيتي تورز( السوليدير، نصب الشهدا، جامع الامين، ضريح رفيق الحريري، i love u، المرفأ، تمثال رفيق الحريري)

💥 مغاره جعيتا الرائعه احدي عجايب الدنيا السبع
( اسانسير، مغاره عليا جافه ،فيلم وثائقي، قطار مفتوح، تمثال حارس الطبيعه، مغاره سفلي)

💥 اروع مكان تمثال السيده العدرا باسطه ذراعيها علي بيروت، حريصا،
نزولا بالتليفريك ومتعه فيو جونيه

💥مرور وتصوير بنهر الكلب

💥متحف الشمع، المشاهير

💥فاريا صعودا بالباص
( لايشمل سيارات السفاري)

💥عنايا ، مارشربل

💥البترون شامل جوله بالكابل كار لمتعه وجمال البترونيات
( السوق العام، ميناء البترون ، ساحه اسطفانوس، ساحه مارجرجس، ساحه السرايا، سيده الساحه)

💥اجمل المدن العتيقه با اضوائها وشوارعها وجمالها
(جبيل )

💥سهره لبنانيه مع عشاء لبناني -
ولا اروع

💥الشوف غابه ارز الباروك مع جايد

💥صيدا وجوله كامله داخل احدي المدن العتيقه وتسوق

💥اجمل الاماكن
صخرتي الروشه وتشمل رحله بالقارب

💥صور تذكاريه لريستورانت pay rock

💥زياره بيت فيروز
( ملكه الفن بلبنان)

💥توصيل لبرج حمود للتسوق ذهاب وعوده

نحن نتحدي بالبرنامج
نحن نتحدي بالسعر

•الفرد بالدبل والتربل
٢٨٠ $+ ١٥٢٥٠ جنيه مصري

• الفرد بالسنجل
٤٢٠ $ + ١٥٢٥٠ جنيه مصري

•الاطفال:
حتي ٢ سنه

من ٢-١١ سنه
١٢٥$+ ١٠٩٥٠

💥السعر يشمل:

يشمل كل المكتوب سابقا عدا👇👇
١) زلاجات الثلج بفاريا اختياري بتكلفه

💥ضوابط رحله لبنان:
١) الشباب في سن التجنيد الحصول علي موافقه التجنيد علي السفر
٢) الشباب والشابات - بدون وظيفه بالباسبور او مؤهل متوسط
يجب الحصول علي موافقه امنيه

٣) ان يكون معك بالمطار ٢٠٠٠$
يطلبها احيانا ضابط الجوازات بالمطار
( نساعدك فيها)

💥لتاكيد الحجز وثبات السعر:

دفع ١٥٢٥٠ ج مصري
مع صوره الباسبور

، ودفع الدولارات بلبنان بمجرد الوصول

💥الالغاء:
لا يتم الالغاء بعد حجز تكت الطيران
او يتحمل الشخص اي غرامات تحدث بسبب الالغاء

💥الاسعار تتغير في حاله تأخر ارسال الباسبور وتأمين الحجز

استفسر قبل ان تحجز ،
01090155667

مصري وافتخر ✈️
28/10/2025

مصري وافتخر
✈️

يامساء الفل عليكوا ❤️ ✌️وجه الوقت المحبب لقلبي اللي كل سنه بعمل فيه نفس الرحله ف نفس التوقيت لان ده أحلي وقت في السنه ت...
24/10/2025

يامساء الفل عليكوا ❤️
✌️
وجه الوقت المحبب لقلبي اللي كل سنه بعمل فيه نفس الرحله ف نفس التوقيت لان ده أحلي وقت في السنه تزورا فيه المكان ده هو موسم الخريف والربيع برده ❤️🙈 عشان نعرف بقا ننزل البحيرات والعيون الكبريتيه والجو يبقي تحفه جدا وقتها ❤️
#سيوة واحه الغروب واحه النقاء والفصلان والاسترخاء... الرحلة دي بعملها غالبا مره واحدة في السنه فحاولوا تلحقوها بقا ✌️
ويلا بينا نبتدي

التحرك للرحله يوم الخميس 20 نوفمبر بالليل من القاهرة☺️
هنوصل يوم الجمعه 21 نوفمبر الصبح بإذن الله..

في الرحله الجمعه 21 نوفمبر ..
نوصل فندقنا في سيوه واحد من أجدد فنادق سيوة مبني بديكور مكس أمازيغي علي تونسي كده ♥️
السيوي
هنفطر في الفندق فطارنا الحلو وبعدين نريح شويه في الفندق من الطريق وبعدين نبدأ البرنامج كالتالي :-
هنروح جزيره طغاغين نحضر الغروب هناك وحرفيا من أحلي أماكن مشاهده الغروب في مصر الجزيره فوق بحيره شالي ومودها مميز جدا ( واللي عايز ينزل الميه يقدر ينزل فيها) الجزيره فيها عين رومانيه متاحه للعوم كمان فيها سمك تحفه
وفي الجزيره هتاخدوا شويه صور عظمه ( علفكره معظم الرحلات مش بتحط الجزيره دي في البرنامج عشان تذاكرها عاليه شويه بس أنا بصمم أحطها لانها تحفه بجد ومينفعش تروحوا سيوة ومش تزروها) الجريزه كمان فيها أكتيفتي لطيفه جدا زي تأجير مركب في البحيرة و إنكوا تأكلوا الحمام هناك وتتصوروا معاه وتلعبوا مع النسناس 😂

بعد ما نخلص الجزيره هنكون جوعنا بقا 😋 هنروح عين كليوبترا هنتعشي هناك في مطعم أكلات سيويه ناكل اكل سيوي بيعمل طواجن تحفه تحفه ياجماعه 😋 المطعم أصلا القاعده فيه مبهره جدا لانه إضاءته كلها شموع ومشاعل وحاجة اخر رومانسيه😀
وحواليكوا ميه عين كليوبترا فالفيو خطييييير بالليل بجد.. وبعد ما نخلص عشانا كفايه كده اليوم الأول عشان ترتاحوا ويلا نرجع الفندق ننام..

في الرحله السبت 22 نوفمبر..
نصحي نفطر في الفندق
⚠️ وبعدين نتحرك علي معبد تتويج الإسكندر ومعبد التنبؤات ومعبد امون وهناك نعرف ليه الاسكندر راح هناك وايه سر معبد التنبؤات بتاعه وأسرار لاول مره هتعرفوها عن الاسكندر ✨

⚠️ وبعدها هنزور عين كليوبترا بالنهار بقا مختلفه تمامااا عن بالليل .. وهناك هتحسوا إنكوا روحتوا دهب 😅 من كتر ما القاعدات والكافيهات هناك شبه دهب وفيه عين كبيره ميه كبيريته للي هيحب ينزل يعوم فيها.. وفيه بزارات كتير بتبيع حاجات هاند ميد تحفه بجد.. وهنغير هدومنا في الحمامات هناك ونلبس مايوهات بقا عشان نستعد لأكبر وأحلي سباحة في سيوة ✌️
⚠️ هنروح بحيرات الملح اللي أصلا صورها لوحدها تغريك تنزل تعوم فيها حالاااا من كتر ماهي لونها فيروزي تحفه ومهما كنت مبتعرفش تعوم الميه هترفعك لفوق ✌️ ده غير فوايدها الصحيه لمعالجه إلتهابات الجسم والعظام وامتصاص الرطوبة من الجسم والطاقة السلبيه ♥️
هنعوم شويه هناك وبعدين هنكمل مغامرتنا في السباحة لسه بس المره دي في عين مياه عاذبه عشان ننزل كل الملح ده 🙈
⚠️هنروح كامب علي خالد أشهر كامب في سيوه كلها واللي جواه عين كبريتيه تحفه جدا جدا للسباحة وطبعا كلنا عارفين فوائد الميه الكبرتيه للجسم والشعر وبتفك عضلات الجسم وتساعد جدا ع الإسترخاء... هنعوم شوية في العين الكبرتيه ونطلع بعدها ناخد دش في الكامب ونغير هدومنا بقا ونرجع نلبس لبس الخروج اللي نزلنا بيه من فندقنا الصبح 😂😂
بعد كتر البلبطة دي هتكونوا جوعتوا بقا هنتعشي أحلي أكل سيوي في كامب علي خالد أكل إسمه ( أبو مردم) مشهور في سيوه بيتعمل متنوع من فراخ وبط ولحم كل واحد هيختار علي ذوقه..
خلصنا عشاء وانبسطنا هنختم اليوم القمر ده بحفله سيويه بقا محصلتش نرقص ونغني معاهم ونعيش أجوائهم السيويه الجميله جدا جوه الكامب مع شكل النجوم ف السماء بالله هناك في سيوة خطييييير...
( اليوم التاني ف سيوه مليان أكتيفتي ممتعه جدا بس لسه مكملين متعه لليوم التالت كملوا البوست 😂)
كفايه كده ع اليوم التاني نروح ننام بقا في فندقنا الجميل 😴

في الرحله الأحد 23 نوفمبر ..
⚠️ هنصحي الصبح بدري جدا نتحرك وقت الشروق علي الصحراء ونركب عربيات دفع رباعي عشان نعمل أحلي وأمتع مغااااامرة في سيوه يا جماعه وهي السفاري 💃
حرفيا أحلي سفاري في مصر هي سفاري سيوه بجد.. ومصنفه إنها تاني أحلي سفاري في العالم كله..
هندخل بالعربيات الدفع الرباعي بحر الرمال الأعظم وهناك بقا هتشوفوا السفاري عامله ازاي حبه أدرينالين مجاني كده.. ونصور الشمس وهي بتشرق وسط الصحراء من ورا الرمل بمنظر روووعه..
وبعدين نتزحلق علي الرمال بالبورد الخاص بالتزحلق للي حابب يعملها .. ودي تجربه ممتعه جدا
وبعدها نتحرك علي بئر ميه كبريتيه دافي وطبعااا واتكلمنا عن فوايد الميه الكبريتيه فوق ..
ننزل نعوم فيها هتنبسطوا جدا فيها حتي القعدات فيها تحفه ف قلب الصحرا وحواليكوا نخل كتير وميه كبرتيه.. وبعدها نطلع نفطر بقا في وسط الصحرا في وسط النخل الكتيييير في مود رايق اوووي..
( رحلة السفاري إختياري اللي مش حابب يطلعها يفضل ف الفندق يكمل نومه عادي 😄)
هنرجع من السفاري ناخد دش ونغير هدومنا ونرتاح شوية في الفندق....

علي العصر كده هننزل نزور جبل الموتي.. أشهر جبل في سيوة وليه قصة جميلة أوي عن سبب تسميته كده هنحكيها وإحنا هناك وطلوع الجبل سهل جدا جدا للي حابب يطلعه واللي مش حابب عادي جدا يقدر يتصور جنبه والميزه في جبل الموتي إنكوا تقدروا تشوفوا سيوه كلها من فوق بنخلها الكتير وبحيرتها وجزرها الفيو هناك خطير ♥️

⚠️بعدها هنتحرك علي جزيره فطناس نفسها و هنحضر الغروب في جزيره فطناس وناخد شويه صور عظمه في الجزيره وهناك هتعرفوا ليه سيوة إسمها واحة الغروب من جمال وروعه شكل الغروب هناك بجد هتاخدوا شوية صور للذكري عاااالميه..
هتشربوا هناك مشروبات سيويه جميله أهل سيوه بس اللي بيعملوها للي حابب يجربها تحفه ♥️
⚠️وبعد ما نحضر الغروب هنتعشي أكل سيوي في مطعم جميل جدا هناك ♥️♥️
ونختم يومنا التحفه ده علي كده ونرجع ننام بقا..

في الرحله الأتنين 24 نوفمبر
نصحي نفطر في الفندق ونودعه ونسيب شنطنا في الباص ونتحرك علي قلعه شالي اللي هي اقدم حاجه في سيوه واللي ابتدت منها سيوه اصلا.. ونعرف قصه القلعه كلها..
وبعد القلعه نروح السوق نشتري المنتجات السيويه التحفه بقا تمور وزيت زيتون ومنتجات طبيعيه للجسم والشعر واعشاب وحاجات حلوه كتير..
وبعد ما نخلص شويينج بقا نودع سيوه ونتحرك علي القاهرة 😢

⚠️ سعر الرحله مميز جدا ويشمل كل البرنامج ماعدا رحله السفاري ووجبه العشاء..
لو عجبكوا البرنامج وحابين تعرفوا السعر إكتبوا كومنت وهنرد عليكوا بالسعر ❤️
⚠️الرحله ممتعه جدااا جدا ولو لسه مروحتش سيوه لحد
دلوقتي فبجد فايتك مناظر روعه في مصر ♥️
لمتابعة كل جديد تابعنا علي جروب الواتس
https://chat.whatsapp.com/Ih0aS7oZnjv0lzdGTj0qVh?mode=wwc

🤩 طلعتنا المرة دي في يوم خمييييس إجازة! 🥳مين قال إن الإجازات الرسمية لازم تكون مملة؟ إجازة ٦ أكتوبر مترحّلة وجاية معانا ...
27/09/2025

🤩 طلعتنا المرة دي في يوم خمييييس إجازة! 🥳
مين قال إن الإجازات الرسمية لازم تكون مملة؟ إجازة ٦ أكتوبر مترحّلة وجاية معانا يوم الخميس عشان نغير جو ونشوف الجمال الطبيعي اللي بجد! 🌊⛰️
🚀 برنامج متفجر للمغامرات والروقان:
هنسافر ونرجع في يوم واحد، بس هنعمل فيه مغامرات عمرنا ما هننساها!
وادي الريان والشلالات: أول محطة لينا هي جنة الفيوم، هنشوف الشلالات ونستمتع بجمال المية والخضرة، وكمان هنركب فلوكة ونلف في البحيرة اللي بتخطف العقل! مين مستعد للصور اللي هتكسر الدنيا؟ 📸
جبل المدورة (الفيو الخرافي): بعد ما نروق على نفسنا، هنتسلق جبل المدورة عشان نشوف منظر بانورامي ولا في الأحلام للبحيرات اللي حواليه. المكان ده بيقولك: "أنا هنا عشان تنسى الدنيا"! 😉
تزحلق على الرمال (Sand Boarding): نرجع للأكشن تاني! اللي مجهز عضلاته يجهزها عشان هنتزحلق على أجمل رمال الصحراء! حماس، ضحك، وأكيد كام وقْعة ظريفة!
وده اختياري
غداء ريفي في قرية تونس: بعد كل المغامرات دي، لازم نختمها بوجبة دسمة. هنتغدى في قرية تونس الساحرة، اللي معروفة بجمالها والفخار اللي بيتعمل فيها. هتتغدى أحلى أكل ريفي في جو ما يتوصفش! 😋
📅 التفاصيل المهمة جدًا:
الموعد: يوم الخميس (إجازة ٦ أكتوبر المترحلّة)
الأنشطة: وادي الريان، الشلالات، ركوب فلوكة، جبل المدورة، تزحلق على الرمال، غداء في قرية تونس.
التكلفة: [اكتب التكلفة هنا] (شاملة الانتقالات، ، والغداء)
📲 مستني إيه؟ الأماكن محدودة!
الحق مكانك في الرحلة اللي هتفصلك عن العالم كله ليوم كامل من الضحك والمغامرات! ابعت رسالة دلوقتي عشان تعرف تفاصيل الحجز وتتجهز لأحلى يوم في إجازة الشهر!

يلا بينا نعمل يوم خميس مش عادي! مين جاي؟ 👇
لو مهتم ابعتلي رسالة بالتفاصيل
لمتابعة كل الرحلات انضم الجروب الواتس
https://chat.whatsapp.com/Ih0aS7oZnjv0lzdGTj0qVh?mode=ems_copy_t

ثري بول ـ دهب ✈️ #دهب #رحلات
14/09/2025

ثري بول ـ دهب
✈️ #دهب #رحلات

يا مساء الفل عليكوا ♥️ يلا نطلع مع بعض رحلة مختلفه جداا يوم واحد وتغير جو قبل الدراسة بيومين ونعيش مع بعض تجربة جديدة وم...
05/09/2025

يا مساء الفل عليكوا ♥️
يلا نطلع مع بعض رحلة مختلفه جداا يوم واحد وتغير جو قبل الدراسة بيومين ونعيش مع بعض تجربة جديدة ومختلفه وممتعه جدا جدا ♥️
وبالمرة دي آخر فرصه نشتري فيها مانجو تخزين للشتاء عشان نعمل عصير مانجو طول الشتاء وفي رمضان 😂😂

هنسافر مع بعض الإسماعيليه بس عايزاكوا تقرأوا البرنامج للآخر لان انتوا عارفني بحب أعمل برنامج مميز ومختلف 🙈

⚠️رحلة واحدة عامله فيها سياحة ريفيه وسياحة تاريخيه وسياحة ترفيهيه وطبيعه وأكل وكله في يوم واحد بس🙈❤️

⚠️ السفر هيكون الجمعه صباحا 19 سبتمبر رحلة مدتها يوم واحد رجوع الجمعه بالليل
السفر هيكون الساعه ٨:٣٠ صباحا

⚠️هنبدأ يومنا بتجربة ريفيه مميزه جدا.. هنزور إحدي مزارع المانجو بالإسماعيليه
هناخد جوله بين المزرعه ونقطف مانجو ونتصور مع أشجار المانجو صور تحفة..
وهيكون لكل واحد فيكوا نص كيلو مانجو مجانا من القطفه بتاعنا دي هديه ليكوا ☺️

⚠️وبعدها هنفطر فطار فلاحي تحفه
( الفطار عباره عن فطير مشلتت وجبنه مِش وجبنه قريش وعسل ابيض وعسل أسود وبطاطس وسلطه )

فطار بين الطبيعة والخضره يا جماعه روعه في جو تحفه
وهنشرب شاي معمول ع الفحم
هنشوف خبز العيش واللي عايز يخبز عيش بإيده متاح مجانا ( للي حابب طبعا)

⚠️وبعدين هنشرب عصير مانجو فريش لسه نازل من ع الشجر حالا
وبعد ما نخلص جولتنا في المزرعه اللي حابب يشتري كرتونه مانجو تخزين من المزرعه مباشره هنجيبلكوا اسعار حلوه للتخزين يومها وتقدروا تشتروا كرتونه وتسيبوها في شنطه الباص باقي المزارات ✌️

⚠️بعد ما نخلص كل جولتنا في المزرعة هنبدأ بقا جولتنا جوه مدينة الإسماعيلية نفسها
واحدة من أجمل وأشيك وأروق المدن المصرية ✌️

⚠️أول حاجة هنزور متحف الإسماعيلية وده متحف تاريخي عظيم بيضم آثار كتير لكذا عصر قديم وبيحاكي كمان حروب وأحدث مرت علي مصر علي مر التاريخ
وفيه قطع أثريه جميلة هناخد جوله في المتحف ،،

👈🏻وبعد ما بنخلص زيارة المتحف هناخد جوله في الحي الأفرنجي والفرنسي في مدينة الإسماعيلية
هنشوف فيها بيوت شيك جدا مبينة وقت حفر قناة السويس حرفياااااا بيوت أوربيه كأنكوا في أوروبا هنتصور هناك صور تحفه بفيو خطير
وهنزور فيلا ديليسبس من الخارج
ونشوف تمثال ديليسبس ولوحة الجدارية الشهيرة اللي بتحكي عليها قصه حكي قناة السويس..

👈🏻وبعد ما نخلص الجوله الأثرية العظيمة دي هنعمل أهم وأشهر حاجة في الإسماعيلية
زي ما الست داليدا قالت
( يا إسماعيلية يا إسماعيلية أحب ازورك في المغربية أركب فلوكة وانا وحبايبي 😂😂)
ف يلااا نركب مركب في بحيرة التمساح في الإسماعيلية ونتفرج علي أجمل فيو من البحيره نلف فيها بالمركبفي بحيرة التمساح في الإسماعيلية ونتفرج علي أجمل فيو من البحيره نلف فيها بالمركب ونتفرج علي جمال الإسماعيلية من جوة المركب بقا 😍

وبعد ما نخلص جولتنا دي هنكون جوعنا بقا 😋
بس ثواني أنا مش هوديكوا أي مكان للغدا لا 🙈
أنا هوديكوا في أحلي مطعم في الإسماعيليه كلها هتاكلوا فيه أحلي سمك طازه لسه خارج النهارده من البحر 😋

هنروح مطعم الفنار واللي يعتبر صاحب الفيووو الخطييييير جداااا
المطعم بيطل علي خط بارليف يا جماعة ✌️✌️✌️
فيو المطعم قناه السويس وخط بارليف وطبعا مش محتاجين نحكي الفيو ده مهم لينا ازاي لما حطمناه علي دماغ الجماعة إياهم 😂😂

طيب الناس اللي مبتحبش السمك
ولا تزعلوااا نفسكوا خالص
المطعم فيه دورين
دور أسماك
ودور مطعم إيطالي للأكل الايطالي بيتزا وباستا تحفه

فهنرضي كده كل الاذواق ✌️ ( وجبة الغدا إختياري )

خلصنا أكل وحبسنا بالشاي او العصير وخلاص بقينا بالليل يلا نرجع القاهرة بقا خلصت رحلتنا 🥹

⚠️لو عجبتكوا الرحلة وحابين تعرفوا السعر إكتبوا كومنت وهنبعتلكوا تفاصيل السعر كلها ✌️
لمتابعة كل جديد انضم معانا في جروب الواتس
https://chat.whatsapp.com/Ih0aS7oZnjv0lzdGTj0qVh?mode=ems_copy_t

Address

Nasr City

Telephone

+201227701660

Website

Alerts

Be the first to know and let us send you an email when طلعة Tal3a posts news and promotions. Your email address will not be used for any other purpose, and you can unsubscribe at any time.

Shortcuts

Share

Category