23/05/2026
ადგილი, რომელიც ერთხელ მაინც აუცილებლად უნდა ნახო.
ეს არის დავით გარეჯი, სამონასტრო გამოქვაბულთა კომპლექსი, საქართველოს სულიერებისა და კულტურის ერთ-ერთი ბრწყინვალე კერა.
კომპლექსი დაარსდა VI საუკუნის I ნახევარში ერთ-ერთი ასურელი მამის, დავითის მიერ.
იგი თავის მოწაფე ლუკიანესთან ერთად მოვიდა გარეჯის უდაბნოში და დასახლდა პატარა, ბუნებრივ მღვიმეში.
დავით გარეჯის ლავრა განსაკუთრებულ აყვავებას აღწევს XI-XII საუკუნეებში. ამ დროს ფართოვდება ძველი მონასტრები და ასევე იქმნება ახლებიც.
უდაბნოში დაახლოებით 16-მდე მონასტერი აშენდა, რომელთა ნაწილიც სამწუხაროდ დღეს აზერბაიჯანის ტერიტორიაზეა.
ესენია: დავითის ლავრა, დოდოს რქა, ნათლისმცემელი, წამებული, პირუკუღმარი, ვერანგარეჯა, თეთრსენაკები, მრავალწყარო, დიდი ქვაბები, პატარა ქვაბები, საბერები, სათორნე, ხოლაგირი, ბერთუბანი, უდაბნო და ჩიჩხიტური.
დავით გარეჯის ლავრას იქ მოღვაწე ბერ-მონაზონთა სიმრავლის გამო „ბერთა ქალაქს“ უწოდებდნენ.
ლავრა მრავალგზის დარბეულა მტერთა მიერ, მრავალი გარეჯელი მამა აღსრულებულა მოწამეობრივად, მაგრამ განსაკუთრებულია 1616 წლის აღდგომა ღამეს „სიკვდილითა სიკვდილის დათრგუნვა“.
2006 წელს დავით გარეჯს მიენიჭა ეროვნული მნიშვნელობის კულტურის უძრავი ძეგლის კატეგორია, ხოლო 2007 წელს შევიდა იუნესკოს მსოფლიო მემკვიდრეობის საცდელ სიაში.
📍ეს საოცარი ადგილი მდებარეობს საგარეჯოს მუნიციპალიტეტის ტერიტორიაზე, თბილისიდან 70 კმ-ში.
🍃თუ წახვალთ საგარეჯოს მხრიდან გაივლით სოფელ უდაბნოსაც და საოცარი ხედები გადაიშლება თქვენს წინაშე.
გზა კარგად არის გაკეთებული და ნებისმიერი მანქანით მიხვალთ.
👉🏼თუ მოგეწონა ვიდეო ჩემი გვერდის გამოწერა არ დაგავიწყდეს. .kavtaradze
