02/09/2026
🎞️ Volve o ciclo Petís Dúplex!!! Este domingo, 6 de setembro, pase de "Pezqueñín, el pequeño aventurero", ás 12.00h, con entrada de balde. Especialmente recomendada para nenos e nenas de máis de 3 anos.
Os cines Dúplex, co apoio do Concello de Ferrol, propoñen unha gran variedade de títulos que nos levaran ao redor do mundo, desde a cidade de Alepo até a illa de Guadalupe. A programación conxuga imaxes realizadas con moi diversas técnicas e estéticas, poñendo o foco na diversidade e as diferentes sensibilidades que achegan cada un dos autores e autoras. Así atopamos filmes que xa pasaron polas nosas salas con moito éxito, combinados con novas fitas de produción recente e retomamos o costume de fechar o ciclo cun clásico de Disney. Cada un dos filmes teñen dous pases, agás o de clausura.
