16/09/2024
🍁ვაგრძელებთ ჩვენს ტურებს შემოდგომის თბილისში❤...
🍁ყოველი კვირის ოთხი დღე-ოთხი განსხვავებული და უნიკალური მიმართულება, დაუვიწყარი შთაბეჭდილებები და ზღვა ემოციები.
🍁🍁ხუთშაბათი-გერმანელი კოლონისტები და ნოი-ტიფლისი.
● XIX ს.ს დასაწყისში საქართველოში გერმანელი კოლონისტების პირველი ნაკადი ჩამოდის და მათი ნაწილი სწორედ აქ, კუკიის დასახლებაზე იდებს ბინას. ამ ადამიანების დაუღალავი და ბეჯითი შრომის შედეგად მალე ნოი-ტიფლისი ქალაქის კულტურული და ინდუსტრიული ცენტრი ხდება, სადაც შეძლებული მოქალაქეები და მდიდარი ფაბრიკანტები იშენებენ სახლებს. სწორედ მიხეილის გამზირზე იხსნება პირველი კინოთეატრები, ულამაზესი ბაღები, იხსნება ქალაქის პირველი ცენტრალიზებული საავადმყოფო, რომლის პროექტიც სწორედ გერმანელი კოლონისტების შთამომავალს, უნიჭიერეს არქიტექტორს-ალბერტ ზალცმანს ეკუთვნის, შენდება ზუბალაშვილების ,,სახალხო სახლი''...
ტურის მსვლელობისას ვეწვევით ხელოვნების სასახლეს, რომელიც უამრავ ძვირფას ექსპონატთან ერთად პრინცი კონსტანტინე ოლდენბურგისა და აგრაფინა ჯაფარიძის საოცარი სიყვარულის ისტორიასაც ინახავს.
● შეხვედრის დრო და ადგილი: M მარჯანიშვილი, მაკდონალდსის შენობის წინ, 11 საათი.
🍁🍁პარასკევი-რუსთაველიდან ორბელიანთუბნამდე.
● არა მხოლოდ ულამაზესი გამზირი... ისტორიით მდიდარი, რჩეული და უნიჭიერესი არქიტექტორების მიერ სიყვარულით შექმნილი სილამაზის სიმფონია, თითოეული შენობა განუმეორებელი და უნიკალური მისიის მატარებელიპ, დედაქალაქის კულტურული ცენტრი, სადაც იძირები წარსულში და თავისთავად გრძნობ კავშირს წინა საუკუნეებთან...
ტურის მსვლელობისას გავივლით გრიბოედოვის ქუჩასაც, სადაც ვეწვევით და მოვინახულებთ ,,არშაკუნის სასახლის'' (დღევანდელი სამხატვრო აკადემია) აღმოსავლურ ,,ბროლის'' და ,,სარკეებიან'' დარბაზებს, აქვე ახლოს ოდესღაც ალექსანდრე ჭავჭავაძეს და მიტროფანე ლაღიძესაც უცხოვრიათ.
ვნახავთ და მოვისმენთ გასული საუკუნეებში აგებული დიდებული სასტუმროების: ,,მაჟესტიკის'', ,,არფასტოს'', ,,ორიანტის'', ,,ლონდონისა'' და ,,გრანდ-ოტელის'' საოცარ ამბებს, ისინი ხომ დღესაც გვატყვევებენ თავიანთი სილამაზით.
ტურს ორბელიანთუბანში დავასრულებთ და აქ ჩვენს ბოლო ისტორიასაც მოვყვებით.
● შეხვედრის დრო და ადგილი: M. რუსთაველი, შ. რუსთაველის ძეგლთან, 11 საათი.
🍁🍁შაბათი. სოლოლაკი-,,თბილისური პარიზი''.
●სოლოლაკი-თბილისის გამორჩეულად ლამაზი და სრულიად განსხვავებული უბანი, XIX ს. თბილისური ბურჟუაზიის პირმშო, დღეს კი უკვე ,,წარმავალი სილამაზე''...
ტურის მსვლელობისას მოვინახულებთ ამ რომანტიული ეპოქის სრულიად განსხვავებულ და ლამაზ არქიტექტურულ მრავალფეროვნებას, სადარბაზოების კედლებისა და ჭერის ულამაზეს მხატვრობებს, მოვისმენთ ცალკეული სახლებისა და მათი მფლობელების ისტორიებს. ვნახავთ ძმები სეილანოვების, კალანტაროვების, სიმენსების, ძმები მილოვების, მირზა რეზა ხანის, ეველინ ტერ-აკოპოვას, ანა მადათოვასა და სხვათა საცხოვრებელ სახლებს. ვეწვევით დიდი მამულიშვილის, დავით სარაჯიშვილის სახლ-მუზეუმს, ვნახავთ სად იბეჭდებოდა გაზეთი ,,ივერია'' და სად ცხოვროვდა ნატო ვაჩნაძე, ჩავალთ გუდიაშვილის მოედანზე... და კიდევ ბევრი რამ.
● ვიკრიბებით თ./მოედანზე საკრებულოს შენობის წინ. 11 საათზე.
🍁🍁კვირა-ძველი თბილისი.
●ტურის მსვლელობისას ჩვენს თვალწინ გაცოცხლდება დედაქალაქის მთელი ისტორია დღიდან მისი დაარსებისა, რასაც ჩვენამდე მშვენივრად შემონახული უნიკალური არტეფაქტები და ისტორიული შენობებიც დაგვიდასტურებენ.
ტურს თ. მოედნიდან დავიწყებთ საიდანაც თბილისი პირველ ნაბიჯებს დგავს ევროპული კულტურისაკენ-აქ ხომ მე-19 საუკუნეში პირველი საოპერო თეატრი იყო! ვნახავთ კარგად შემონახულ ძველი ქალაქის გალავნის ნანგრევებს, ქვას არაბული წარწერით (VIIIს.), დავესწრებით მინი-წარმოდგენას გაბრიაძის საათებიან კოშკთან, ვისაუბრებთ ქართულ დამწერლობაზე, ვნახავთ სად იდგა ვახტანგ VI-ს მიერ დაარსებული პირველი ქართული სტამბა XVIII საუკუნეში. გავივლით მეიდანს და ჩავალთ აბანოთუბანში, სწორედ ამ ადგილს უკავშირდება ლეგენდა ქალაქის დაარსების შესახებ. გავივლით ლეღვთახევს და ავალთ ნარიყალის მთის ძირთან და ჩვენს საინტერესო ტურს მეჩეთთან დავასრულებთ.
ტურის მსვლელობისას გადავიღებთ უამრავ ლამაზ ფოტოს.
● ვხვდებით თ./მოედანზე, პუშკინის სკვერის მიმდებარე ტერიტორიაზე, 11 სთ.
● თითოეული ტურის ღირებულება 25ლ, მოსწავლეებისათვის-10ლ.
🍁ტურებს გაუძღვება სერთიფიცირებული გიდი, საქართველოს გიდების ასოციაციის წევრი Luiza Topeshashvili.
🍁ტურებზე ჩასაწერად გვიკავშირდებით:
595 50 59 57 ან
593 07 55 22 ან გვერდის მესენჯერის საშუალებით.
●ჯგუფური ტურების შემთხვევაში გვიკავშირდებით მინიმუმ 1 კვირით ადრე. ჯგუფს შეუძლია შეარჩიოს მისთვის მისაღები დრო და მარშრუტი.
● გამომდინარე ჩვენი ტურების ინტენსივობიდან, ინდივიდუალური ტურების შემთხვევაში სასურველია დაგვიკავშირდეთ ორი ან სამკაციანი ჯგუფები რათა გარანტირებულად დაკომპლექტდეს ჯგუფი.
