BALE POST

02/09/2025

Ash*ttii Roobee Piriimeerligii Itoophiyaatti makame

Hasan Huseen Maqaa Masoo Ash*ttii Roobee jedhamuun beekkamu Piriimeerligii Itoophiyaatti makameera.

Dhalootaan Magaalaa Roobee kan ta'e Hasan Huseen ykn Ash*ttiin tibba kana garee kubbaa miilaa Ethio Electric tti makamuusaa miidiyaalee garagaraa gabaasaa jiru.

Bal'inna odeeffannoo guutuutiin walitti deebina!

23/05/2025

01/05/2025

Dargaggeessa Jabaa Baalee Biqilchite — Dr. Ibsa Kedir

Dr. Ibsa Kedir dargaggeessa dhugaan namumma qabu, qalbii qulqulluu qabuudha.

Gaafa Hacaaluu Hundeesaa du’aan addunyaa kana irraa boqote, Dr. Ibsan guyyaa lama guutuu saba isaaf jecha hirriba dhabee, ummata isaa kan miidhame gargaaruuf tattaaffachaa ture. Nama saba isaa jaalatu, gadda fi rakkina ummata isaatiin rakkatu; nama garaa laafaa fi gorsa gaarii kennuudhaan kan beekkamu. Dhugaa fi haqa falmuun, saba isaaf of kenne.

Dr. Ibsan, nama hawaasa isaa tajaajila jedhee scholarship dhiisee, nama akkanaa jabeessuun barbaachisaa dha.

Miira keessa galee waan san godhe taha garuu namoonni jireenya isaanii maqaa nama balleessuu jiraatanif gurra kennu hin qabu. Dr. Ibsa namoota akkasii fi kanneen jireenya isaa ajandaafi faayidaa dhuunfaatti fayyadamuu barbaadanitti yeroo hin qabu. Wanti inni hojjete yoo ballessa tahu danda'a nama ala ta'ee arguuf garuu nama hojii kana qofa keessa jiruttu hubaata waan taheef waan ballessa hundaafu dhifama jedha.

21/04/2025

Addee Xayyibaa Hasan lakkuu afur nagahaan hoffolte.

Ebla 13/2017:- Hospitaala Riifaraala Gobbaatti haati takka yeroo tokkotti daa'imman afur nagahaan hoffoluushee Yunivarsiitiin Madda Walaabuu beeksiseera.

Aadde Xayyibaa Hasan jiraattuu Godina Baalee Magaalaa Haroo dumaal yoo taatu kanaan dura daa'imman 7 akka taate dubbatti.

Tibba kanas immoo tajaajila dahumsaa argachuuf gara hospitaala Riifaraala Goobbaatti dhuftee; ji'a tokkoof guyyaa kudhan hospitascha keessa turuun hordoffiin taasifamaafii turuu ibsameera.

Aadde Xayyibaan galgala kana dhiira 2 fi dubra 2 nagahaan hoffoluushee Yunivarsiitiin Madda Walaabuu fuula miidiyaa isaatiin ifoomseera.

Yeroo ammaa kanas lakkoota afranii fi haadha lakkootaatiif deeggarsaaf hordoffiin taasifamaa jiraachuu fi haadhaaf daa'imman kunneenis fayyaansaanii haala gaarirratti argamuu Daayirektarri tajaajila yaalaa fi dhimmoota akkaadaamikii fi bakka bu'aan ekiskiyuutiv daayirektarii hospitaalichaa Abeel Baliyyu ibsaniiru jechuun yunivarsiitichi gabaaseera.

10/04/2025

Magaalaa Roobeetti Networkiin 5G guyyaa har'aa tajaajila kennuu eegale.

Itiyoo telekoom guyyaa har'aa iddoo keessummoonni iddoo gara garaa irraa dhufaniifi jiraattonni Magaalaa Roobee argamanitti tajaajila networkii 5G eegalchiisee jira.

30/03/2025

Eid Mubaarak!
Roobee Baaleetti Salaata Iidaa Istaadiyeemi Madda Walaabutti
Suura production

26/03/2025

Magaalaa Roobeetti Sagantaan Ifxaara guddicha daandii gubbaa geggeeffame

Saganticharratti hoogganaa Ittaanaa Biiroo Jallisiifi Horsiisee Bulaa Oromiyaa Obbo Roobaa Turchee dabalatee hooggansi Magaalaa Roobee, Abbootiin Amantaafi hordoftoonni amantaalee garagaraa hirmaataniiru.

Walitti qabaan Mana marii muslimoota Magaalaa Roobee sheek Muhammadraabii Hasan baatiin Ramadanaa baatii waantonni gaggaariin keessa hojjatamuufi keeyriin gurguddoon rabbirraa namaaf kennamu ta'uu ibsuun, hawaasni muslimaa bakka jirutti rakkataa gargaariifi hojii namaaf rabbi biraallee galata qabu hojjachuu akka qaban dhaamaniiru.

Kantiibaa Ittaanaan Bulchiinsa Magaalaa Roobee Obbo Jamaal Abbaagaroo Ummanni muslimaa aadaa wal gargaaruufi hojii gaarii hojjachuu baatii Ramadaa kana keessatti aadeffate yeroo biraatis cimsee ittifufsiisuu akka qaban himaniiru.

Keessummaan kabajaa sagantaa kanaa Obbo Roobaa Turchee Ifxaarri hariiroo waliin jireenya obbolummaafi amantaalee cimsuu keessatti gumaacha olaanaa akka qabu dubbatan.

Hawaasni muslimaa xiyyeeffannaa mootummaan jijjiirama isaaniif kennetti gargaaramuun gama tokkoon nageenyasaanii eeggachaa hojiilee misoomaa roga hundaan eegalame ittifufsiisuufi kunuunfachuu akka qaban dhaamaniiru.

Hordoftoonni amantichaafi hirmaattonni sagantaa kanaas hojii gaggaarii baatii Ramadaa kana keessatti hojjataa turan cimsanii ittifufsiisuuf qophii ta'uu dubbatan.

Kominikeeshinii Bulchiinsa Magaalaa Roobeetu gabaase

25/03/2025

Baankiin Daldala Itoophiyaa CBE Nuur Distiriktii Baalee Roobee maamiltootasaatiif sagantaa Afxiraa qopheesse
====
Baankichi Soma Ramadanaa Waggaa 1446ffaa sababeeffachuun harka qalleeyyii Magaalaa Roobee keessa jiraatan namoota 150'f deeggarsa midhaan nyaataafi mi'eessituwwan garagaraa qarshii kuma 550 olitti talmaamamus gumaacheera.

Sagantaa kanarratti hooggansi mootummaa Godina Baalee fi Bulchiinsa Magaalaa Roobee, Maanejimaantiifi hojjattoota baankichaa dabalatee Majilisaa fi maamiltoonni baankichaa hedduun argamaniiru.

Ittigaafatamaan Baankii Daldala Itoophiyaa Distiriktii Baalee Roobee Obbo Muddiin Gammadaa distiriktiin isaanii tajaajila si'ataafi dhaqqabamaa hawaasa hunda biraan gahuuf tajaajila baankii dhalarraa bilisaa damee saddeet banuun hawaasa diinagdeen badhaadhe horachuu keessatti gumaacha isaanirraa eeggamu bahaachaa akka jiru dubbatan.

Hanga ammaattis qarshii biiliyeena tokkoofi miiliyeena 700 ol tajaajila dhalarraa bilisaatiin maamiltoota isaatiif liqeessuusaa himaniiru.

Kantiibaa Ittaanaan Bulchiinsa Magaalaa Roobee Obbo Jamaal Abbaagaroo Baankichi tajaajila idilee kennaa jiruun cinaatti ayyaanotaafi sangantaalee ummataa bira dhaabachuun hawaasa naannichaa jajjabeessuufi fedhiif faayidaa ummatasaa kabachiisuurrattis xiyyeeffannaan hojjataa akka jiru dubbatan.

Walitti qabaan Mana marii muslimoota Magaalaa Roobeefi ittigaafatamaan Majilisaa sheek Muhammadraabii Hasan Baankiin CBE Nuur hirmaannaafi fayyadamummaa ummata islaamaa mirkaneessuuf yeroo ayyaanaafi sagantaa ummata keenyaa irratti deeggarsaafi tumsi taasisaa jiru kun ummata keenya gara diinagdeetti fiduu keessatti gumaacha olaanaa qaba jedhan.

Bulchaan Godina Baalee Obbo Abdulhakiim Aliyyii gamasaaniitiin, hojiin Baankiin daldala Itoophiyaa damee dhalarraa bilisaa hojjate hojii boonsaa namaaf rabbi biraallee galata qabu ta'uu ibsuun; dhaabbileen misoomaa kamuu hawaasa irraa fayyadaman deebisanii gargaaruufi tajaajila lammummaarratti xiyyeeffannaan hojjachuu akka qaban ibsaniiru.

22/03/2025

Galatoma Cooperative Bank of Oromia

Banki Hawaasa Balla Ta'u kessan Wan Nutti Agarsiftanif Galatoma🙏

Ifxaarri har'aa, qe'ee warra Jeneraal Waaqoo Guutuu Baalee Roobeetti
Koopbaank Alhuudaan baatii guddicha Ramadaanaa sababeeffachuun sagantaa ifxaaraa maamiltootasaaf qopheessaa jiru, darabeen har'aa, kan maamiltootasaa magaalaa Roobee ture.

20/03/2025

Balaa tiraafikaa qaqqabeen lubbuun namoota shanii darbee jira.

Bulchiinsa Magaalaa Roobee kutaa Magaalaa Addooshee walashee gandaa Handhuura Roobee iddoo Addaa naannoo Harnaa jedhamuttii guyyaa har'aa (11/07/2017) ganama Naannoo sa'atii 12tti balaan Kun kan qaqqabe.

Itti Gaafatamaan kut/qor/yakkaa waajjira poolisii kutaa magaalaa Addooshee walashee Inispektar Booraa Amaan akka jedhanitti Konkolaataan deddeebisa Uummaataa lakkoofsi gabatee isaa 3-17959 OR ta’e Aanaa Sinaanaa Ganda Hisuu Irraa Uummaata fee'ee gara Magaalaa Roobee osoo deema jiru fi Konkolaata Siinoo tiraakii lakkoofsi gabaatee isaa 3-𝐀22070 E/T ta’e immoo; Magaalaa Roobee irraa gara Aanaa gooroo osoo deemaa jiruun walitti bu'uudhaan;Balaa Du'aa namoota 5 irratti,Balaa Qaama Cimaa namoota 11 irratti,Midhaa Qaama Salphaa namoota 12 irratti qaqqabee; Qabeenyis manca'ee jira.

Sababni Ka'umsa balaa kanaas Seeran qulqullaa'aa kan jiru ta'uus inspeektar Booraa Amaan dubbatanii jiru.

Kominikeeshinii Magaalaa Roobee

17/03/2025

Sundus Sheek Abdurazaaq Ijoollee Baalee Warra Dalloo Mannaati...Dorgommii Qur'aanaa guyyaa kaleessaa Magaalaa Finfinneetti ture irratti Oromiyaa bakka buutee dorgomuudhaan sadarkaa 2ffaa baatee birrii 500,000(Kuma Dhibba Shan) badhaafamte!.

Maashaa Allaah Rabbiin Dabalee Daddabalee Siif haa kennu ammas!...

Kanaan Dura dorgommii Qur'aanaa USA tti ture irratti Furtuun Waaqoo Guutuu sadarkaa 1ffaa bahuun konkolaataa badhaafamuun isii kan yaadatamuudha...Furtuun intala Ilma Jeneraal Waaqoo Guutuuti...

Baale keessatti naannoon Dalloo Mannaa garri Madda Walaabuu laftii fi namni isiillee waan qaalii hammatanii jiru!.

Warra gootummaa gama hundaa qabu...ammas lafnii fi namni keessanillee daran haa mul'atu...Maashaa Allaah Ijarraa Hafaa!.

04/03/2025

Iyyata Jiraatota Magaala Robe

Dhaabbani bishaan dhugaatii maagaalaa Roobee bishaa waliin gahuu fi moo dheebuu walin gahuf hojjata laata?
mee gaafadhaa gurra ummataatiin nuf gaha.
Sararaa diriirsuu malee bishaan sarara diriiru keessa dabre ummata bira gahu dhabne.
Bishaan waliin geenna jedhanii ollaa duraaniin walii qicu lamaanuu dhabsiisaa jiru.
Rabbii jedha dhumne damee teekniikaa jedhamu san nuu gaafadha .