Ahmed Soliman

21/09/2026

الأم وهي بتذاكر لأولادها

السنة دي صعبة ياسلطان
لازم نذاكر من أول يوم يابوالسلاطين
مش عايزة صوتي يسمع المحافظات اللي جنبنا يامعلم سلطان😂

21/09/2026

الشيخ ابراهيم المدني مؤذن المسجد الحرام في ذمة الله

يعتبر الشيخ المدني واحد من المؤذنين الأساسيين في الحرم المكي ، واللي عددهم 24 مؤذن
بيتناوب منهم 6 كل يوم على رفع الأذان للصلوات الخمس
بجانب أذان الفجر الأول

الله يرحمه ويحسن إليه

21/09/2026

الراحة النفسية يعني بحيرات الملح
صباح الهدوووووووء من سيوة ❤️

#سيوة

20/09/2026

طب أيه

20/09/2026

لسه حالا شايف فيديو لمريم فخر الدين في لقاء مع صفاء أبوالسعود

في اللقاء صفاء أبوالسعود سألتها عن الصلاة وإزاي كأسرة مسيحيه وإن امها عايزه تنصرها لكنها بالرغم من ده اتجهت للاسلام والتزمت في الصلاة
مريم فخر الدين اتكلمت في حجات كتيرة جدا لكن لفت نظري لحاجه عملها الشيخ الشعراوي ، عرفتني قد ايه الراجل ده أقل ما يقال عنه أنه جهبز

مريم فخر الدين بتقول رغم إن الصلاة بقت في دماغها وعايزه تصلي
لكنها مش مقتنعة بحجات معينة زي ليه أغسل أيدي في الوضوء ٣ مرات
مانا لسه غسلاها بالصابون مثلا وحجات زي كده
المهم بتقول انها كلمت شادية وقالتلها عايزة أصلي ومعرفش إزاي
وبعد شوية وقت لقت الشيخ الشعراوي بيكملها بالتليفون وازيك يامريم عامله ايه وعايز يشجعها للصلاة ( تقريبا شادية اللي وصلت للمعلومة للشيخ الشعراوي )
المهم مريم بتقول انها قالت للشيخ الشعراوي أنا مش مقتنعه بموضوع اني أغسل ايدي ٣ مرات
ده ليه يعني وعشان ايه
رد قالها خلاص بلاش .. لما تيجي تصلي خد دش
مريم بتقول انها كل ما تيجي تصلي تاخد دش والموضوع تمام
لحد ما جه الشتا ولقت نفسها كل ما تيجي تصلي تاخد دش .. د٧ معناه ٥ مرات دش في اليوم وفي الشتا فصعب شوية
راحت مكلمة الشيخ الشعراوي وقالت له انا مش عارفه اعمل ايه في موضوع الدش ٥ مرات في اليوم ده
راح قالها ايه بقا .. خلاص بلاش اغسلي بس ٣ مرات
وقد كان
وفعلا بقت تتوضي وتغسل ايديها ٣ مرات وعلي قلبها زي العسل

انا لنا بصيت للي عمله الشيخ الشعراوي الله يرحمه
لقت انه عمل حاجه في قمة الذكاء
قد يكون في الوقت ده لقي أنه مينفعش يشرحلها بطريقة قال الله قال الرسول عشان كممثلة ومن أسرة مختلفة ممكن جدا متفهمش الكلام ده
أو ممكن حب يوصلها إن الموضوع بسيط بس أحيانا النفس الأمارة والشيطان بيوسوسوا بحجات تانيه

أيا كان اللي عمله الشيخ الشعراوي وقتها
ومؤكد شرحلها بعد كده أو وصل لها المعلومه
لكن طريقته اللي اتبعها لتيسير الشئ من وجهة نظر مريم فخر الدين وقتها .. هو براعة

الله يرحمهم جميعا ويتقبل منهم ❤️

20/09/2026

تقريبا أغلبنا شاف فيلم فتافيت السكر
بالذات جيلنا اللي بيحب الأفلام القديمه يعني

بس تعالي احكيلك حدوته عن الدور ده

عبد المنعم ابراهيم الله يرحمه كان رافض يعمل دور الست في فيلم "سكر هانم" عشان أولا هو دور ست وعشان محدش من المنتجين يحصره في النوعيه دي لو نجح، لكن مش كتير يعرف هو ليه في الاخر وافق على الدور ؟ خليني احكيلك

الحكاية دي حكاها الراحل كمال الشناوي، واللي كان اشتغل مع عبد المنعم قبلها بحوالي اربع سنين في فيلم "وداع في الفجر" واختاره بنفسه عشان يعمل دور صديق البطل في الفيلم ..

كمال كان معجب جدا بعبد المنعم وشايف انه كوميديان مش واخد حقه عشان كده لما عبد المنعم رفض يعمل دور "فتافيت السكر" والمنتج والمخرج بدأوا يفكروا في ممثل بديل، كمال الشناوي قالهم سيبوني اتكلم معاه الاول.

كمال راح لعبد المنعم قرر يستفزه بصراحته وسأله سؤال مباشر، قولي يا عبد المنعم، انت عملت ايه في السينما لحد دلوقتي ؟ بقالك كام سنة بتعمل افلام تقدر تقولي دور ليك الناس فاكراه ؟!

"للاسف انت مش بتعمل غير دور صاحب البطل اللي بياكل كتير وماعندكش غير الضحكة اللي بتضحكها وخلاص .. خلصت كل اللي عندك ومفيش جديد تقدمه .. عشان كده الدور ده دور عمرك لأنه مختلف وهو دور البطولة في الفيلم ودي فرصة مش حتيجيلك تاني ..

وفعلا قدر كمال يقنع عبد المنعم يعمل دور اللي كان مرجع لأي ممثل عمل دور ست بعد كده لدرجة ان كمال الشناوي نفسه اعترف وقال ان عبد المنعم بلغة التمثيل "أكلنا" كلنا على الشاشه ..

قولي في التعليقات ... مين افضل ممثل كوميدي شوفته بيعمل دور ست ؟

19/09/2026

تخيل
الشخص ده أكل البطة بتاعته في مره فلفل حار ومن بعدها مش بتثق فيه أبدا
لدرجة أنه لما يحطلها اكل لازم يدوق الأكل قدامها الأول ويثبتلها ان الأكل تمام .. علشان توافق تاكل
وانت لسه دغف بتثق بعد المرة المليون من انك تتخدعي وتقول اكيد المرة دي هتكون مختلفة

يعني البطة بتفهم عنك 😒

19/09/2026

ثُمَّ قُضِيَت حَاجتُهُم بكَثرةِ الصَّلاةِ علَى النَّبيِّ ﷺ

18/09/2026

18/09/2026

شغل ومدارس ايه اللي ننزلهم الأسبوع الجاي ؟
النهاردة 172 يوم علي عيد الفطر المبارك أعادة الله علينا وعليكم بالخير واليمن والبركات