Ahmed Soliman

19/08/2026

صباح الخير من واحة الخير
صباح الخير من سيوة ❤️

#سيوة

18/08/2026

بمناسبة الحج وزيارة بيت الله الحرام
وتيسيرا للحجاج

لما تيجي ستوديو سيوة عشان الصور هتلاقي كمان كل الورق المطلوب متوفر لك .. زي الدوسيه واستمارة التقديم وتصوير المستندات
وأي حاجة هتحتاجها هتلاقيها بإذن الله

وممكن كمان تبعت صور عن طريق الواتس آب وتيجي الاستوديو فقط للاستلام

كل ده ليه
عشان نوفر عليك الوقت والمشاوير

منتظرينكم في ستوديو سيوة .. وكل عام وأنتم بخير ❤️

18/08/2026

عليه كام حسنة ياجماعة ؟

16/08/2026

من أكثر الشباب أخلاقا وأطيبهم قلبا
الله يرحمك ويحسن إليك ياعيسي وبإذن المولي شهيد
في الجنه ونعيمها يآرب

16/08/2026

دانت خيخة ااااااوي 😒

14/08/2026

وانت في سيوة مواصلاتك عندنا .. وكمان باختيارك

عندنا في siwa booking بنوفر لك السيارة والتروسيكل والموتسيكل
شوف مشوارك فين ويريحك أيه وكلمنا هتلاقينا عندك وبأسعار مختلفة

للتواصل/ 01027467407


#سيوة

14/08/2026

متنساش يوم الجمعة تصلي علي النبي ﷺ

13/08/2026

كلنا اتخعدنا واتضحك علينا بالفيديو ده بتاع عمو عمو حضرتك حرامي

لأن الفيديو رغم واقعيته الشديدة إلا إنه مش حقيقي ومولد تماماً بالذكاء الاصطناعي

ايوة زي ما قريت الفيديو ده معمول بالذكاء الاصطناعي، وواضح إن نماذج توليد الفيديو الجديدة وصلت لمرحلة بقيت قادرة تنتج مشاهد واقعية بشكل يخليك تشك للحظات إنك بتتفرج على تصوير حقيقي.

ومن النماذج اللي بدأت تظهر بقوة نموذج جديد اسمه Flux3 هو اللي عمل الفيديو ده واللي انتشرت بسببه الفترة الأخيرة كمية ضخمة من الفيديوهات المولدة بالذكاء الاصطناعي.. اللي زي ده كدة

لكن لسه فيه نقطة بتفضح بعض الفيديوهات، وهي النطق باللغة العربية والعامية المصرية زي نماذج كتير موجودة حاليًا، النموذج ممكن ينجح في شكل الشخص وحركة الشفايف وتفاصيل المشهد، لكن لما يبدأ يتكلم بالعربي تظهر أخطاء واضحة في نطق بعض الكلمات، زي كلمة «حاجّة» في الفيديو ده.

المشكلة إنك لو شلت الكلام تمامًا من المشهد، أو استخدمت فيديو مع موسيقى ومؤثرات صوتية من غير حوار، اكتشاف التزييف هيبقى أصعب بكتير، وممكن فعلًا معظم الناس ما تقدرش تفرق بسهولة بين الفيديو الحقيقي والفيديو المولّد بالذكاء الاصطناعي.

وده الجزء اللي يخوف فعلًا.

لأن التطور هنا مش بس معناه إننا هنشوف أفلام وإعلانات ومحتوى بصري بجودة أعلى وأقل تكلفة، لكن في نفس الوقت معناه إن صناعة المحتوى المزيف والمضلل هتبقى أسهل وأسرع وأرخص من أي وقت فات.

ومع استمرار تطور النماذج في حركة الوش، وتزامن الشفايف مع الصوت، وتقليد الأصوات، وإنتاج المشاهد الواقعية، إحنا رايحين لمرحلة ممكن فيها الفيديو نفسه مايبقاش دليل كافي على إن الحدث حصل فعلًا.

يعني ببساطة... قريب جدًا ممكن تشوف فيديو لشخص بيتكلم، أو حدث بيحصل قدامك، وكل التفاصيل شكلها حقيقي تمامًا، لكن الحقيقة إن المشهد كله اتولد على جهاز كمبيوتر في ثواني.

والأخطر إن المشكلة مش في التكنولوجيا نفسها، لكن في استخدامها وقت ما الناس تبدأ تصدق أي فيديو لمجرد إنها شافته بعينيها.

هات الفيديو واتفرج عليه وركز علي كلمة حاجة
وركز كمان علي سقف العربية لما نزل من البلكونة

13/08/2026

12/08/2026

كتير جدا ومن باب انتظارنا للفرج بنكون شايفين إن الفرج هو تغيير الظروف اللي حوالينا
فنكتر من الدعاء وننتظر أن يفتح الله لنا بابا جديدا

طب ياتري هو ده الفرج ولا ربنا بيغيرنا احنا الاول ونبقا نسخة تانيه احسن من دلوقتي عشان نستقبل الفرج اللي منتظرين

مفكرتش قبل كده إن دي ممكن تكون مرحلة تهذيب لقلبك عشان تزيد من صبرك .. وتغير نظرتك للحياه
أحيانا أول استجابة لدعائك مش بتكون عشان تغير الحياه من حولك .. إنما عشان تغير اللي جواك

خليك واثق إن ربنا مش بس بيغير الطريق .. إنما كمان بيهيئك عشان تمشي فيه

كمل في دعائك وإياك تيأس .. وثق إن ربنا قادر