ბათუმის ბულვარი - Batumi Boulevard, ბათუმის ბულვარი, Batumi (2026)

25/05/2026

🇬🇪საქართველოს დამოუკიდებლობის დღის აღსანიშნავად, ბათუმის ბულვარში ტრადიციულად სადღესასწაულო გარემო შეიქმნა. ბულვარის მთავარი ღირსშესანიშნაობები -კოლონადები და „ალი და ნინოს“ ქანდაკება საქართველოს სახელმწიფო დროშებით მოირთო. ეროვნული სიმბოლიკით გაფორმებული გარემო ვიზიტორებს დამოუკიდებლობის დღის მნიშვნელობას შეახსენებს.

🎊საზეიმო ღონისძიებები ანბანის კოშკის მიმდებარე ტერიტორიაზე გაიმართება, სადაც ჰიმნს შეასრულებენ ბათუმის სახელმწიფო მუსიკალური ცენტრის სიმფონიური ორკესტრი, კაპელა და ანზორ ერქომაიშვილის სახელობის ფოლკლორის სახელმწიფო ცენტრის ბათუმის სალოტბარო სკოლა, რის შემდეგაც გაიმართება გრანდიოზული გალა-კონცერტი.
#26მაისი #ესდღეჩვენია 🇬🇪

23/05/2026

ბულვარის თანამშრომლები მწუხარებით ვემშვიდობებით ადამიანს, რომელმაც ერთგულად ემსახურა სსიპ ბათუმის ბულვარის ადმინისტრაციას დაარსების დღიდან დღემდე.

ქალბატონი ანჟელა დიასამიძე გამოირჩეოდა
პროფესიონალიზმით, პასუხისმგებლობითა და საქმისადმი ერთგულებით. ამავდროულად, იგი იყო საჯარო მოხელე, რომელმაც ბულვარის ღვაწლმოსილი თანამშრომლის ჯილდოც ჩვეული თავმდაბლობით მიიღო და მუდამ კადრს მიღმა არჩევდა ყოფნას. თანამშრომლების მიმართ განსაკუთრებული დამოკიდებულებით კი იგი ყოველთვის დარჩება თითოეული ჩვენგანის მეხსიერებაში.

ვუსამძიმრებთ ოჯახს, ახლობლებს, ყველას, ვისთვისაც ძვირფასი ადამიანი იყო.🙏🏻

22/05/2026

ძველ ბულვარში, ბამბუკების ხეივნის გასწვრივ მდებარე კვების ობიექტის დემონტაჟი განხორციელდა. აღნიშნულ კაფე-ბარს ამოწურული ჰქონდა საიჯარო ხელშეკრულებით განსაზღვრული სანებართვო ვადა.

კვების ობიექტის სადემონტაჟო სამუშაოები ბათუმის ბულვარის მობილურმა ჯგუფებმა განახორციელეს. დემონტაჟის შემდეგ სამშენებლო ნარჩენების გატანა და არსებული ტერიტორიის მოწესრიგება განხორციელდება.

აღნიშნული პროცესი ემსახურება რეკრეაციული სივრცის გაუმჯობესებას და მოწესრიგებული დასასვენებელი გარემოს შექმნას.

22/05/2026

🌳ბათუმის ბულვარში საგაზაფხულო გამწვანებითი სამუშაოები აქტიურ რეჟიმში მიმდინარეობს. ამ ეტაპზე, ძველი ბულვარის ტერიტორიაზე სეზონურად მოყვავილე ერთწლოვანი ყვავილების დარგვა ხორციელდება, რაც მწვანე სივრცეებს კიდევ უფრო მიმზიდველ და მრავალფეროვან იერს შესძენს.

დარგვითი ღონისძიებების პარალელურად, აქტიურად მიმდინარეობს ხე-მცენარეების მოვლითი სამუშაოებიც, კერძოდ: ნარგავების გასხვლა-ფორმირება, გაზონების გაცელვა, ნიადაგის გაფხვიერება, სარეველებისგან გასუფთავება და სხვა.

გამწვანებითი ღონისძიებების ფარგლებში, განახლდება როგორც ძველი, ისე ახალი ბულვარის საყვავილე კლუმბების დიზაინი. პარალელურად, რეკრეაციულ სივრცეებში მრავალწლოვანი ხე-მცენარეები ირგვება, ხოლო მწვანე ზონები ახალი საფარით განახლდება.

21/05/2026

ტურისტული სეზონის მზადების ფარგლებში, სასეირნო ბილიკების რეაბილიტაცია აქტიურ რეჟიმში მიმდინარეობს. პროექტის ფარგლებში, ნ. დუმბაძის და დ. თავდადებულის ქუჩების გასწვრივ, 2 100 კვ.მ ფართობზე მოეწყობა ახალი დეკორატიული ფილები და ბორდიურები.

უკვე დასრულებულია სანიაღვრე ქსელის მილების მოწყობა, ხოლო ამ ეტაპზე მიმდინარეობს ცხაურების მონტაჟი. პროექტის დასრულების შემდეგ მნიშვნელოვნად გაუმჯობესდება სასეირნო სივრცე და სრულად აღმოიფხვრება წყლით დატბორვის პრობლემა. პროექტის მიზანია ინფრასტრუქტურის მოწესრიგება და კომფორტული დასასვენებელი გარემოს შექმნა.

20/05/2026

✅⬇️ დღეს აჭარის მთავრობის თავმჯდომარე ზურაბ პატარაძე ბათუმის ბულვარის ადმინისტრაციის თანამშრომლებს შეხვდა.

13/05/2026

ძველ ბულვარში, კოლონადას მიმდებარე ტერიტორიაზე, სადაც ერთ-ერთი კაფე-ბარის დემონტაჟი განხორციელდა, სარეკრეაციო სივრცის კეთილმოწყობა მიმდინარეობს.

გამოთავისუფლებული სივრცე უკვე არსებული იასონ გორდეზიანის სახელობის სკვერის ერთგვარ ბუნებრივ გაგრძელებას წარმოადგენს. შესაბამისად, ბათუმის ბულვარის გამწვანებისა და ლანდშაფტური დაგეგმარების სამსახურის მიერ შემუშავდა სივრცის მოწესრიგებისა და გამწვანების გეგმა, რომელიც აღნიშნულ ადგილს დაუბრუნებს პირვანდელ, ავთენტურ იერსახეს და ჰარმონიულად შეერწყმება გარემოს.

სამუშაოები მოიცავს არსებული ბილიკების მოპირკეთებას, სივრცის გამწვანებას და საბაღე ინფრასტრუქტურის მოწყობას, რომლებსაც ბულვარის შესაბამისი სამსახურები ახორციელებენ.

ტურისტული სეზონისთვის ახალი გამწვანებული სივრცე მნიშვნელოვნად გააუმჯობესებს ძველი ბულვარის ცენტრალური ნაწილის იერსახეს და ბულვარის ვიზიტორებისთვის დამატებით მიმზიდველ გარემოს შექმნის.

10/05/2026

✅ბათუმის ბულვარის დირექტორი არჩილ ანთაძე, ძველ ბულვარში მდებარე ბავშვთა გასართობ სივრცეში იმყოფებოდა, სადაც სარეაბილიტაციო სამუშაოების მიმდინარეობას ადგილზე გაეცნო.

🌈ბათუმის ბულვარში საბავშვო მოედნების სარეაბილიტაციო სამუშაოები დასრულების ეტაპზეა, რაც ითვალისწინებს ბულვარში არსებულ ბავშვთა გასართობ სივრცეებში, საბავშვო ინფრასტრუქტურის გაუმჯობესებას.

✅მიმდინარე სამუშაოების ფარგლებში ჩატარდა სარემონტო და სამღებრო სამუშაოები, განახლდა ამორტიზებული ატრაქციონები და საბავშვო ანიმაციური გმირების დეკორატიული ელემენტები. ამ ეტაპზე, მიმდინარეობს ახალი კაუჩუკის საფარის დაგება.

“განხორციელებული სამუშაოების შედეგად მნიშვნელოვნად გაუმჯობესდება ბულვარის საბავშვო გასართობი გარემო, რაც პატარებისთვის სივრცეს უფრო უსაფრთხოსა და კომფორტულს გახდის” - აღნიშნა არჩილ ანთაძემ.

01/05/2026

🎑 ბათუმში, საერთაშორისო ტურისტული გამოფენა ,,EBIT 2026" გრძელდება

📍 ბათუმი, სასტუმრო ,,შერატონი"
📅 30 აპრილი - 2 მაისი

✅ ,,EBIT 2026" კომპანია Expo Batumi - ის ორგანიზებით იმართება

📌დასწრება უფასოა

01/05/2026

ზაფხულის ტურისტული სეზონისთვის მზადების ფარგლებში, ბათუმის ბულვარში მდებარე საჭადრაკო კლუბ „ნონას“ შენობას სარემონტო-სამღებრო სამუშაოები უტარდება.

მიმდინარე სამუშაოების ფარგლებში განახლდება შენობის ფასადი და ინვენტარი, რის შემდეგაც საჭადრაკო კლუბი „ნონა“ კვლავ აქტიურად უმასპინძლებს სხვადასხვა სპორტულ ტურნირსა და ღონისძიებას.

30/04/2026

ბათუმში ტურიზმისა და სასტუმრო აღჭურვილობის მე-17 საერთაშორისო გამოფენა „EBIT 2026“ გაიხსნა, რომელიც რეგიონში ტურისტული პოტენციალის წარმოჩენის მნიშვნელოვან პლატფორმას წარმოადგენს.

წელს პირველად, გამოფენაში ბათუმის ბულვარიც ღებულობს მონაწილეობას, რომელიც დამთვალიერებლებს ქალაქის მთავარი სარეკრეაციო სივრცის გაცნობას სთავაზობს. ბულვარის სტენდთან წარმოდგენილი იყო საპრომოციო და ბრენდირებული მასალები ბულვარის ღირშესანიშნაობების შესახებ.

გამოფენის ფარგლებში, ბათუმის ბულვარის სტენდი აჭარის მთავრობის თავმჯდომარემ ზურაბ პატარაძემ, ქალაქ ბათუმის მერთან გიორგი ცინცაძესთან და მთავრობის წარმომადგენლებთან ერთად დაათვალიერა.

ღონისძიებას, ასევე, ესწრებოდნენ ბათუმის ბულვარის დირექტორი, არჩილ ანთაძე და ადმინისტრაციის წარმომადგენლები.

საერთაშორისო გამოფენა „EBIT 2026“ კომპანია „ექსპო ბათუმის“ ორგანიზებით იმართება და მასში მონაწილეობას იღებს 90-მდე ადგილობრივი და საერთაშორისო ტურისტული კომპანია.

ბათუმის ბულვარი - Batumi Boulevard

25/05/2026

23/05/2026

22/05/2026

22/05/2026

21/05/2026

20/05/2026

13/05/2026

10/05/2026

01/05/2026

01/05/2026

30/04/2026

Address

Website

Alerts

Contact The Business

Shortcuts

Share