25/12/2021
#الواقع
بيدخل كلية الهندسه ,حتي لو بالفلوس، بيغير حياته 180 درجه ويحط حرف ال Eng جمب اسم الاكونت وابوه يجيب ميكروفون ويقول المهندس راح المهندس جه وماينفعش تنده بأسمه او تقوله استاذ كذا لا لازم تقولو يابشمهندس , بس هما احرار ! (الحمد لله الذى عافانا من النقطة دى)
بتدخل كلية الطب , بتخسر كل أصحابك اللى دخلو كليات متوسطه حتى لو تعرفهم من ابتدائى وبتبدأ تتعرف على ناس يكونو من نفس مستواها, بس هو حر !
بمجرد دخوله الكلية الحربيه او كلية الشرطة , مناخيره بتترفع لفوق تلقائيا , ومش هو لوحده ده عيلته كلها بتغير اساميها , واى حد ليه علاقه بيه بيغير اسمه , صاحب الظابط , ابن عم الظابط , حبيبة الظابط , اخت الظابط , حظااااااابط ! بس ابن الاصول عمره ما عمل كدا ابدا علشان مفيش نقص عنده
طالب تجاره انجلش انت ممكن تقوله انت عندك عقم مابتخلفش وممكن يتقبل الموضوع ولا انك تقارنه بطالب تجاره عربى نهائى , هتلاقى قنبله شتايم خرجت في وشك ليه يابن الناس تقارنه بواحد بيدفع 750 جنيه فى السنه وهو بيدفع 10 الاف لمجرد ان اللى بيدرسه بالانجلش هناك بيدرسه بالعربى , بس لا انت عايز تقارنى بواحد الفرق بينى وبينه 40 الف جنيه ! مايجبوش تمن عربيه 128 .
بلد 90% من اهلها ماشين بمبدأ بنتنا ماتتجوزش الا مهندس او دكتور , المهندس للمهندسه والدكتور للدكتورة والدكتورة ماتاخدش اقل من مهندس او دكتور او ظابط شرطه , وفى عائلات مابياخدوش غير ظباط جيش , اه والله , وفى عائلات مابتدخلش حد بينها الا اذا كان مهندس عشان يبقا اسمهم عيلة المهندسيـن وماحدش يضيع شرف العيله .
اللى معاه ايفون بيشوف نفسه على اللى معاه سامسونج , اللى بيجيب بنطلون جامد بيتصور بيه 100 صورة ولمده شهر يفضل يتصل بصحابه : اى يازميلى مش انا جبت بنطلون من زارااااا اه والله زى مبؤلك تعالا يلا نخربها فى وسط البلد,
بتجيب قلم روج من ماك ولا كوتش من Nike ويجى عليه شوية تراب ماتشوفهمش الا بالعين المجرده فا تروح تكتب ع الفيس ياريت الناس اللى مركزة فى حياتى تكون مبسوطه دلوقتى !
اول مابيخطب بيبدأ يعتزل صحابه ويختفى عنهم و لو قعد معاهم مرة يحسسهم انه العاقل الوحيد والناضج الأوحد
اول ما بتتخطب تفضل تتكلم بأديها كتير
وكل ما تكلم صحباتها تقلهم خطيبى راح خطيبى جه
وكأنها مخطوبة لمحمد صلاح
انتوا من اول مابتصحوا لحد مابتناموا بتفطروا وتتغدوا وتتعشوا عنصرية , انتوا اكتر شعب بيعشق الماديات وبيعشق ان يكون ليه نفوذ وسلطه , اللى معاه عربية - كاميرا - ايفون اكتر واحد هتلاقيه مسستم حياته على عدد ناس معينه اللى هو انا وصلت لطبقه الناس اللى معاها عربيات يبقى اعرف ناس معاها عربيات ماينفعش انزل اقل من كدا , لو جاتلك الفرصه اللى تشهر بيها عنصريتك بتشهرها من غير ماتاخد بالك
بلاش النقص الي عندنا يغيرنا للاسوء.
لان انتو فاهمين غلط لان مفروض اما ربنا بيكرمك بي كليه حلوه وعجبتك تتواضع أكثر.
(وده مش تعميم للكل طبعا دول قلة موجودين معانا)
🖤✋
معظمهم مش كلهم الا من رحم ربي 👌
