SkillCamps

SkillCamps We are here to make you breathe. We create camps, giving you the opportunity for relief in travelling and connecting with people. Join us. Learn smart. Work free.

At SkillCamps, we empower university students to turn their free time into freelance income. Our unique travel-based learning camps combine adventure, critical thinking, and hands-on skill development to prepare students for real-world freelance work. Each camp begins with creative thinking workshops, followed by practical training in high-demand freelance skills—from digital marketing and design

to programming and writing. We believe learning should be mobile, inspiring, and life-changing. Move forward

رحلوفوبيا :دي كلمة معناها الخوف من انك متكونش حاجز اي رحلة قريب
16/01/2022

رحلوفوبيا :
دي كلمة معناها الخوف من انك متكونش حاجز اي رحلة قريب

30/12/2021

المتنبي الجامد قال:

عيدٌ بِأَيَّةِ حالٍ عُدتَ يا عيدُ
بِما مَضى أَم بِأَمرٍ فيكَ تَجديدُ

كلمة عيد في معجم "الغني" معناها الاحتفال بحدث ديني أو تاريخي، و غالبا بيبقي الاتنين مع بعض حدث ديني له أصل تاريخي. بالإضافة إن في برضو عيد اجتماعي.

و مش اصل تاريخي بس ده بجانب التوقيت نفسه و الحدث الاصلي، بيبقي في معني مقدس، في معظم الأعياد بيبقي في تركيز علي معني ما قومي أو ديني.

الأعياد من المظاهر الحضارية المبهجة الي بتبين ثقافة و هوية الشعوب، من خلالها ممكن تندمج و تتناغم مع سكان المكان الي انت فيه.

كلمة عيد جاية من العودة والإعادة و دي صفة التاريخ، لذلك العيد بيحصل فيه تذكير بشئ ما، فكرة ما عظيمة، فمن المعروف إن غرض الأعياد هو احياء ذكري، زي ميلاد المسيح مثلا أو ذكري تضحية النبي ابراهيم بذبيحة بدلا من ابنه النبي اسماعيل.

هل بقي كل حاجة موجودة في الحياه تستحق الاحتفال يعني مثلا هل العمال وجب وجود يوم الاحتفال بيهم ؟ مش تقليل منهم بس اشمعني، ليه مفيش عيد لرجال الأعمال مثلا، طيب عيد الام هل الأم كدا اتعشت بالنسبة لها يعني لما تعملها يوم في السنة زي العمال.

الانسان التايلاندي بيحتفل مثلا بالجاموس، عندهم عيد اسمه بافلو ريسينج فيستيفال، بيدربوا الجاموس و يتسابقوا بيها، ودي بدأها الفلاحين عندهم تقديرا لجهود الجاموس معاهم في الزراعة.

معنديش مشكلة مع تقدير الاشياء الثمينة او الحيوانات السمينة بس احنا اندمجنا اوي في تقدير الاشياء بهذه الطريقة، كفاية يا عم بخ.

في اللغة الإنجليزية كلمة صوم "Fasting" والمقصود بيها التطهير "purification" عكسها كلمة عيد "Feast" الاحتفال، التعاكس هنا في مظاهر الحدثين التطهير فيه صبر و مقاومة و الاحتفال فيه إجازة و فرحة.

هل بقي الفرحة دي بتحصل ولا زي ما المتنبي قال بتفكرنا بشوق و ذكريات ناسف لعدم رجوعها ؟

الحقيقة في نوع من الاكتئاب خاص بالاعياد اسمه كآبة ما بعد العيد بيجي ساعات في العيد نفسه عشان حضرتك متوقع ديما إنه هيبقي احسن عيد، فالواقعي إن العيد مش شرط كل سنة يبقي سعيد، فبنغرق بقي من الصدمة و ناسف علي ما مضي من طفولة خالية من الالتزامات و مليئة بالهدايا الساذجة.

و الحقيقة برضو إن احنا بنتشعبط في حدث حلو عشان يتكرر في نفس الوقت السنة الي جاية مع إن في أيام في السنة بتبقي احلي كتير من ايام العيد. بنحزن علي العيد الاساسي و نعمل الايام الحلوة عيد لوحدها.

الحقيقة العيد الحقيقي هو العيد المفاجئ، اليوم الي بيعدي بسلاسة و يحصل فيه انتصارات صغيرة أو كبيرة، مش شرط نسجل وقته المهم نسجل قيمته.

اقلك علي حاجة فكك من الهري ده كله عيد يعني اكل.

https://www.ucg.org
https://www.britannica.com

في ظاهرة غريبة بتحصل كل سنة في نهر ميكونج في تايلاند وهي خروج كرات مضيئة من النهر في ليلة ما معروفة، و تفضل ترتفع لغاية...
28/12/2021

في ظاهرة غريبة بتحصل كل سنة في نهر ميكونج في تايلاند وهي خروج كرات مضيئة من النهر في ليلة ما معروفة، و تفضل ترتفع لغاية ما تختفي.

في تفسيرات علمية كتير -بس مفيش حاجة أكيدة- زي إنها كرات غاز الميثان بتطلع من انفجار ما تحت المياه.

بس طبعا كعادة صديقنا الإنسان إنه لازم يتخيل قصة جميلة حوالين الموضوع عشان تكتمل الإثارة.

الانسان التايلندي بيعمل احتفال بيشهده مئات الآلاف من السياح كل عام علي جانب نهر ميكونج بيتفرج فيه علي هذه الكرات الغريبة. بيعتبرها تنفس كائن الناجا الي عايش تحت الماء الي بيصحي كل سنة في الوقت ده في نهاية الصوم البوذي الطويل و يخرج كرات النار مشاركة وجدانية منه بعد الصيام كعيد زي العيد الصغير عندنا !!

الناجا عند البوذيين والهندوس هي كائن شبه الثعبان او نص بني آدم نص ثعبان واللي بيقدر ياخد أشكال مختلفة، وبيعتبر بالنسبالهم الاله الغني للعالم السفلي، لانه حارس لمملكة تحت الماء تسمي بال "ناجا لوكا" وهي كنز جميل ملئ الأحجار الكريمة.

تايلاند بلد جميل فيها حاجات تظهر حاجات تختفي.

كل ده مش مهم، المهم نعرف نروحها يوما ما.

المصدر :
https://www.taylorfrancis.com

27/12/2021

ممكن تسافر لوحدك، و ممكن تسافر مع واحد بس من اصحابك، ممكن تسافر عشان متبقاش لوحدك، ممكن تسافر عشان تفصل، ممكن. ممكن تقعد في البيت عادي، لو سافرت بعيد السكة لازم تحلي، اذكر سبع فوائد للسفر قبل ما تسافر، متقولش فيهم المتعة، المتعة قبل السفر، و ممكن بعده، وانت هناك صلي علي قلبك يحبه، افتح كتاب المكان و اقرا كل سطر فيه، هترجع بناس كتير يكملوا حكايتك، كل مرة ناس جديدة، حوش للسفر و هو هيحوشلك، كل مرة بألف مرة.

26/12/2021

في حاجة اسمها "Culture shock" دي صدمة أو احساس بالاختلاف بتحصل لما بتروح مكان جديد مختلف عن بلدك المخ بيفرز فيه هرمون الضغط لانك بتشوف حاجات مش متعود عليها سواء لبس الناس أو عاداتهم و كمان بتاكل اكل مش متعود عليه، فحاول تتغلب عليه لأن لو مبتحبش كدا هتكسل تسافر.

السفر غالي مش اي حد يقدر يسافر سفرية حلوة، بس الفلوس الي بتتصرف عالسفر بتخليك أكثر سعادة من الفلوس الي بتتصرف علي شراء الحاجات اللي بتحبها.

إجراءات السفر متعبة و اليوم الي هتسافر فيه متعب لو السكة طويلة، فساعات لازم تحضر حاجة تسليك و تسافر مع ناس رغاية و فيها شباب وصحة.

لو انت بتروح جيم و بتعمل دايت و مهتم بصحتك غالبا كل ده هيبوظ لو سافرت اكتر من يوم وهتاخد وقت في التعافي من تعب السفر و قله نوم السفر عشان ترجع ليومك الطبيعي فلازم تاخد يوم إجازة بعد السفر.

علي العكس بقي لو جسمك تقيل و بتتعب بسرعة السفر هيجدد طاقتك و هيبقي في دافع قوي لجسمك انه يتحرك بس لازم تستغله لما ترجع و تكمل شغل و رياضة بنفس الروح.

19/12/2021

الدهبي سافر الاقصر و لقي كل حاجة هو عايزها، شاف في قطر الصعيد ناس جميلة بتمدح النبي، و راح هناك لقي إحساس السفر بجد، حاجة غريبة اوي لما يبقي يقدر يلف العالم و هو في مكانه و لما يتحرك من مكانه يرجع بالزمن اربعة آلاف سنة، لقي هناك شوية ناس من كل العالم الي بيشوفه في الميتافيرس كلهم جايين بلده عشان يزوروا التاريخ، جايين يزوروا العالم قبل الميلاد بألفين سنة
هناك جدران المعابد بتحكي مليون حكاية بتقول رواية ناسها اللي بنوها و قصة الي حافظوا عليها و اجداد الي جايين يزوروها تركيبة تغير مودك وتفكيرك، تلهمك تبدع زيهم.
عرف من أهلها حكايتها عرف ان اسمها كان اسم نص مصر كان اسم الصعيد في مصر القديمة، اهم معبدين فيها هما معبد الاقصر و معبد الكرنك و الاتنين مبنيين للإله آمون ملك الآلهة بالنسبة للقدماء ، الاسم الجديد ليها وهو الاقصر معناه الحصون أو القصور والقديم كان نوي ومعناه مدينة آمون.

اسم الاقصر ليه تحويرة غريبة جدا في كلمة لاتينية اسمها Castrum و معناها المعسكر المحصن يقال إن ده اصلها، و كان ليها اسم ب...
18/12/2021

اسم الاقصر ليه تحويرة غريبة جدا
في كلمة لاتينية اسمها Castrum و معناها المعسكر المحصن يقال إن ده اصلها، و كان ليها اسم بالقبطي و معناه الثلاث قلاع لما اتسمعت كلمة Castrum و كلمة "Three castles" مترجمة للعربية الي الثلاث قصور فبقي اسمها الاقصر جمع قصر.

18/12/2021

قطر الصعيد وحلاوة قطر الصعيد
بنمدح نبينا في سكة الاقصر المدينة

الليرة نزلت متيلا تركيا
17/12/2021

الليرة نزلت متيلا تركيا

17/12/2021

Add Treasures to your soul.
Open museum Luxor Ceremony.

17/12/2021

---انجز يا دهبي عايز تروح فين
- يا حركة انت مجرجرني لغاية هنا و انا زهقت من ام الجهاز ده بيوديني أماكن بتعورني
---يا دهبي انا عارف انك بتحب تيجي هنا وانت متضايق وبعدين بطل عمق الله لا يسيئك، يعني ايه بتعورك ؟
-يعني حلوة لدرجة تخوف، حلوة لدرجة إنك تجزع، تشوفها مرة و متحبش تشوفها تاني
---ما علينا، اوديك حته في مصر علي قدك ؟
-فكرة حلوة وديني الساحل
---لا الساحل هيعورك يا اخويا، هوديك الاقصر
-مبحبش التماثيل، و لا اقلك وديني الأقصر ماشي
راح الدهبي الاقصر و قعد تلات ايام يجي بليل الكامب، و يشغل الجهاز و يطير لغاية الاقصر الحبيبة، عجبته، و فكر يروحها بجد يدور علي حتة اثار صغيرة كدا، بيحب هو يشتري دماغه و يلاقي كنوز يعيش بيها، المهم فعلا قرر يحوش عشان تبقي أول رحلة حقيقية ليه.

احتفالات عيد المخلص أو (REDEEMER Festival) في فينسيا هي واحدة من أروع الاحتفالات حول العالم، تركيبة فريدة من التاريخ و ا...
15/12/2021

احتفالات عيد المخلص أو (REDEEMER Festival) في فينسيا هي واحدة من أروع الاحتفالات حول العالم، تركيبة فريدة من التاريخ و الفلكلور، حفلات حصرية بالقوارب خلال المباني الساحرة حيث تستمر الرقصات والاحتفالات من كل نوع حتى الفجر، و تتوقف فقط الساعة 11.30 مساءاً لمشاهدة الألعاب النارية الرائعة، و هو عرض 40 دقيقة من الضوء الخالص الذي يسحر العالم بأسره. يضيء مهرجان ريدنتور المدينة بأكملها بسلاسل من الأضواء الملونة و لعب الظلال والانعكاسات على الماء و واجهات المباني والآثار المشهورة.

15/12/2021

(PAUSE OF REFLECTED MAGIC)
استراحة من السحر

ترحيب منا ولنا لكل الي بيحب يسافر عشان يذوق الجمال في حرم الجمال، لكل الي بيحب يسافر عشان يتعلم، كل حكاية هتشوفها بعينك ...
13/12/2021

ترحيب منا ولنا لكل الي بيحب يسافر عشان يذوق الجمال في حرم الجمال، لكل الي بيحب يسافر عشان يتعلم، كل حكاية هتشوفها بعينك هتعلم معاك، عشان كدا جبنالك السفر في حكاية.
تابعنا عشان تعرف حكاية الدهبي.

13/12/2021

فن المدينة العائمة (Venice)

13/12/2021

الدهبي راح فينسيا في ثانية الا ثانية، بعد مشاوير و قلق على ما عرف يشغل الجهاز، منبهرش، الدهبي مبينبهرش الا لو حاجة حقيقية، المهم و صل بزرار و اتحرك في المكان بزرار تاني و عرف أنه كدا الموضوع حقيقي وانه ممكن يشوف البعيد و يعيش جواه، هو متاكد انه في كامب مهجور عالبحر و في نفس الوقت متاكد انه في مكان تاني خالص اول مرة يشوفه، و عارف أنه في بحيرة في البلد دي اسمها البلو لاجون بس دي الحقيقية زي ما حكاله عم هاني زمان، شاف هناك البلد كلها قنوات و البيوت بتميل عليها زي الشجر، القنوات مليانة قوارب و زوارق، الزوارق طويلة جدا كأنها عيدان كبريت عملاقة عايمة علي وش المياه، تخيل يا بيه انك عشان تتنقل في البلد لازم تركب عود كبريت حاجة في منتهي الهزار، فجأة اتخنق فصل الجهاز وقام، دار في عقله حوار محبط عن سوء التوقع، مش دي فنيسيا الي اسمها بيرن، ولا دي البلولاجون الي كانت في دماغه هي حلوة اه بس ريحتها وحشة، كان يقصد بريحتها مجاز لكنه عرف لاحقا أنه حقيقة، القنوات معظمها مصارف، وهنا قلبه ضاع للمرة الثانية.

13/12/2021

ألقط الحلو في حكايتها

Address

Tanta

Website

Alerts

Be the first to know and let us send you an email when SkillCamps posts news and promotions. Your email address will not be used for any other purpose, and you can unsubscribe at any time.

Shortcuts

Share

Category