18/08/2026
የንጉስ ልደት 👑
የምኒልክ ልደት የዘመናዊቷ ኢትዮጵያም ልደት ነው።
ጳውሎስ ኞኞ ስለእምዬ ምኒልክ ስለደገኛው ንጉስ የሚከተለውን ብሏል
ዳግማዊ አጤ ምኒልክ በዙሪያቸው የነበሩ ካህናትና ጳጳሱም ሳይቀሩ በከፍተኛ ሁኔታ እየተቃወሟቸውና እየተቿቸው ቢያስቸግሯቸውም ለተፃራሪ የሥልጣኔ እንቅፋቶች ቁብ ሳይሠጡ የዘመኑን የቴክኖሎጂ ውጤቶች ወደ ሃገራቸው በማስገባት ያስተዋወቁ የዘመናዊነት ተምሳሌትና ቀደምት መሪ ናቸው።
ለአብነት ያህልም የመጀመሪያውን አውቶሞቢልና ባቡር በማስገባት #ኢትዮጵያን ከዘመናዊ መጓጓዣ ጋር አስተዋውቀዋል። የመጀመሪያው የአውቶሞቢል መኪና የመንጃ ፍቃድ ባለቤትም እርሳቸው ናቸው።
"እንዲህ ያለ ንጉሥ፤ የንጉሥ ቂናጣ፣
ውሃ በመዘውር ሠገነት አወጣ፣
አሁን ከዚህ ወዲያ ምን ጥበብ ሊመጣ"
ተብሎ የተገጠመላቸው የውሃ ቧንቧ ከእንጦጦ ተራራ ላይ ስበው ወደ ቤተ-መንግስታቸው ያደረሡ የመጀመሪያው ሰው ናቸው።
የመነጋገርያ ስልክ፣ የኤሌክትሪክ ኃይልና የእህል ወፍጮ ወደ ሃገራችን ማስገባት ብቻ ሳይሆን የመጀመሪያውን ዱቄት ቆመው ያስፈጩት ራሳቸው ናቸው። የመጀመሪያዎቹን ዘመናዊ የቀለምና የሙዚቃ ትምህርት ቤቶች የከፈቱት፤ ዘመናዊ ሕክምና ያስተዋወቁት #እምዬ እየተባሉ ይሞካሹ የነበሩት ምኒልክ ናቸው።
ምኒልክ በመንግስታቸው ስም አክስዮን የገዙ፤ ብርን ከሽርፍራፊ ሳንቲሞች ጋር አትመው ስራ ላይ ያዋሉ፤ ዘመናዊ የወርቅ ማምረቻ በማስመጣት ከአውሮፓ ኩባንያዎች ጋር መንግስታቸው በሽርክና እንዲሠራ አዲስ ፈር የቀደዱ ታላቅ መሪ ናቸው።
ባቡርም ተጫነ ስልክም ተናገረ፣
ይሄ በማን ጊዜ ተደርጎ ነበረ፣
ምኒልክ ነብይ ነው ሆዴ ጠረጠረ።
የሐበሻው ንጉሥ ምኒልክ ነብይ ነህ፣
ኃላፊውን ትተህ መጪውን ታውቃለህ።
መልካም ልደት ... ለታላቁ ንጉስ ለዳግማዊ አጤ ምኒልክ
