15/10/2026
وصل مكة، ولبس الإحرام، وكان حاجز في برج الساعة .. ورجع من غير ما يعمل عمرة! 💔
تخيل؟!
دفع الفلوس، وحجز الطيران والفندق، ولبس الإحرام، ووصل فعلًا مكة المكرمة
وفجأة حصل معاه موقف خلاه ياخد بعضه ويرجع بلده من غير ما يؤدي العمرة!
القصة دي سمعتها من فترة.
الناس كانت جاية تستلم التأشيرات وفرحانة ومستنية اليوم اللي تسافر فيه لبيت ربنا ❤️
وفجأة الدكتور قال كلام أنا شخصيًا اتخضيت منه!
كان بيفكر الناس بحديث النبي ﷺ:
«الحُجَّاجُ والعُمَّارُ وَفْدُ اللهِ، دعاهم فأجابوه، وسألوه فأعطاهم».
ووقف عند كلمة
«دَعَاهُم»! 🥹
وقال بمعنى كلامه:
والله ما هي بشطارتك!
ولا بفلوسك!
ولا إنك عرفت تحجز في أفخم فندق!
ولا إنك رتبت كل حاجة صح!
دي دعوة من ربنا .. وأنت بتروح لأن ربنا أذن لك تروح! ❤️
وساعتها حكى قصة الراجل اللي وصل مكة بالفعل، ومع ذلك رجع من غير عمرة.
وفكرت قد إيه إحنا ساعات بنتعامل مع العمرة كأنها مجرد رحلة محتاجة فلوس وإجازة وحجز!
مع إن الحقيقة إنك مهما رتبت وخططت وأخدت بالأسباب
فأنت محتاج توفيق ربنا وتيسيره قبل أي حاجة.
ويمكن أكتر حاجة لمست قلبي وقتها…
إن في ناس معاها الفلوس ومش قادرة تروح، وناس نفسها تروح ومش معاها الفلوس، وناس ربنا بيفتح لها أبواب مكنتش تتخيل إنها تتفتح!
عشان كده
لو نفسك تعمل عمرة ومش متيسرة، متيأسش من رحمة ربنا. ❤️ خد بالأسباب، وادعي، وجدّد نيتك، واسأل ربنا يكتبها لك في الوقت اللي فيه الخير.
ولو اللي موقفك هو الخوف أن الفلوس تخلص، افتكر إن النبي ﷺ قال:
«تابعوا بين الحج والعمرة، فإنهما ينفيان الفقر والذنوب، كما ينفي الكير خبث الحديد».
تخيل!
إحنا ساعات بنخاف نصرف فلوسنا في طاعة ربنا خوفًا من الفقر
والنبي ﷺ بيبشرنا إن المتابعة بين الحج والعمرة من أسباب نفي الفقر والذنوب!
يمكن تكون بتقرأ الكلام ده دلوقتي، ونفسك من زمان تروح مكة والمدينة
يمكن محتاج تبعد شوية عن زحمة الحياة.
عن ضغط الشغل.
عن المسئوليات اللي مش بتخلص.
عن الدنيا اللي بتشدك كل يوم في ألف اتجاه.
يمكن محتاج أسبوع واحد بس
تقعد فيه في مسجد النبي ﷺ، وتسلّم عليه، وتدعي بكل اللي شاغل قلبك.
وبعدين تروح مكة، وتطوف حوالين الكعبة، وتبكي وتدعي وتقول:
يا رب.. أنا جيت لك، فلا تردني خائبًا. ❤️
اللهم ارزق كل مشتاق يارب العالمين🤲