https://www.facebook.com/219248114598754/

Vacation on Bale mauntains national park and tour guide, Bale robe Dinsho town, Robe (2026)

14/05/2026

ብሔራዊ ፓርኮችን በቴክኖሎጂ ለመጠበቅ የሚያስችል የሰለጠነ የሰው ኃይል እየተገነባ ነው፡- የኢትዮጵያ የዱር እንስሳት ጥበቃ ባለሥልጣን
**************

ብሔራዊ ፓርኮችን በቴክኖሎጂ ለመጠበቅ የሚያስችል የሰለጠነ የሰው ኃይል እየተገነባ መሆኑን የኢትዮጵያ የዱር እንስሳት ጥበቃ ባለሥልጣን ገለጸ።

በኢትዮጵያ የሚገኙ ብሔራዊ ፓርኮችን በዘመናዊ ቴክኖሎጂ የታገዘ ጥበቃ እንዲያገኙ ለማድረግ፣ የሰለጠነ የሰው ኃይል የማፍራት ሥራ በስፋት እየተከናወነ መሆኑን የኢትዮጵያ የዱር እንስሳት ጥበቃ ባለሥልጣን አስታውቋል።

የባሌ ተራሮች ብሔራዊ ፓርክ ለሁለተኛ ዙር ለሦስት ወራት ያሰለጠናቸውን 44 የፓርክ ጥበቃ ባለሙያዎችን (ሬንጀሮችን) ዛሬ አስመርቋል።

ሰልጣኞቹ የአካል ብቃት ስልጠና ከመውሰዳቸው ባለፈ፣ እንደ ጂፒኤስ እና ኧርዝ ሬንጀር ያሉ ከሳተላይት ጋር የተገናኙ ዘመናዊ መሣሪያዎችን በመጠቀም መረጃዎችን የመከታተልና ወደ ማዕከል የማድረስ ብቃት አግኝተዋል።

የባለሥልጣኑ ዋና ዳይሬክተር አቶ ኩመራ ዋቅጅራ በምረቃ ሥነ ሥርዓቱ ላይ እንደገለጹት፤ ፓርኮችን በዋናነት የሚጠብቀው የአካባቢው ማኅበረሰብ ቢሆንም፣ ሕገወጥ ድርጊቶችን በብቃት ለመከላከል ቴክኖሎጂን መጠቀም የሚችል የሰለጠነ የሰው ኃይል አስፈላጊ ነው።

የባሌ ተራሮች ብሔራዊ ፓርክ ኃላፊ አቶ ሻሚል ከድር በበኩላቸው፤ ባለፈው ዓመት ከሰለጠኑት 35 ባለሙያዎች ጋር ተዳምሮ አሁን ላይ የፓርኩ ጠባቂዎች ቁጥር 79 መድረሱን ጠቅሰው፣ ይህም የፓርኩን ጥበቃ በአስተማማኝ ሁኔታ ለማጠናከርና ሕግ ለማስከበር ትልቅ አቅም እንደሚፈጥር አብራርተዋል።

በባዬ ሙላት