Patrimonio da Deputación da Coruña

Name: Patrimonio da Deputación da Coruña
Address: Rianjo, ES
Telephone: +34981415314

Casa
España
Rianjo
Patrimonio da Deputación da Coruña

Información de contacto, mapa y direcciones, formulario de contacto, horario de apertura, servicios, puntuaciones, fotos, videos y anuncios de Patrimonio da Deputación da Coruña, Guía turístico, Rianjo.

28/06/2026

Deixámosche aquí a información cos horarios de apertura da Casa Museo de Wenceslao Fernández Flórez, un espazo único en Cambre para mergullarse na vida e na obra do autor de "O bosque animado". 🏡✨

🗓️ Sábados, domingos e festivos: de 12:00 a 14:00 h e de 17:00 a 20:00 h.
👥 Visitas guiadas: tanto individuais como en grupo (máximo 15 persoas).
📞 Grupos durante a semana: hai posibilidade de adaptar o horario de luns a venres se solicitas cita previa.

Un plan cultural ideal para a fin de semana a un paso da Coruña.

27/06/2026

O Conservatorio Profesional de Danza conta cunha traxectoria de máis de tres décadas de amor pola arte e o movemento. O centro naceu no ano 1990 baixo a dirección de Luciano Gómez cun obxectivo moi claro: ofrecer unha formación profesional, regulada e de calidade que ata entón non existía na cidade herculina.🩰

Especializado en danza clásica, este espazo converteuse nunha canleira inesgotable de talento e disciplina.

O seu alumnado colleita grandes premios en concursos nacionais e internacionais, e moitos dos bailaríns e bailarinas que pasaron por estas aulas forman parte de grandes compañías mundiais, coma os ballets de Múnic, Lisboa, Tulsa ou Chicago. 🌍

25/06/2026

Os batáns apareceron en Europa durante a Idade Media e foron clave para a supervivencia nos meses máis duros do inverno.

Trátase de construcións tradicionais situadas á beira dos ríos que aproveitaban a enerxía hidráulica para poñer en marcha uns mecanismos de madeira chamados "folóns". 💦

A súa función era sinxela pero moi eficaz: golpear os tecidos de la continuamente ata compactar as fibras. Deste xeito, conseguíase unha tea moito máis tupida e forte, ideal para protexerse do frío e da chuvia.

Hoxe en día, o conxunto dos Batáns do Mosquetín, en Vimianzo, permítenos ver de preto como funcionaba este incrible enxeño hidráulico que sobreviviu ao paso dos séculos. 📜

23/06/2026

Hoxe celebramos a noite máis curta, máxica e agardada do ano. Unha data na que o lume das cachelas e o arrecendo a sardiñas invaden as nosas vilas e praias, demostrando a forza do noso patrimonio inmaterial. 🔮

É o momento de cumprir cos ritos de sempre: saltar o lume para purificar, queimar os malos recordos e deixar as herbas aromáticas na auga para escorrentar o meigallo. 🌿

Desexamos que pasedes unha noite meiga inesquecible en boa compañía, protexendo e respectando sempre a nosa contorna. Moi feliz noite de San Xoán! 🎇

22/06/2026

O Dolmen de Cabaleiros, tamén coñecido como a “Casa da Moura”, é un dos grandes tesouros do noso megalitismo e un dos mellor conservados de toda Galicia. Pola súa enorme importancia, en 1975 foi declarado oficialmente como Monumento Histórico-Artístico. 🪨🌲

Esta construción está configurada por sete enormes bloques de pedra sobre os que repousa unha xigantesca lousa de cobertura que mide 4 por 3,40 metros.

Se tedes ganas de facer unha escapada, podedes visitalo na parroquia de Cabaleiros (Tordoia), rodeado dun entorno natural único.

22/06/2026

📍 Vimianzo presume de patrimonio vivo

O patrimonio non é só o que se conserva. É tamén o que se transmite, o que se crea coas mans e o que mantén viva a memoria dun pobo.

O pasado venres, o Castelo de Vimianzo convértese nun espazo de encontro coa nosa tradición grazas á Mostra de Artesanía en Vivo, unha cita que pon en valor os oficios tradicionais, a creación artesanal e os produtos locais, demostrando que o patrimonio cultural segue máis vivo ca nunca.

Un exemplo de como a conservación do patrimonio material e inmaterial contribúe a fortalecer a identidade dos nosos territorios e a transmitir coñecementos ás novas xeracións. 🏰✨

21/06/2026

Sabías que a Biblioteca da Deputación da Coruña custodia auténticos tesouros bibliográficos que podes descubrir en grupo? 📚

O centro ten en marcha un programa de visitas guiadas gratuítas dirixido a colexios, institutos, colectivos de mozos e asociacións de adultos que desexen coñecer a fondo o noso patrimonio documental.

As visitas adáptanse a cada idade: inclúen dinámicas e actividades interactivas para os máis pequenos no espazo da Bebeteca, e tamén percorridos especializados para adultos onde se amosan fondos especiais, manuscritos raros e volumes curiosos que habitualmente non están expostos ao público xeral. 📜

Se coordinas un centro educativo ou formas parte dalgún colectivo cultural ou veciñal e queres descubrir todo o que gardan estes históricos andeis, podes consultar os requisitos e facer a túa reserva directamente a través da web da Deputación.

19/06/2026

O Castelo de Vimianzo é un monumento vivo que sufriu numerosas transformacións, reformas e asedios ao longo dos séculos ata chegar aos nosos días. 📜

As súas orixes remóntanse ao ano 1220, cando o rei Afonso IX doou estas terras á liñaxe dos Mariño.

Aínda que daquela "casaforte" primitiva case ninguén diría que quedan restos, o certo é que o patio interior agocha grandes segredos. Alí pódense contemplar os cimentos dunha impoñente torre antiga e os perfiles da vella muralla orixinal, rescatados polos arqueólogos na década dos 80.

Ademais, pegados a estes muros, aínda se conservan os restos do forno histórico onde probablemente se cocía o pan para abastecer a toda a garda e habitantes do castelo.

Unha fortaleza imprescindible na Costa da Morte que nos convida a viaxar no tempo en cada recuncho.

17/06/2026

Fixácheste algunha vez nos relevos de granito que hai nas fachadas das Torres do Allo? Son moito máis que unha simple decoración. Trátase de auténticos escudos de armas. 🛡️

Cando os Reis Católicos ordenaron desmochar e derrubar as torres dos castelos medievais en Galicia para frear o poder da nobreza, as grandes familias trasladáronse a novas construcións palacianas: os pazos. Con todo, mantiveron a tradición de colocar os seus emblemas heráldicos ben á vista para deixar constancia do seu prestixio.

Cada torre garda un detalle moi curioso da súa historia:
🏰 Na Torre Viexa: Atoparás o escudo dos Riobóo. Se te fixas, verás un castelo cunha zarza brava que nace na porta e sae por unha ventá.
🕊️ Na Torre Nueba: Labrado dous séculos despois, amosa as dezasete pombas da Casa de Seixas e a estrela de Santiago, que lembra o apoio do arzobispado nas obras.
⚔️ Nas portas: No arco dun dos accesos hai outro pequeno escudo con cinco lanzas (dos Caamaño ou Leis).

Un auténtico xogo de pistas histórico en pleno corazón de Zas.

15/06/2026

Estás pensando en achegarte ao Pazo de Mariñán? Deixámosche aquí o resumo completo de horarios para que poidas planificar ao detalle a túa visita 👇

Visitas guiadas no interior:
☀️ Verán (1 de xullo ao 15 de setembro): Todos os días de 11:00 a 20:00 h (último pase ás 19:00 h).
🍂 Resto do ano: Venres, sábados, domingos e festivos de 11:00 a 18:00 h (último pase ás 17:00 h).

Vistas libres dos xardíns:
🕒 Xuño, xullo e agosto: de 09:00 a 21:00 h.
🕒 Setembro: de 09:00 a 20:00 h.
🕒 Resto do ano: de 09:00 a 19:00 h.

Para calquera consulta ou máis información sobre os accesos, tes á túa disposición o teléfono de atención aos visitantes: 673 050 399.

Dirección

Rianjo

Teléfono

+34981415314

Página web

https://www.dacoruna.gal/patrimonio/

Notificaciones

Sé el primero en enterarse y déjanos enviarle un correo electrónico cuando Patrimonio da Deputación da Coruña publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.