26/07/2026
Tours Culturais!
Onte visitounos unha grupeta estupenda chegadas dende terras do Porto, lideradas polo Luis que contactou con nós para vir conhecer a historia do Couto Mixto e descubrir a etnografía e curiosidades desta zona da Reserva.
Foi un día ben completo, abofé que sí.
Adicamos a Manhá a descubrir as tres aldeas que integraron o Couto Mixto, cun paseo interpretativo por Meaus e a parada obrigatoria e sempre recomendada para visitalo Centro de Interpretación do Descubre Calvos de Randín en Santiago dos mixtos, con Ricardo como guía do lugar, que nos amosou tamén a arca das tres chaves e contounos algunhas curiosidades. Sempre é un pracer escoitalo e que nos acompañe nas visitas.
Despois fumos comer a Pitoes das Júnias onde tamén amosamos parte da historia que xira ao seu arredor: o castelo e a antiga aldea do Juriz, a capela, o desenrolo do pobo, actualidade, falamos dos foxos do lobo, da climatoloxía, do parque nacional e natural.... E como non, visitamos tamén as ruinas do antigo mosteiro de Sta María das Júnias; un lugar que non deixa indiferente a ninguén.
Rematamos a xornada regresando a Tourem e conhecendo o forno do pobo, onde puidemos falar sobre os seus usos e que nos contasen tamén sobre os fornos que había nas súas aldeas
Unha xornada moi enriquecedora, con xente que aporta datos á historia e coa que aprendimos moito. No noso traballo non solo é que falemos e contemos nós, tamén é importante escoitar e adquirir conhecementos compartidos con xente que está desexosa de escoitar e contar ao mesmo tempo.
Moitas grazas Luis e familia, agradecemos a vosa confianza. Para nós simboliza a aposta por guías locais e os pequenos emprendementos como xeito de visitar e coidar un territorio en desenrolo e sumar así para un turismo sostible e respectuoso co lugar.
En Lirios e Ecoturismo Xurés traballamos con grupos privados en turismo cultural e de natureza.
Se tes ganas de visitalo territorio non dubides en contactar con nós e diseñarémoste un plan a medida.
Xeodestino Terra Celanova Serra Xurés Turismo Provincia Ourense
