Mizan Teferi Official

18/01/2026

ቀዳማዊት እመቤት ዝናሽ ታያቸው በአማን ከተማ ለሚኖሩ አካል ጉዳተኛ ወገኖቻችን የዊልቼር ድጋፍ አደረጉ

ቀዳማዊት እመቤት ዝናሽ ታያቸው በዛሬው ዕለት በደቡብ ምዕራብ ኢትዮጵያ ክልል፣ ቤንች ሼካ ዞን፣ በሚዛን አማን ከተማ ለሚኖሩ አካል ጉዳተኛ ወገኖቻችን የዊልቼር ድጋፍ አድርገዋል።

በቀዳማዊት እመቤት ዝናሽ ታያቸው የሚመራው የቀዳማዊት እመቤት ጽ/ቤት ሥራ ከጀመረበት ጊዜ አንስቶ ለአካል ጉዳተኞች ልዩ ትኩረት በመስጠት የተለያዩ ድጋፎችን በማድረግ በርካታ ሥራዎችን በመስራት ላይ እንደሚገኝ ይታወቃል።

በዛሬው ዕለት የተደረገው ይህ ድጋፍ ልጆቻቸው የአካል ጉዳት ገጥሟቸው ከቦታ ቦታ ማንቀሳቀስ ለተቸገሩ ወላጆችና ከቦታ ቦታ ተንቀሳቅሰው ለመማርም ሆነ ለመሥራት ለተቸገሩ ወገኖቻችን እገዛ የሚያደርግ ድጋፍ ነው።

18/01/2026

ወርቁም፣ ቡናውም፣ መልካም ስራ ወዳድ ሰውም፣ ተፈጥሮውም ያለው እናንተ ጋር ነው። ይሄ በኮትሮባንድ፣ በስርቆት እንዳይጠፋ ጠብቃችሁ ከባቢውን ለማልማት እና ለሌሎች ለመትረፍ እንድትተጉ አደራ እላለሁ።

18/01/2026

የገበታ ለትውልድ - ደንቢ ኤኮ ሎጅ በደቡብ ምዕራብ ኢትዮጵያ የምረቃ መርሐ ግብር በምስል....

15/01/2026

የሚዛን አማን ከተማ የኮሪደር ልማትና የዘመናዊ ስማርት ፖል ዝርጋታ ገጠማ ስራ እየተካሄደ ነው

​በሚዛን አማን ከተማ አስተዳደር የከተማዋን ገጽታ ለመቀየርና ለነዋሪዎች ምቹ የሆነ የከተማ አካባቢን ለመፍጠር የተጀመረው የኮሪደር ልማት ስራ በአሁኑ ወቅት ወደ አዲስ ምዕራፍ ተሸጋግሯል።

የከተማ አስተዳደሩ ከተማዋን እንደ ስሟ " ሚዛን አማን" እና ለኑሮ ተስማሚ ለማድረግ ሰፊ የልማት ስራዎችን እያከናወነ ይገኛል።

ይህ የኮሪደር ልማት ፕሮጀክት ከተማዋን ከነባራዊው ሁኔታ ወደ ዘመናዊ የከተማ ስርአት ለማሸጋገር የሚደረገው ጥረት አካል መሆኑን የከተማዋ ከንቲባ ኢንጅነር ሰለሞን ሌዊ ገልጸዋል።

​የኮሪደር ልማት ስራው በዋናነት ደረጃውን የጠበቀና የተቀናጀ የመሰረተ ልማት ዝርጋታን ያካተተ ሲሆን፣ በአማን ከተማ 1.4 ኪሎ ሜትር ርዝመት ያለው የኮሪደር ልማት ስራ ተጠናቋል። ይህ ፕሮጀክት የእግረኛ መንገዶችን፣ የሳይክል መሄጃዎችን፣ ውብ የአረንጓዴ ስፍራዎችን (ግሪነሪ) እና ሌሎች መሰረታዊ አገልግሎቶችን አሟልቶ የያዘ ነው።

ግንባታው መጠናቀቁን ተከትሎም የከተማዋን ውበትና ደህንነት ይበልጥ የሚያጎሉ እጅግ ዘመናዊ የስማርት ፖል ገጠማ ስራዎች በይፋ ተጀምረዋል።

​እየተገጠሙ ያሉት እነዚህ ስማርት ፖሎች ዘርፈ ብዙ አገልግሎት የሚሰጡ ቴክኖሎጂዎች የተገጠሙላቸው ናቸው።

እንደ ከተማ አስተዳደሩ ዋና ማዘጋጃ ቤት ስራ አስኪያጅ ኢንጅነር በረከት ምናሴ ገለጻ፣ ፖሎቹ ባለ ሁለት ገጽ ዲጂታል ስክሪን፣ የፀጥታ ቁጥጥር የሚያከናውኑ የሲሲቲቪ (CCTV) ካሜራዎች እና ከፍተኛ የብርሃን አማራጭ ያላቸው ዘመናዊ የኤል ኢዲ (LED) መብራቶች የተገጠሙላቸው ናቸው። ይህም ከተማዋ በቀን ብቻ ሳይሆን በሌሊትም ሳቢና ለእንቅስቃሴ ደህንነቷ የተጠበቀ እንዲሆን ያደርጋታል።

​ለዚህ ግዙፍ የቴክኖሎጂ ዝርጋታ የከተማ አስተዳደሩ ከ100 ሚሊዮን ብር በላይ በሆነ ወጪ ግዥ የፈጸመ ሲሆን፣ በድምሩ 54 ስማርት ፖሎች በተለያዩ ስፍራዎች ይተከላሉ። እንደ እቅዱም በአማን 20፣ እንዲሁም በሚዛን 34 ስማርት ፖሎች የሚገጠሙ ሲሆን፣ በዛሬው እለትም የተከላና የሙከራ ስራው በይፋ ተጀምሯል።

ይህ በጀትና የቴክኖሎጂ አቅርቦት ከተማዋን ወደ ስማርት ሲቲ (Smart City) ለመለወጥ የተያዘውን ግብ ለማሳካት ትልቅ አቅም እንደሚፈጥር ታምኖበታል።

​በአጠቃላይ ይህ የኮሪደር ልማትና የስማርት ፖል ዝርጋታ ፕሮጀክት የሚዛን አማን ከተማን የንግድና የቱሪዝም እንቅስቃሴ ከማነቃቃቱም በላይ፣ ለነዋሪዎቿ ዘመናዊና ምቹ የከተማ ኑሮን የሚያረጋግጥ ነው።

ፕሮጀክቱ ሲጠናቀቅ ከተማዋ በደቡብ ምዕራብ ኢትዮጵያ በቴክኖሎጂና በውበት ግንባር ቀደም ተጠቃሽ እንድትሆን ያደርጋታል ተብሎ ይጠበቃል።

10/01/2026

የቤንች ብሔር ዘመን መለወጫ "ቢስት ባር " ዋዜማው በወጣቶች በተለያዩ ሁነኘቶች በመከበር ላይ ነው።

10/01/2026

10/01/2026

10/01/2026

የቤንች ብሄር ዘመን መለወጫና የምስጋና በዓል ቢስት ባር በተለያዩ ዝግጅቶች በሚዛን አማን ከተማ በወጣቶች እየተከበረ ይገኛል።

ሚዛንአማን :ጥር 2/2018ዓ.ም(ቤ.ሸ.ቴ.)፦

ወጣቶች ቢስት ባርን ከታላላቆቻቸው በመቀበል ለተተኪው ትውልድ በማስተላለፍ ረገድ ከፍተኛ ሚና ስላላቸው በተለያዩ ሁነቶች ማክበራቸው ተጠናክሮ መቀጠል እንዳለበት ተጠቁሟል።

የቤንች ሸኮ ዞን ዋና አስተዳዳሪ አቶ ሀብታሙ ካፍትን በመድረኩ ተገኝተው እንደተናገሩት የቤንች ብሄር የዘመን መለወጫ እና የምስጋና በዓል "ቢሰት ባር" ከጥንት ዘመን ጀምሮ የሚከበር ሲሆን ከቅርብ ዓመት ወዲህ ደግሞ በተደራጀ መልኩ መከበር ከተጀመረ ወዲህ በዓሉ ከሚከበርበት ፋይዳ አንፃር ግቡን እያሳካ ያለ ህዝባዊ በዓል ነው፡፡

ቢስት ባር የበኩር እህል የሚቀመስበት ፣ ስለተደረገ ነገር ምስጋና ማቅረብን የሚያስተምር አርሶ አደሩ ወጥቶ ወርዶ የዘራው ሰብል እንዲበቅል ዝናብን ሰጥቶ፣ በዝናቡ ከበቀለ በኃላም ፀሐይን አፈራርቆ አዝመራን በምርት ለሚሞላ ፈጣሪ ምስጋና በመስጠት የሚከበርም በዓል ነው ብለዋል።

የተጣሉ የሚታረቁበትና ይቅርታ የሚጠያየቁበት የተሻለ ስራ የሰራ የሚበረታታበት፣ በሚገባ ያለዘመረው የሚወቀስበት ለቀጣዩ የምርት ዘመን በቂ ዝግጅት የሚደረግበት ህዝባዊ በዓል ነው ብለዋል።

ወጣቶች በአካባቢያቸው በመስራት መለወጥን እንዲሁም ባህላቸውን በማልማትላይ ትኩረት መስጠት አለባቸው ብለዋል።

አሁን ላይ በቋንቋ ልማት ቤንች ኖን ላይ እየተሰራ ያለው ሥራ እና ዞኑ የራሱን ባህል የሚያስተዋውቅበትን የቴሌቪዥን ጣቢያ መክፈት መቻሉን ተናግረዋል።

የሚዛን አማን ከተማ አስተዳደር ከንቲባ ኢንጂነር ሰለሞን ሌዊ እንደገለፁት የቤንች ብሄር ከጥንት ጀምሮ ማንነቱን የሚገልፅበት የራሱ የንግስና ሥርዓት እና አስተዳደራዊ እንድሁም የራሱ ባህላዊ የኪነ-ጥበብ እውቀት ያለው ሲሆን ከዚህም አንዱ ቢስትባር አንዱ መሆኑን ተናግረዋል።

ታላቅ የሚከበርበት፣ ፍቅር ለምልሞ አብሮነትን የሚደምቅበ የቤንች ብሄር የምስጋናና የዘመን መለወጫ የቢስት ባር በዓልን ወጣቱ ትውልድ በዋዜማው በዚህ መልኩ ማክበሩ እጅግ የሚመሰገን ነው ብለዋል።

ሚዛን አማን ከተማ የኢኮኖሚ ኮሪደር እየሆነች የመጣችው ከተማ ቢስትባርን ከኢኮኖሚው ጋር አጣምራ ትሄዳለች ማለታቸውን የዞኑ ኮሙኒኬሽን ዘግቧል።

#መልካም እሴትን እንገነባለን!

10/01/2026

ቢስት ባር የቤንች ብሄር ዘመን መለወጫና የምስጋና በዓል ዋዜማውን በሚዛን አማን ከተማ በወጣቶች እየተከበረ ነው።

ወጣቶች ቢስት ባርን በሚገባ በመገንዘብ ለቀጣይ ትውልድ እንዲያስተላልፉ በተለያዩ ዝግጅቶች መክበሩ ፋይዳው ከፍተኛ ነው።

08/01/2026

08/01/2026

🎉 ጭጋጉ ተገፏል፤ ብራው ወጥቷል! እንኳን ለ"ቢስት ባር" በዓል አደረሳችሁ! 🎉

| ​ታላቁ የቤንች ብሔር የማንነት መገለጫ የሆነው የ “ቢስት ባር” በዓል የሰላም፣ የፍቅርና የበረከት እንዲሆንላችሁ ከልቤ እመኛለሁ!

​🌼 ቢስት ባር ምንድን ነው?

ይህ በዓል ተፈጥሮ አዲስ ልብስ ለብሳ፣ ጭጋጉ ተገፎና ብራው ወጥቶ የሚከበር የድልና የምስጋና በዓል ነው። የክረምቱ ዳመና በብሩህ ፀሐይ ሲተካ፤ የቤንች ምድር በአረንጓዴ ምንጣፍ አጊጣ አዲሱን ዘመን ትቀበላለች።

​በዚህች ታሪካዊ ዕለት፣ ጀግናውና ኩሩው የቤንች ሕዝብ የቤንችቴት፣ የሜሪቴት እና የሼይቴት አብራክ ክፋዮች ባህላቸውን አንግበው፣ በማንነታቸውን ደምቀው ያከብሩታል።

​🌾 የላብና የጥረት በዓል

ቢስት ባር ዝም ብሎ በዓል አይደለም፤ የጥረት ውጤት፣ የላብ መፍሰስና የአዝመራ መሳካት በዓል ነው።

​"ከድካሙና ከላቡ ውጭ ያልዘራውንና የጥረት ወጤቱን ያልሆነውን የሚበላ በቤንቾች ዘንድ እንደተረገመ ይቆጠራል።"
​ስለዚህ አርሶ አደሩ ድካሙን በአንድነት የሚያጣጥምበት፣ እህሉን ሰብስቦ “የበኩሩን” ለፈጣሪና ለታላላቆች የሚያቀርብበት የምስጋና በዓል ነው።

​👴🏽 የትውልድ ቅብብሎሽ

በማንነቱ እና በክብሩ የማይደራደረው የቤንች ሕዝብ፣ ይህንን በዓል ሲያከብር የታላላቆችን ምርቃት በመቀበል ነው።

የወጣቱ ጉልበት ከሽማግሌዎች ጥበብ ጋር የሚገናኝበት፣ ታሪክ ለትውልድ የሚተላለፍበት፣ የሰላም እና የአንድነት ቃል ኪዳን የሚታደስበት ልዩ በዓልም ነው።

​አዲሱ ዓመት "ቢስት ባር" ለሁላችንም የደስታና የሰላም ይሁንልን!

​✍️ ጌታቸው ባይባ (ሚዛን አማን)

​