Dolphin siwa tours

07/04/2025

"معبد الوحي – معبد آمون":
هل كنت تعرف إن الإسكندر الأكبر زار سيوة؟
في قلب واحة سيوة، وتحديدًا في منطقة "أغورمي"، هتلاقي بقايا معبد الوحي أو ما يُعرف بمعبد الإله آمون، المكان اللي زاره الإسكندر الأكبر سنة 331 قبل الميلاد علشان يستشير كهنة آمون ويُعلن نفسه ابن الإله.
المعبد بيحمل طاقة تاريخية غريبة… بتحس وأنت واقف فيه إنك راجع آلاف السنين للوراء.
كان بيُستخدم للتنبؤ بالغيب واتخاذ قرارات مصيرية، وكان واحد من أشهر مراكز الوحي في العالم القديم.
المكان نفسه فوق تلة مرتفعة، والمنظر من فوق مذهل… تقدر تشوف جزء كبير من الواحة، خاصة وقت الغروب.
لو بتحب التاريخ والأساطير، لازم تزور المكان ده في رحلتك الجاية.

07/04/2025

07/04/2025

سيوة شالي ريزورت .. حاجة كدة على الطراز السيوي تحس انك عايش جوة قلعة شالي نفسها

الغرف مريحة نفسياً و مصممة مخصوص على الطراز السيوي عشان تساعد ع الاسترخاء وتسحب الطاقة السلبية

المكان بيعتمد في الأساس على الاضاءة الطبيعية و

ضوء الشموع ( في كهرباء اكيد ( لكن ضوء الشموع بيخلي الجو له سحر خاص

06/04/2025

"الصيف في سيوة؟ أيوه.. ومش هتصدق قد إيه ممتع!"
الناس كتير فاكرة إن سيوة في الصيف يعني جو حر ولا يُطاق.. بس الحقيقة إن الجو هناك جاف مش رطب، وده فرق كبير.
لو درجة الحرارة ٣٧، بتحسها زي ٣٠ عادي بسبب الجفاف.
كمان في سيوة، الشمس قوية بين ١١ و٤، وده وقت أصلاً ممكن تقضيه في الراحة أو غدا في مزرعة، وسط النخيل والخضرة.
قبل وبعد كده؟ تقدر تعمل أي حاجة:

تزور المعابد

تروح العيون

تطلع سفاري

أو حتى تركب عجلة وتلف الواحة كلها
الليل هناك ملوش مثيل: الهوا بيبقى لطيف، والنجوم بتملأ السما، والكلام حوالين النار بيبقى أحلى من ألف حكاية.
غير كده، الصيف هو موسم العلاج بالرمل، والناس بتيجي مخصوص عشان يدفنوا جسمهم في الرمل لفوايده الكبيرة.
يعني بدل ما تهرب من الصيف.. تعالى سيوة، وعيشه بطريقته!

22/09/2022

اكتوبر بداية رحلات #واحةسيوة

مين مهتم؟

11/07/2022

زيارة سيوة فى الصيف..
من المفاهيم المغلوطة إن الجو فى سيوة حر لدرجة إن مينفعش عمل أى أنشطة..
الجو هنا جاف تماماً، وده معناه إن لو الحرارة ٣٧ وانت قاعد فى الظل هتحس إنك فى مصيف... الشمس حامية من ١١ الصبح ل ٤ العصر، ده وقت مناسب للراحة أو زيارة مزرعة والغداء هناك.. قبل وبعد الوقت ده تقدر تعمل أى نشاط بسهولة
- زيارات لمواقع سيوة الأثرية والسياحية
- قضاء الوقت فى المنتجعات المنتشرة
- مغامرة رحلة السفارى فى بحر الرمال العظيم إللى مالهاش مثيل فى معظم صحارى العالم
- نزول بحيرات مناجم الملح وتجربة الطفو واستحالة الغرق
- مشاهدة الغروب البديع وألوانه المختلفة كل يوم من أماكن عديدة حول سيوة
- زيارة مزارع أورجانك وشرب الشاى والأعشاب مباشرةً من المزرعة، وأكل التمر والفواكه فى مواسمها
- نزول عيون الماء الكثيرة حول سيوة، منها الباردة ومنها الدافئة
- زيارة الكامبات الصحراوية وتجربة الأكل المستوى تحت الرمال والتفكر تحت النجوم على راكية النار
- مغامرة الرصد الفلكى بالتلسكوب ومعرفة معلومات عن تحديد الاتجاهات وأسماء النجوم والاستفادة العملية من علم الفلك.
- ركوب الدراجات والتجول حول سيوة كلها
- المبيت فى كامب فى الصحراء
غير إن أهالى سيوة أهل كرم وسخاء، لو إتعرفت على حد منهم مش هيسيبك غير لما تتغدى أو تتعشى معاه أو تقضى عصرية فى مزرعته، وده أهم من زيارة المواقع السياحية..
الصيف فى سيوة يعتبر كمان موسم السياحة العلاجية وحمامات الرمل، بس ده ملف تانى عايز منشور كامل لوحده..

26/06/2022