Sólorka

Name: Sólorka
Address: Camino Viejo de Altea 29, Albir, 03581, ES
Telephone: +298 221090

Llamar Cómo llegar Página web Contactar con la empresa

Sólorka er Tín Vertur úti í Verðini. Vit hava heimstað i Havn, men høvuðsvirksemið er uttanlands, serliga í Spania.

Vit veita tryggleika, stuttleika og upplivingar til tín, sum (a) ynskir persónliga trygd; (b) professionella trygd og/ella (c) serligt innihald og upplivingar úti í heimi. Føroyska grannalagið í sólini er í sponsku Altea-víkini, sum sambært WHO hevur heilsubesta mikro-veðurlagið í heiminum. Her kunnu føroyingar leita sær heilsubót, íðka ítrótt ella annað uttanduraítriv ella bara taka sær av løttum. Vit hava okkara egna flogsamband millum Vágar og Alicante. Vit leggja okkum eftir at taka móti øllum føroyingar - eisini bólkum við serligum tørvi vegna elli, sjúku, brek ella aðrar avbjóðingar.

12/10/2026

Sólorka by night 😎

12/10/2026

So var hon aftur her - slangan 😎

12/10/2026

Deiligt, tá Føroya blómandi ungdómur hugnar sær 😎

29/09/2026

VIT TAKKA ÍTRÓTTAHÁSKÚLANUM
FYRI ENN EINA VITJAN 😊
Millum okkara góðu samstarvsfelagar finna vit Ítróttaháskúlan í Vági. Burtur úr púra ongum øðrum enn eini visjón og góðum hugskotum - og mestur eisini “against all odds” - hava dugnaligar, miðvísar og raskar eldsálir bygt og ment hendan skúlan til eitt spennandi, framkomið og vælumtókt tilboð, sum ikki bara vágbingar, men allir føroyingar kunnu vera ernir av. Á hvørjum heysti koma næmingar og lærarar úr skúlanum at vitja okkum, og hetta er ein siðvenja, sum vit eru sera fegin um. Vit takka tykkum 54 hugagóðu og fryntligu næmingum og lærarum fyri enn eina vitjan. Vit ynskja tykkum eisini góða ferð heim og framhaldandi blíðan byr á tykkara spennandi leið! 😊

29/09/2026

VIT TAKKA HEIMSINS BESTU NÆMINGUM OG
LÆRARUM FYRI ENN EINA NÁMSVITJAN 😊

Nú senda vit aftur meira enn eitt fult flogfar av fittum og hugagóðum skúlanæmingum og lærarum heimaftur til Føroya eftir námsvitjan her. Hesaferð siga vit farvæl við fleiri enn 190 næmingar úr Sørvági, Fuglafirði, Vestmanna og við Streymin umframt øll tey, sum ganga á heystskeiðinum hjá Ítróttaháskúlanum í Vági. Øll hava verið røsk at taka lut í bæði mentanarligum, kropsligum og sosialum avbjóðingum – og vit hava enn einaferð fingið váttað, at vit eiga hemsins besta ungdóm.

Vit hava sjálvandi prátað um ta serliga dramatisku sponsku søguna og mentanina – frá fornari tíð og fram til í dag. Vit hava vitjað viðkomandi støð - m.a. vøkru fjallabygdina Guadalest og søguliga skansan og inkvisitoriska tortursavnið har. Vit hava vitjað 7000 ára gamla havnarbýin Alicante við sínum bumbuskýlum frá borgarakrígnum, tarvaringinum, stóra matvørumarknaðinum og øðrum spennandi støðum.

Vit hava róð kajakk og paddleborð, og vit hava svomið undir teimum vøkru fossunum. Nakrir elitusvimjarar úr Ítróttaháskúlanum hava enntá eisini svomið í nýggja 50 metra olympiska svimjihyli okkara. Vit hava sum vant havt toymismenning, nógvan dans, postarenning og onnur tiltøk og kappingar undir kønari leiðslu av okkara egna ungdómstoymi. Viðhvørt hava skúlanæmingarnir sjálvir framført, og tað er altíð stuttligt. Stundir hava eisini verið til eitt sonevnt ’pool-party’, og alt endaði sjálvandi við gallaveitsluni.

Øllum tykkum omanfyri 190 næmingum og lærarum takka vit hjartaliga fyri vitjanina og ynskja tykkum eina góða ferð heim! 😊

11/08/2026

HUG AT TAKA BRODDIN AV VETRINUM?
NÚ FYLLIST TIL OKKARA GRAN CANARIA 😎

Kundi tú hugsað tær at tikið broddin av vetrinum við at vitja okkum á Gran Canaria í januar og/ella februar, skalt tú mestur ikki bíða ov leingi við at boða frá, tí nú tekur at fyllast á listum okkara. Tað ber til at vitja okkum í 15 dagar frá antin 26. januar ella 2. februar - ella í 8 dagar við fráferð 2. februar. Men onkur fráferð er um at vera púra fullteknað.

Vit gleða okkum til at hugna okkum saman við tær til fjals og í fjøru – fyri ikki at tosa um í oyðimørkini ella niðri á havsins botni. Tað er altíð ein fragd at njóta fiskin, plantasjukaffið, vínið, rommið, Kolumbus, sólina, tað góða selskapið og alt hitt saman við tær.

Tað ber til at boða frá áhuga umvegis messenger ella [email protected]. Nágreiniligari upplýsingar um prísir, gisting o.a. finnur tú her: www.solorka.fo/grancanaria27

02/07/2026

NÚ TEKUR AT FYLLAST TIL
GRAN CANARIA Í 2027 😎

Nú ljósa føroyska summarið stendur fyri durum, man tað vera so sum so við útferðarlongslinum hjá teimum flestu. Og tað er, sum tað skal vera. Men so er hetta við vetrinum. Kundi tú hugsað tær at vitjað okkum á Gran Canaria í januar og/ella februar, skalt tú mestur ikki bíða ov leingi við at boða frá, tí nú tekur at fyllast á listum okkara.

Tað ber til at vitja okkum í 15 dagar frá antin 26. januar ella 2. februar - ella í 8 dagar við fráferð 2. februar. Vit gleða okkum til at hugna okkum saman við tær til fjals og í fjøru – fyri ikki at tosa um í oyðimørkini ella niðri á havsins botni. Tað er altíð ein fragd at njóta fiskin, plantasjukaffið, vínið, rommið, Kolumbus, sólina, tað góða selskapið og alt hitt saman við tær. (Her er eitt lítið myndasavn).

Tað ber til at boða frá áhuga umvegis messenger ella [email protected]. Nágreiniligari upplýsingar um prísir, gisting o.a. finnur tú her: www.solorka.fo/grancanaria27

16/06/2026

FLÚGVA FAGRIR FUGLAR
- FRÆNDUR Í SÓLORKU 😊

Í ár eru 40 ár síðani, at plátan ‘Frændur 2’ kom út – plátan, sum av álvara slóð navnið á kenda og framúr vælumtóka bólkinum úr Klaksvík fast í føroyskar tónleikasøgu. Og seinni í ár fara Frændur sum vera man at hava stórar 40 ára fagnaðarkonsertir í Varpinum í Klaksvík. Premieran verður tó sjálvandi í Sólorku, tí fagnaðurin byrjar longu undir Heystsetu okkara frá 30. september til 13. oktober. Tá fáa vit vitjan av Frændum, sum - umframt at vera við í prátum um bæði tónleikalívið og mangt annað - fara at spæla bæði á Vaglinum og til dans í Klubbanum

Vit fara sjálvandi eisini at skifta orð við Steintór um hansara óteljandi nýskapandi initiativ til stóran frama og gleði fyri børn eins væl og ung og vaksin. Vit fara at fregnast hjá Rana um alt virksemi hansara, tað mesta úti í føroysku náttúruni, og vit fara at tosa við Eyðun um, hvussu tað er at liva av at vera tónleikari í Føroyum og um ungar tónleikaspírar í kjalarvørrinum av sendirøðini “Hoydalar”. Og so fara vit mestur eisini at fregnast um, hvussu tað ber til, at teir allir hava so stóran alsk og eru so knáir í talvi.

Frændur hava líka síðani byrjan verið nakað heilt serligt í føroyskari tónleikasøgu. Hópurin av sangum teirra eru eisini fólkaogn og savna bæði ung og gomul – so munnu vit ikki eisini fara at syngja nógvar teirra í felag?

Frændur verða annað av høvuðsevnum okkara í heyst. Hitt er evnið ‘Eingin er ov gamal til framtíðina’ við Duritu Holm og Jóhannusi á Rógvu Joensen. Harafturat hava vit so undirhúsið, allar útferðirnar og tónleikin frá m.o. ‘After Hours’ (við Ólavi Øster, Jógvani Olsen og Fimmboða Lisberg) umframt lokalu bólkum okkara. Sí meira her: www.solorka.fo/heystsetan

03/06/2026

PÁSKAFERIAN 2027 🍊 NÚ VERDUR TAĐ!!!
KAPPING OG VENJING İ YMSARI ÍTRÓTT 🍊

Í páskaferiuni frá 23. til 30. mars 2027 bjóða vit føroyskum ungdómsliðum innan allar møguligar ítróttagreinir til eina viku við venjingum, felagskapi og hugna. Fótbóltslið og flogbóltslið kunnu eisini vera við i spennandi kappingunum JugonesCup og MediterraneanVolleyCup, har tey sleppa at royna seg ímóti liðum úr ymsum londum.

Eru tit eitt lið, ið hevur hug til eina ógloymandi vitjan, kunnu tit lesa meira her: www.solorka.fo/páskir27 ella skriva til: [email protected]

31/05/2026

ENN EIN DEILIG VITJAN AV VEN 😊
Aftur í vár hevur venjingarmiðstøðin Ven í Miðvági vitjað okkum við einum stórum bólki av virknum og deiligum fólkum. 32 luttakandi í aldrinum 30-70 ár hava verið við í dagligu venjingunum hjá Maluni og Mariu og í yogatímunum hjá Bjørk. Umframt at verða virkin í venjingum, gongu- og rennutúrum, hava tey tíbetur eisini havt pláss og tíð til vælveru í “spa”-øki okkara, sunrise yoga, góðan mat, linedans afturvið Kristinu Bærendsen & Co. og annan hugna undir sponsku sólini. Tað hevur verið deiligt at hava tykkum her, og vit takka tykkum hjartaliga fyri vitjanina! 😊

Dirección

Camino Viejo De Altea 29
Albir
03581

Teléfono

+298 221090

Página web

http://solorka.fo/

Notificaciones

Sea el primero en enterarse: le enviaremos un correo electrónico cuando Sólorka publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.