Svaneti DMO

26/05/2026

სვანეთიდან- შანხაიმდე 💥 ჩვენი რეგიონი მსოფლიო ტურიზმის ეპიცენტრშია! ✨

​Svaneti DMO ჩინეთში,​ "ITB China 2026"-ზეა წარმოდგენილი, რომელიც აზიის რეგიონში ერთ-ერთ ყველაზე მასშტაბურ ტურისტულ მოვლენად ითვლება. წელს ამ გამოფენაზე საქართველო განსაკუთრებული, პარტნიორი ქვეყნის სტატუსით არის წარდგენილი, რაც იმას ნიშნავს, რომ ჩვენს ქვეყანას და მათ შორის სვანეთს, ორმაგად დიდი ყურადღება და საუკეთესო საგამოფენო სივრცე აქვს დათმობილი. სწორედ ამ უმსხვილეს საერთაშორისო ტურისტულ გამოფენაზე, "Svaneti DMO" უნიკალურ პოტენციალს გააცნობს გამოფენაზე მოსულ ვიზიტორებს 💥

საუკუნოვანი ​კოშკების მხარე, თავისი საოცარი ბუნებით, კულტურითა და სტუმარ-მასპინძლობის ტრადიციებით, აზიის ბაზრისთვის ერთ-ერთ ყველაზე მიმზიდველ მიმართულებად ყალიბდება.✅️
ეს ვიზიტი ახალ, დიდ შესაძლებლობებს გაუხსნის სვანეთის თითოეულ საოჯახო სასტუმროსა თუ გიდს.
დაინტერესება ძალიან დიდია! 🙌🚩
​წარმატებები ჩვენს გუნდს სვანეთის სახელით მსოფლიო ასპარეზზე!

21/05/2026

საქართველოს ინოვაციების და ტექნოლოგიების სააგენტო (GITA) გიწვევთ რეგიონულ პრე-აქსელერაციის პროგრამაში!

ეს არის სპეციალურად რეგიონში მცხოვრები ინოვაციური მეწარმეებისთვის შექმნილი 4-კვირიანი ინტენსიური თეორიული და პრაქტიკული კურსი, რომელიც დაგეხმარება პირველი ნაბიჯების გადადგმასა და იდეის სწორად განვითარებაში.

რატომ უნდა მიიღო მონაწილეობა?

· ისწავლი მთავარს: გაივლი იდეის ვალიდაციას, შექმნი პროდუქტის პირველად ვერსიას (MVP) თანამედროვე AI ინსტრუმენტების დახმარებით და დახვეწავ პრეზენტაციის (Pitching) უნარებს.

· მოემზადები გრანტისთვის: პროგრამის გავლა საუკეთესო გზაა სააგენტოს 25,000 ლარიან საგრანტო კონკურსსა თუ საერთაშორისო აქსელერატორებში მოსახვედრად.

· მიიღებ მენტორინგს: გამოცდილი მენტორები და წარმატებული სტარტაპერები ინდივიდუალურად იმუშავებენ შენთან.

· გააცნობ შენს იდეას ჟიურის: კურსის ბოლოს გაიმართება "დემო დღე", სადაც ჟიურის წინაშე წარდგები და მიიღებ ღირებულ უკუკავშირს.

პროგრამაში მონაწილეობა სრულად დაფინანსებულია! მონაწილეებისთვის უზრუნველყოფილი იქნება ტრანსპორტირება, კვება და ყველა საჭირო სასწავლო მასალა.

ვის შეუძლია მონაწილეობა? პროგრამა განკუთვნილია საქართველოს რეგიონებში მცხოვრები დაინტერესებული პირებისთვის, ვისაც აქვს ინოვაციური ბიზნეს იდეა ან სურს სტარტაპ გუნდის ჩამოყალიბება.

შეავსე სარეგისტრაციო ფორმა და გადადგი პირველი ნაბიჯი ინოვაციების ეკოსისტემაში.

სარეგისტრაციო ბმული: https://apps.mygita.ge/zs/m3CZ2e

19/05/2026

02/05/2026

სვანეთის პოპულარიზაცია გრძელდება! 💥
​30 აპრილიდან 2 მაისის ჩათვლით, სვანეთის დანიშნულების ადგილის მართვის ორგანიზაცია-"Svaneti DMO" მონაწილეობას იღებდა ტურიზმისა და სასტუმრო აღჭურვილობის მე-17 საერთაშორისო გამოფენაში "EBIT 2026", რომელიც ქალაქ ბათუმში, კომპანია „EXPO BATUMI’’-ის ორგანიზებით გაიმართა.
​გამოფენა მნიშვნელოვანი პლატფორმაა ტურიზმის სფეროს პროფესიონალების გასაერთიანებლად. ჩვენი გუნდი აქტიურად მუშაობს:
🤝 ახალი ბიზნეს კონტაქტების დასამყარებლად;
📈 ინოვაციური სერვისების გასაცნობად;
🏔️ სვანეთის ტურისტული პოტენციალის კიდევ უფრო ფართოდ წარმოსაჩენად.
​მსგავსი ღონისძიებები გვეხმარება, სვანეთი საერთაშორისო სტანდარტების შესაბამის, წამყვან ტურისტულ მიმართულებად ვაქციოთ.

​

26/03/2026

🇬🇪 საერთაშორისო ტურისტულ პლატფორმაზე Global Travel Awards საქართველომ 2026 წლის საუკეთესო განვითარებადი ტურისტული მიმართულების „Best Emerging Travel Destination“ კატეგორიაში გამარჯვება მოიპოვა 🏆

🏙️ Global Travel Awards ლონდონში მოქმედი საერთაშორისო ტურისტული პლატფორმაა, რომელიც ყოველწლიურად ღია კენჭისყრით ატარებს გამოკითხვებს და გამარჯვებულებს ავლენს სხვადასხვა ნომინაციაში. 💥

18/03/2026

იჩქარე და დარეგისტრირდი⬇️
ტრენინგი „პირველი დახმარება მესტიაში" - 24-25 მარტი ⬇️
ტურიზმის ინდუსტრიის ხელშეწყობის მიზნით, მთელი ქვეყნის მასშტაბით, ტურისტულად საინტერესო ადგილებში მთელი წლის განმავლობაში "სსიპ საქართველოს ტურიზმის ეროვნული ადმინისტრაციის" ორგანიზებით არაერთი მოკლევადიანი სასწავლო კურსი ხორციელდება.
ამ ეტაპზე დავგეგმეთ ტრენინგი „პირველი დახმარება“ მესტიაში (ტრენინგი განკუთვნილია ტურიზმის სექტორში დასაქმებულთათვის და დასაქმების მსურველთათვის (გიდები, განთავსების და კვების ობიექტების წარმომადგენლები, სამთო გამყოლები და ა.შ.)

ტრენინგის ძირითადი თემატიკები:

●პირველი სამედიცინო დახმარების მნიშვნელობა:
რა არის პირველი დახმარება, რატომ არის მნიშვნელოვანი და როგორ შეუძლია მას ადამიანის სიცოცხლის გადარჩენა სასწრაფო დახმარების მოსვლამდე.

●უსაფრთხო გარემოს შეფასება:
შემთხვევის ადგილზე მისვლისას როგორ შევაფასოთ სიტუაცია, როგორ დავიცვათ საკუთარი თავი და დაშავებული დამატებითი საფრთხისგან.

●გონების მდგომარეობისა და სუნთქვის შემოწმება:
როგორ შევამოწმოთ არის თუ არა ადამიანი გონებაზე, სუნთქავს თუ არა და როდის უნდა გამოვიძახოთ სასწრაფო დახმარება.

● გულ–ფილტვის რეანიმაცია (CPR):
რა არის CPR, როდის გამოიყენება და რა ძირითადი ნაბიჯები უნდა ვიცოდეთ გულის გაჩერების დროს.

●ძლიერი სისხლდენის შეჩერება:
როგორ ამოვიცნოთ სისხლდენა და რა მეთოდებით შეიძლება მისი დროებით შეჩერება (წნევა ჭრილობაზე, სახვევი და სხვ.).

● დამწვრობები და მათი პირველადი დახმარება:
დამწვრობის ტიპები და როგორ უნდა მოვიქცეთ დამწვრობის შემთხვევაში.

● მოტეხილობები და დაზიანებები:
როგორ ამოვიცნოთ მოტეხილობა, რა არის იმობილიზაცია და როგორ დავიცვათ დაზიანებული ადგილი.

● გულისწასვლა და შოკი:
რა სიმპტომები ახასიათებს გულისწასვლას ან შოკს და რა მოქმედებები უნდა განხორციელდეს პირველ ეტაპზე.

●დახრჩობა და სასუნთქი გზების დახშობა:
როგორ დავეხმაროთ ადამიანს, რომელსაც სასუნთქი გზა აქვს დახშული.

●სასწრაფო დახმარების გამოძახება და კომუნიკაცია:
როგორ სწორად გადავცეთ ინფორმაცია დისპეტჩერს და რა უნდა ვიცოდეთ დახმარების მოსვლამდე.

○ტრენინგი მესტიაში დაიგეგმა მიმდინარე წლის 24 და 25 მარტს.

○ტრენინგის ჩატარების ადგილმდებარეობას და საათს ვაზუსტებთ და გაგაგებინებთ უახლოეს დღეებში.

○ტრენინგის ხანგრძლივობა: 2 დღე, 8 საათი, დღეში 4 საათი. (დილის და შუადღის შესვენებით.)

ჯგუფში- 20 დამსწრე იქნება, ამიტომ მსურველები დარეგისტრირდით და მოიწერეთ ამ ელექტრონულ ფოსტაზე - [email protected] თქვენი სახელი,გვარი,საკონტაქტო ნომერი, ელ-ფოსტა და პოზიცია.
დეტალებზე დარეკეთ : 599077814
@მხურვალე გულშემატკივრები

04/03/2026

🇩🇪✨ "ITB Berlin 2026"-ზე განსაკუთრებული და სიმბოლური მომენტი გვქონდა!
გერმანიაში საქართველოს ელჩი ალექსანდრე კარტოზია "სვანეთი DMO"-ს სტენდთან მოვიდა და დიდი სიყვარულით მოირგო სვანური ქუდი 🏔️
ეს ჟესტი ჩვენთვის ბევრს ნიშნავს — სვანეთის კულტურის, ტრადიციებისა და იდენტობისადმი პატივისცემას და დიდ ინტერესს.
მსგავსი შეხვედრები კიდევ უფრო აძლიერებს საქართველოსა და გერმანიას შორის ტურისტულ და კულტურულ თანამშრომლობას. 💥
მადლობა სტუმრობისთვის და სვანეთის მხარდაჭერისთვის!

03/03/2026

სვანეთის "DMO" მონაწილეობას იღებს საერთაშორისო ტურისტულ გამოფენაში
"ITB Berlin 2026" 💥 ეს გამოფენა მსოფლიოში ერთ-ერთი ყველაზე მასშტაბური და გავლენიანი ტურისტული გამოფენაა, სადაც თავს იყრიან ტურიზმის სფეროს პროფესიონალები-ტურ-ოპერატორები, ავიაკომპანიები, სასტუმროები და სხვადასხვა ქვეყნისა და რეგიონის წარმომადგენლები. ღონისძიება მნიშვნელოვანი პლატფორმაა ახალი პარტნიორობების, თანამშრომლობებისა და მიმართულებების პოპულარიზაციისთვის.
მოხარულები ვართ, რომ "Svaneti DMO" წელსაც წარმოადგენილია ამ საერთაშორისო არენაზე, სადაც მსოფლიოს ვაცნობთ ჩვენს უნიკალურ ბუნებას, კულტურას, მთებსა და ავთენტურ გამოცდილებებს 💥
ჩვენ ვაგრძელოთ სვანეთის პოპულარიზაციას გლობალურ ტურისტულ ბაზარზე! 🏔️
შეგახსენებთ, რომ ბერლინი ამ გამოფენის 60 წლის იუბილეს აღნიშნავს! 💥

​Svaneti DMO at ITB Berlin 2026 🏔️💥

​We are thrilled to announce that "Svaneti DMO" is participating in "ITB Berlin 2026", one of the world's most prestigious and influential travel trade shows.
​As a global epicenter for the tourism industry, "ITB Berlin 2026" brings together top-tier professionals, including tour operators, airlines, hoteliers, and regional representatives from across the globe. It serves as a vital platform for forging new partnerships, fostering international collaborations, and showcasing premier travel destinations.
​We are proud to represent Svaneti once again on this international stage. Our mission is to share the soul of our region with the world-from our breathtaking landscapes and ancient culture to our majestic mountains and authentic local experiences.
​We continue our dedicated journey to positioning Svaneti as a must-visit destination on the global tourism map! 💥

15/02/2026

უნიკალური კურორტები- თეთნულდი და ჰაწვალი ჩვენთან, სვანეთშია!❄️ 🗻
აღარ გადადო, დაგეგმე სვანეთის ზამთრის ზღაპარში მოგზაურობა! ❄️🗻

Unique winter resorts — Tetnuldi and Hatsvali — are right here in Svaneti! ❄️🗻
Don’t put it off — plan your journey into Svaneti’s winter fairy tale today! ❄️🗻

14/02/2026

"ლამპრობა" სვანეთში ერთ-ერთი უძველესი და მისტიური დღესასწაულია, რომლის ნახვის სურვილიც წლიდან-წლამდე უფრო მეტ დამსვენებელს უჩნდება.
თუ გინდა შენც დაესწრო ტრადიციულ დღესასწაულებს, დაგეგმე სვანეთში მოგზაურობა- ჩვენთან ერთად💥
ლამპრობის დღესასწაულის შესახებ სრულად კი ჩვენი ვიდეოდან გაიგებთ ⬇️

Lamproba is one of Svaneti’s most ancient and mystical traditions, drawing growing numbers of visitors each year who wish to witness its unique spirit.
If you’d like to experience authentic Svan festivals for yourself, plan your journey to Svaneti with us 💥
Discover the full story and meaning of the Lamproba celebration in our video. ⬇️