Son Vedra

Casa
España
Vedra
Son Vedra

Páxina oficial de Turismo de Vedra. Descubra o concello de Vedra e o Val do Ulla,
a súa historia, natureza e gastronomía.

03/12/2025

O próximo sábado día 13 de decembro terá lugar a visita arqueolóxica á contorna de San Xoán da Cova. Durante a xornada falaranse dos resultados dos últimos traballos de prospección levados a cabo dentro do proxecto “Iohanes in Eremo”. A visita levarase a cabo en dúas zonas diferentes, a primeira delas, accesible por terra. Á segunda das zona deberá accederse ou ben por embarcación ou por ponte tibetana. A dificultade de acceso pola ponte e de grao alto. Máis información e reservas no 661 11 77 67. Agardámosvos!

10/11/2025

O próximo sábado 15 de novembro, levarase a cabo o acto de presentción dos resultados das prospeccións arqueolóxicas na contorna do lugar de San Xoán da Cova. Non o perdades!!!

21/10/2025

Este venres 24 de outubro na Casa Reitoral de Ponte Ulla ás 18:30 h, terá lugar a presentación do proxecto arqueolóxico San Xoán da Cova. Este proxecto foi premiado no III Certame "Fondo de proxectos culturais Reino de Galicia 2025", da Deputación da Coruña. Non o perdades!

09/08/2025

Esta mañá levouse a cabo a ruta polo patrimonio oculto de Vedra. Os nosos anfitrións foron os voluntarios e voluntarias do programa de voluntariado interxeneracional 2025. Durante a ruta, foron explicándonos algúns dos elementos máis relevantes da mesma, como a igrexa da Magdalena, a ponte de Ponte Ulla, a contorna de San Xoán da Cova ou a ponte de Gundián. Unha mañá estupenda e chea de sorpresas na que aprendemos e desfrutamos moito!

06/08/2025

O pasado 3 de agosto, un grupo de 110 persoas participaron na ruta do programa Goza do Ulla en Vedra. O percorrido iniciouse no Pazo de Santa Cruz de Ribadulla, e logo percorreu o sendeiro de San Xoán da Cova, pasando pola área de recreo de Agronovo, polo Coto de Ximonde e rematando na área de Cubelas. Foi un día cheo de natureza e boa compañía!

31/07/2025

O sábado día 9 de agosto ás 10:30, levarase a cabo a ruta polo patrimonio oculto de Vedra. Nela descubriremos todos os segredos que rodean as zonas de Ponte Ulla, San Xoán da Cova e Gundián. Podedes anotarvos no 669 450 804 ou en [email protected]. Animádevos!!!

24/07/2025

Hoxe ven de rematar a primeira parte dos traballos do campo internacional Monte Sacro, promovido polos concellos de Boqueixón e Vedra. Durante a semana, os voluntarios e voluntarias participaron na limpeza da contorna de San Xoán da Cova en Vedra. Do mesmo xeito recibiron distintas charlas sobre a historia do lugar e sobre materiais arqueolóxicos e o estudo dos mesmos.

06/07/2025

Este fin de semana, con motivo do XXII Festival de Bandas do Patio, achegáronse a visitar o Pazo de Santa Cruz de Rivadulla, as bandas de música Ateneo Musical del Puerto (Valencia) e a Banda Municipal de La Bañeza (León). Foi todo un pracer poder mostrarlles esta xoia do noso patrimonio local.

27/06/2025

Mañán dará comezo a serie de actividades lúdico deportivas Correntes do Ulla, organizadas polos concellos de Vedra e Boqueixón. Aquí vos deixamos o programa. Apuntádevos!

07/11/2024

Un dos coutos de salmón máis importantes de
Galicia que acolle unha estación ictiolóxica de cría e reprodución e que conta ademáis co seu propio centro de interpretación. Do seu contorno destaca a casa de pescadores, o salto-fervenza e a ponte colgante.

11/09/2024

Cunha lonxitude de dous kilómetros, esta ruta amósanos un conxunto etnográfico formado por varios muíños en bo estado de conservación que seguen o curso do río de Merín, achegándonos a unha constante na paisaxe de Vedra que nos dá a idea da importancia que a agricultura tivo na economía dos nosos antepasados, e do forte vínculo que liga por sempre esta terra á auga.
Ademais de coñecer a cultura muiñeira, tamén podemos observar as tarefas agrícolas en prados, hortas e viñedos.
A ruta lévanos a través da fraga por estreitos camiños rodeados de vexetación e fervenzas que coa súa melodía fan máis grato o camiñar.

Dirección

Avenida Mestre Manuel Gómez Lorenzo
Vedra
15885

Teléfono

+34669450804

Página web

http://vedraturismo.com/

Notificaciones

Sé el primero en enterarse y déjanos enviarle un correo electrónico cuando Son Vedra publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.