Piligrim TOUR - მოგზაურობა წმიდა მიწაზე

19/04/2025

მაცხოვრის საფლავიდან საქართველოში წმინდა ცეცხლის ჩამოტანისთვის, ტრადიციულად, ჩვენი კომპანიის მიერ ორგანიზებული ჩარტერული რეისი თბილისის აეროპორტში 23:40 წუთზე დაფრინდება.

14/04/2025

დღეს დილით, ჩვენი ორგანიზებული, იერუსალიმში პილიგრიმული მოგზაურობის, 100 მომლოცველისგან შემდგარი, ჯგუფი ისრაელში ჩავიდა. მშვიდობიან მომლოცველობას ვუსურვებთ. 🙏
ჯგუფი საქართველოში წმინდა ცეცხლის ცერემონიის შემდეგ, აღდგომის სადღესასწაულო წირვის დაწყებამდე დაბრუნდება.

27/05/2023

05/08/2018

პატრიარქი ხელისუფლებას და საზოგადოებას: "მოგმართავთ თხოვნით, ნუ დაღუპავთ შვილებს, ნუ დაუშვებთ ამ უკანონობას!"

პატრიარქი ხელისუფლებას და საზოგადოებას: "მოგმართავთ თხოვნით, ნუ დაღუპავთ შვილებს, ნუ დაუშვებთ ამ უკანონობას!"

„ჩვენ ურთულეს დროში ვცხოვრობთ, როცა ადამიანს უძნელდება გაარჩიოს, სად არის კეთილი და სად არის ბოროტი, სად არის თეთრი და სად არის შავი. თუ ადამიანი მორწმუნეა, თუ ადამიანს გააჩნია ღვთის შიში, ის გაარჩევს სად არის ბოროტი და სად - კეთილი. ამ ბოლო დროს საქართველოში დიდი მღელვარება შემოვიდა. ეს მღელვარება დაკავშირებულია იმასთან, რომ ნებადართული გახდა ნარკოტიკების მიღება, ნებადართული გახდა მარიხუანას მიღება. ეს არის დიდი შეცდომა. ჩვენ უნდა გვახსოვდეს, რომ ნარკოტიკები ერთ დონეზე არ ჩერდება. რაც დრო გადის ადამიანის ბუნება უფრო მძიმე ნარკოტიკებს ითხოვს და ვეღარ იკავებს თავს. ჩვენ უნდა გვახსოვდეს, რომ ნარკოტიკების მიღების ნებართვა არის მტრობა ჩვენი ერისა. დარწმუნებული ვარ, რომ ის ადამიანები, რომელთაც გამოიტანეს ეს ნებართვა ნარკოტიკებზე, თვითონ არ არიან თანახმანი, მაგრამ იმდენად დიდია მათზე პრესი, ზეგავლენა, რომ იძულებული გახდნენ ეს დადგენილება გამოეტანათ. არ უნდა დაგვავიწყდეს, რომ თუ ნარკოტიკებს დავუშვებთ, უნდა დავუშვათ ნარკოტიკებით ვაჭრობა და ნარკოტიკების მოყვანა. მთავარი რაც არის, ეს გამოიწვევს მეზობელი ქვეყნებიდან ახალგაზრდების ჩამოსვლას - მეზობელი ქვეყნებიდან ჩამოვლენ ცხოვრების კალაპოტიდან ამოვარდნილი ახალგაზრდები და შეიქმნება მთელი ცენტრი ნარკოტიკების. ამიტომ მივმართავ ყველას, უპირველეს ყოვლისა ხელისუფლებას, ინტელიგენციას და ახალგაზრდობას, რომ გავუფრთხილდეთ სამშობლოს, გავუფრთილდეთ შვილებს, უნდა გვახსოვდეს, რომ ნარკოტიკის ყოველი გასინჯვა დაცემის დასაწყისია. მოგმართავთ თხოვნით, ნუ დაღუპავთ შვილებს, ნუ დაუშვებთ ამ უკანონობას. ღმერთმა მოგცეთ ძალა და სიბრძნე“

21/04/2018

25/12/2017

რამდენი უძილო ღამე და სისხლნარევი ცრემლი გაქვს ჩემო უწმიდესო დაღვრილი ამ დღისთვის. რამდენი დაბრკოლება გადალახული და რამდენი ბრძოლა მოგებული. შიდა თუ გარე მტრების რამდენი ისარი არიდებული. რამდენი გესლი მიღებული, რამდენი შური და რამდენი მტრობა გადალახული. და ეს ყველაფერი გამჩენის, შენი სამწყსო სრულიად საქართველოს და ქართული მართლმადიდებელი ეკლესიის მიმართ უკიდეგანო სასოების, მატერიალურად განუზომელი სიყვარულის და იმ პასუხისმგებლობის წყალობით, რომლის განცდაც ერთი წამითაც არ დაგიტოვებია. არასოდეს ყოფილა ისტორიული მიტრა შენთვის დიდების გვირგვინი და არც მოწამე კათალიკოსების ნაქონი, ძვირფასი ქვებით მოჭედილი ჯვარ-პანაღია - სხეულის გასამშვენებელი. არც კვერთხი და სამღვდელმთავრო შესამოსელი - პატივის მიღების საფუძველი. ყველა ატრიბუტი, რომლებსაც უკვე 55 წელია, როგორც მღვდელმთავარი და 40 წელია, როგორც დაუღალავი მოღვაწე პატრიარქი, თავმდაბლად და მორიდებით ატარებ, გახსენებენ სვეტიცხოველში 40 წლის წინ სულიწმიდით გაჟღენთილი შენი წრფელი გულიდან აღმოთქმულ სიტყვებს: "მე შეგნებული მაქვს ის უმძიმესი და ამავე დროს საპატიო მოვალეობა, რომელიც დღეს, ღვთის ამ წმიდა ტაძრის თაღებ ქვეშ დამაკისრა მაღალმა ღმერთმა"!...
მ რ ა ვ ა ლ ჟ ა მ ი ე რ ჩ ე მ ო პ ა ტ რ ი ა რ ქ ო !

ყველას მოყვარულ და მზრუნველ შენს ჩვილ გულზე გამავალი იარის - გახლეჩილი ტიტულის - ცხუმ-აფხაზეთის მიტროპოლიტობის დე-ფაქტო აღდგენისა და გაბნეული ცხვრების შენი წმიდა ომოფორის ქვეშ დაბრუნებასაც მოვესწრებით შენი და შენი მშობელი საქართველოს მფარველი დედა ღვთისმშობლისა და ყოველთა ქართველთა წმინდანთა მეოხებით ყველანი, შენი ტკბილი სამღვდელმთავრო ლოცვა-კურთხევით და ღვთისათვის სათნო, სრულიად საქართველოს ავტოკეფალური მართლმადიდებელი სამოციქულო ეკლესიის საჭეთმპყრობლობით!!!
ა მ ი ნ !

23/11/2017

10/08/2017

💥ლეგენდარული ქართველი მევიოლინისა და დირიჟორის ლიანა ისაკაძის IX საერთაშორისო მუსიკალური ფესტივალი "ღამის სერენადები" იწყება.📢

📌ფესტივალი საზეიმოდ ბათუმის სასტუმრო შერატონის საკონცერტო დარბაზში 26 აგვისტოს გაიხსნება. 🎇

📌საფესტივალო საღამოები მსოფლიო კლასიკური მუსიკის ვარსკვლავების მონაწილეობით ასევე 28 და 29 აგვისტოს გაიმართება. 🎻

📌31 აგვისტოს კი ფესტივალი ლიანა ისაკაძის, იუსტუს ფრანცისა და "მსოფლიო ვირტუოზების" გრანდიოზული გალა კონცერტით თბილისში, რუსთაველის თეატრში დაიხურება.💥

📌ბილეთების შესაძენად ეწვიეთ ლინკს:
https://biletebi.ge/isakadzefest

📌დამატებითი ინფორმაციისთვის მოგვწერეთ:
[email protected] ✨

15/04/2017

პილიგრიმ ტურსის სააღდგომო ჩარტერი თბილისოს აეროპორტში 00:30 სთ-სთვის დაეშვება! გილოცავთ მესიის აღდგომას!
ქრისტე აღდგა!!!

10/04/2017

Piligrim Tour-ის მიერ ორგანიზებული 105 ტურისტისგან შემდგარი ჯგუფი დღეს დაუბრკოლებლად შევიდა ისრაელის სახელმწიფოში. ეს კიდევ ერთხელ მიუთითებს ჩვენი კომპანიის მაღალ რეპუტაციაზე. ჩარტერული რეისის თვითმფრინავი აღდგომის ლიტანიობამდე ერთი საათით ადრე დაეშვება თბილისის აეროპორტში.

21/03/2017

ისტორიული დღეა! დასრულდა მაცხოვრის ყოვლადწმინდა საფლავის (კუვუკლიის) განახლება!