30/03/2026
''ብዘይምንም ቅድመ ኩነት ደመወዝ ሰራሕተኛታት መንግስቲ ክልቀቅን..''
መግለፂ ሳልሳይ ወያነ ትግራይ
----
ብሰንኪ ምቁራፅ መሃያ ኣብ ሰራሕተኛ መንግስቲ ዝበፅሕ ሕሰም ከቢድ ብምኳኑ ማሕበረ ኢኮኖሚያዊ ሃሰያ የብፅሕ ኣሎ። ከም ውፅኢቱ ድማ ማሕበራዊ ኣገልግሎታት ተኣጓጊሎም ብምህላዎም ከቢድ ፀቅጥን ቅልውላውን ምፍጣሩ ዘይተርፍ እዩ።
ኣብ ብዙሓት ከባብታት ትግራይ ዝርከቡ ኣብያተ ትምህርቲ እናተዓፀው ህፃናት ትግራይ ካብ ትምህርቲ ምብኳሮም ጥራሕ ዘይኮነስ ትውልዲ ከይተምሃረ ክተርፍ ዝገብር ትሉም ከይዲ ምኳኑ ድማ መተሓሳሰቢ ጉዳይ ኮይኑ ይቅፅል ኣሎ።
እዚ ብህይወት ሰራሕተኛታትን ሓፈሻዊ ህዝባዊ ግልጋሎታት ምቁርራፅ ብፍላይ ድማ ምፅልማት ቀፃሊ ዕድል ህፃናት ትግራይ ስለ ዝኮነ ኣብዚ ጉዳይ ዝሰርሑ ኣካላት ኣድላይ ዘበለ ፀቅጢ ክገብሩ ከም ዘለዎ ሳወት ይኣምን።
ቅድሚ ዝኾነ ካልእ ጉዳይ ቀዳምነት ክወሃቦ ዝግባእን ብዘይምንም ቅድመ ኩነት ደመወዝ ሰራሕተኛታት መንግስቲ ክልቀቅን ምስ ዝኮነ ፖለቲካዊ ውዳበ ሕመቅ ክተሓሓዝ ስለ ዘይግባእን እዚ ዓለምለኻዊ መሰል ዝጥሕስ ከይዲ ጠጠው ክብል ዝምልከቶ ኩሉ ኣብ ጎንና ኮይኑ ክቃልስ ንፅውዕ።
ሳልሳይ ወያነ ትግራይ
21 መጋቢት 2018
ትግራይ፡መቐለ
