Milhistorias

19/04/2026

Viaxar con colegas que aman o que fan...e con persoas que gozan cada lugar que descubren connosco, é un privilexio

Camiñar, falar, xantar...no norte de Portugal é... sempre unha sorpresa, chea de historias, de espazos fermosos, pratos en forma de sarténs, de novos sabores que non deixan oco libre na mesa...nin no bandullo

E case todo arredor do río Támega, das augas termais, das antiquísimas minas de ouro e dos apeadeiros que trocaron en camiño

Rocío de ; Fernando de ; Miguel de fan posible esta miragre necesaria da comunicación entre os dous lados da raia...por moitas veces!!

12/04/2026

O lume non é unha moda...foi ferramenta de civilización e hoxe protagoniza tradicións que tentamos preservar: o lume da luz ós cacharreiros e entroideiros pola noite, unhas cantas veces ó ano...
Onde hoxe temos leds e farolas, recuperamos o antiquísimo lume para velas rúas e as caras de compañeiras e compañeiros de troula

Luz e calor dos fachos más rúas de Nodaiga, para celebrar vellos traballos que levaban calor ás nosas casas
Os cacharros da sopa quente, dos pés quentes, do mel e o viño, da auga...ese é o lume que mantivo a vida

23/03/2026

E así foi sip...con varias sorpresas protagonizadas por vecinos de Petín que se ofreceron para falar de cousas da vila... e mesmo invitaron a probar viño da casa... Grazas Javier e Toño!!!

Grazas a tódalas e tódolos participantes, por gozaren connosco desta oportunidade... no segundo día dunha primavera tan desexada...🌞🌞🔅🌾🥀🍀🍀
Non tardedes en voltar!!

15/03/2026

Plan para celebrar a primavera que chega...si, por fin...con esta oportunidade para coñecer Petín, a paisaxe florida e o seu patrimonio de tódalas épocas...tras sobrevivir a invasións e pestes...co victorioso lema "Petín pitou...porque non pasou"

Serán 2 horas tamén na Ponte da Cigarrosa e na Rúa Vella...a voltas co foro romano e outras historias

Sábado 21 de marzo
16,30 Praza do doutor Quiroga

Info en plataforma www.rutasquerexeneran.gal
Reserva en https//www.conocegalicia.es

17/02/2026

Historia e patrimonio...para sentir orgullo ...e tanto!!
Eso sinten mázcaras e fulións das aldeas de Manzaneda que despois de danzar para os seus avós e avoas, e polas rúas da vila, foron quen de sacar folgos para tocar e danzar baixo a Porta da Vila, vestixio rehabilitado dunha parte da muralla e entrada cara o núcleo medieval . Alí pode verse tamén o pé dunha Torre da Homenaxe do vello castelo....
E cada ano, Historia e Entroido danzan, dan sentido ó noso pasado e forzas para conservalo transmitilo...
Placer puro nos rostros dos que tocaban e danzan...

imonio

05/01/2026

Imoooos!!!

Éste sábado 10 de xaneiro ás 12horas realizarase a visita guiada ao Castro de Trelle, para coñecer os resultados da Campaña Arqueolóxica do 2025. Non a perdades!!

Campaña realizada por Breogán Arqueoloxía e Árbore Arqueoloxía e Restauración S. Coop. Galega. Promovida polos concellos de Toén e Barbadás e financiada pola Consellería de Cultura da Xunta de Galicia.

Punto de encontro: na encrucillada da base de Helicópteros da Merca no monte dos Castros. Como chegar? Pola estrada de Moreiras a Trelle en Toén. Antes deste lugar hai que coller a estrada a man esquerda que leva ao xacemento e a base (está todo indocado con sinais).

04/11/2025

O cemiterio de San Francisco contén memoria de Ourense, Galiza, mesmo da península, no arquitectónico, no literario... nas súas esculturas en pedra, en ferro fundido, en bronce......este camposanto fai historia dende antes de existir...

Noemí de relatou polo miúdo parte desa memoria inmensa, na superficie e soterrada, con panteóns, sartegos, nichos...foxas colectivas para fusiladas e fusilados no campo de Aragón e no Cumial, meniñas e meniños en tumbas diminutas...

O máis rico do camposanto no seu panteón, hoxe case en ruína... Ben-Cho-Sey e a súa retranca, Blanco Amor e a súa bufanda, Malingre ca baranda e crucificado feitos na súa fundición...

A memoria funeraria, a historia soterrada ... perviven con cada visita a este espazo senlleiro, protexido como Ben de Interese Cultural... alén da homenaxe familiar, das flores que lle dan cor durante uns días... velaquí gran parte da memoria de tod@s...

En poucos metros de percorrido entre a biblioteca Nós e a zona máis alta do cemiterio, pasaron centos de anos da historia local e ducias de referencias artísticas e históricas...

A visita foi longa, fermosa... e aínda así fíxose curta... e hai para máis

28/10/2025

Está na nosa historia...en toda Europa...máis ou menos recuperada, conservada, reproducida, interpretada...pero ten nome noso!

15/10/2025

A mercería Manolita de O Bolo era unha caixiña de 4 metros cadrados que rebordaba soños e agasallos...

Ducias de postais enchían nunha carpeta primorosa, hoxe valeira, na que os mozos da vila escollían a mellor para unha namorada, alfinetes para costureiras detallistas, recibos da luz en pesetas pendurados e aplastados contra a parede, expositores de aneis, doces pequenos para o recreo do cole, papeis de cores, un listado de tarifas do ano 1963...

Manolita lembrou ó seu pai facéndolle os dous armarios do local: o de dúas portas con debuxos tallados e o mostrador con cristal de expositor. Canta cousa collía en tan pouco espazo!!!

Manolita ten 91 anos e memoria infinita...na súa visita á casa e á mercería pechadas hai moitos anos...revisou, lembrou... e varreu a entrada ca vasoira que segue alí... coma se o tempo non pasara

Grazas a Manoli, á súa filla María e a súa neste, por compartir comigo esta vivencia tan delas...para a súa neta foi unha viaxe de descubrimento da historia familiar e do fogar de antano

01/09/2025

Se o verde é esperanza e o negro loito... a esperanza comeza a cubrilo loito...
A natureza renace...a pesares de nós
Podemos renacer coma ela, con ela...nunca poderemos sen ela

Queda moito loito nos montes, en serras completas, lameiros, vales, nas aldeas, nas vidas...moito loito

Hai sol, hai choiva e hai vida baixo terra que loita por emerxer...

Vivimos nun paraíso que parece necesitar pouco de nós...polo momento...e comeza a dalo seu espectáculo de resistencia abrollando outra vez