12/01/2018
الرحلة البحرية ( جزيرة تيران ) غطس و سنوركلينج.مع
(ميدل ايست تورز)
الرحلة دى بقا متعتك فى شرم الشيخ بتبدأ رحلتنا حوالى الساعة ٨ صباحاً، طبعا بتكون انت قبلها صحيت من النوم وفطرت وجهزت نفسك واخدت معاك البطاقة الشخصية والشورت والباشكير من الفندق، بتجيلك العربية بتاعتنا تاخذك من الفندق وتتجه للسقالة (مرسى اليخوت البحرية) بنتجمع ونطلع على الياخت بتاعنا وننطلق فى اتجاه جزيرة تيران فى طريقنا للجزيرة بنستمتع بجمال البحر الأحمر مع المزيكا الجميلة والمشروبات السخنة والباردة على الياخت، بنشوف فى طريقنا بلاچات فنادق شرم الشيخ ونتفرج على المركب الغرقانة ونتصور احلى صور للذكرى.
نوصل قرب الجزيرة ونربط المركب ونعمل الوقفة الاولى بتاعتنا، معانا على الياخت بيكون فى غطاسين محترفين بنغطس ونعمل سنوركلينج.
مبتعرفش تعوم!!! مش مهم خالص على فكرة، هتلبس اللايف چاكت وده بيشيلك وبتبقى مرفوع على سطح الميه ولابس الماسك والزعنفة وتتفرج وتستمتع بجمال الأسماك الملونة والشعاب المرجانية.
بعد كده المركب بتتحرك ونعمل وقفة تانية فى مكان تانى خالص بنغطس ونعوم ونتفرج على شعاب مرجانية وأسماك مختلفة عن المكان الاول، بنطلع من الميه بيكون الغداء جاهز، نتغدى ونشرب اللى احنا عاوزينه، ونرتاح شوية بعد الاكل وبعد كده نعمل الوقفة التالته فى مكان مختلف عشان نعوم تاااااانى، وبعدين نرجع على السقالة والعربية ترجعنا لغاية الفندق حوالى الساعة ٥:٠٠ مساءً.
ملحوظة:
- الغطس لا يشترط ان يكون الشخص بيعرف يعوم.
- يوجد على الياخت دوش ميه حلوه وحمامات.
سعر الرحلة البحرية لو هتعمل سنوركل ب 250جنيه للفرد، وللغطس يضاف +120جنيه شاملة معدات الغوص.
الرحلة تشمل:
- الانتقالات من والى الفندق.
- تشمل الغداء والمشروبات على المركب .
- أدوات الغطس فى حالة لو كنت هتغطس.
الرحلة لا تشمل :
- ادوات السنوركلنج ويمكن تأجيرها من على السقالة.
تختلف الأسعار للمجموعات والاجانب والاخوة العرب.
ميدل ايست تورز (مرشدك الخاص)
للتواصل معنا :
تليفون - واتس اب: 01097101441
(ميدل ايست تورز )
