14/07/2025
✔️Non o perdades📆Vémonos ás 17:00 h. na Igrexa da Parroquia de Meira
DOUS ANOS DE TRANSFORMACIÓN DA PAISAXE LINGÜÍSTICA
Cúmprense dous anos desde que en xullo de 2023 abrise as portas en Meira a exposición que leva por título "Os adeuses eternos" e que recolle unha curiosa antoloxía de fotografías de epitafios dos cemiterios da localidade.
Desde o mesmo momento en que se mostraba socialmente o traballo de documentación realizado en diferentes parroquias de Meira, Riotorto e a Ribeira de Piquín, o panorama lingüístico non parou de transformarse. Un dos exemplos é o da funeraria Lourido, que pasou de usar o idioma galego en menos do 10% das necrolóxicas a dar a volta ás porcentaxes: en 2025 sitúanse no 90%. Nótase nos puntos habituais de información e tamén nas propias seccións de necrolóxicas da prensa escrita.
Toda esta evolución darase a coñecer publicamente este próximo martes, 15 de xullo, na igrexa conventual de Santa María de Meira con motivo da inaguración dunha actualización da exposición con novas fotografías de inscricións colocadas entre 2023 e 2025. Despois do acto previsto para as 5 da tarde realizarase un paseo guiado polo patrimonio do casco urbano meirego, que inclúe a visita ao cemiterio de San Roque.
Esta iniciativa, resultado da colaboración da Oficina de Turismo de Meira co consello parroquial e coa intervención Palabra e Memoria, foi presentada en outubro do ano pasado nun encontro organizado polo Consello da Cultura Galega. Desde ese momento, toda a información está recollida polo xornalista David Canto Veiga na Cartografía dos cemiterios galegos, que ofrece información de 221 concellos e de case 80.000 familias.
Neste sentido, durante o acto de inauguración da exposición daranse a coñecer publicamente as porcentaxes de uso das linguas neste sector, con destaque para unha parroquia da Terra Chá que lidera o uso do noso idioma (40%).
