19/05/2026
🥰 ვინ იცის კიდევ როდის განმეორდება
🐦🔥 არ გამოტოვოთ
🇮🇳სულ სხვა ინდოეთი ანდრო დგებუაძესთან ერთად🪷
🗓️15 ოქტომბერი- 28 ოქტომბერი
🌏მთელი ცხოვრება რომ შეალიო ინდოეთში მოგზაურობას მაინც ვერ ამოწურავ. უდიდესი კულტურის და ისტორიის მქონე ქვეყანა მუდამ მზადაა გაგაოცოს. მთავარია ერთხელ გაუღო გულის კარი და აუცილებლად განახებს იმ ათას მოელვარე ფერს, საოცარ კულტურას და უშრეტ სიყვარულს რაც მხოლოდ ინდოეთს შეუძლია რომ მოგცეს.
🪷ამ ტურში ვეცდებით სულ სხვა, ოქროს სამკუთხედს იქეთ მყოფი ძალიან საინტერესო ინდოეთი განახოთ, ისეთი ინდოეთი, რომელიც სულს აგიფორიაქებთ, საკუთარ უკეთეს “მეს” დაგანახებთ და სილამაზეს და სიკეთეს ერთ ფერს შესძენს.
🫶🏼მოგზაურობას ინდოეთის მწვანე დედაქალაქით დავიწყებთ. ათასწლეულების მანძილზე დელი იყო მუღალების სასახლეების, ბრიტანული კოლონიური არქიტექტურის და არაბული მეჩეთების ისტორიული ნავსაყუდელი. დღესაც ქალაქი რამდენიმე ეპოქაში ერთდროულად ცხოვრობს.
ვნახავთ ჰუმაიუნ ტომბს -ალბათ ამაზე მშვენიერი სასახლე და ბაღი ჯერ ქალს კაცის პატივსაცემად არ აუშენებია, დედოფალმა ჰაჯი ბეგუნმა თავის მწიგნობარი ქმრის სახელის უკვდავსაყოფად იმ დროისთვის მსოფლიოში უნიკალური ბაღი გააშენა, დღეს სასახლეც და ეზოც იუნესკოს დაცვის ქვეშ იმყოფება. ამბობენ, აქედან მიიღო ტაჯ მაჰალის არქიტექტორმა შთაგონება, იმასაც ამბობენ, მუღალთა იმპერიის სულმა სწორედ აქ დაიწყო მარადიულობაში გადასვლა.
ვნახავთ აგრასენ კი ბაოლს -უძველეს კიბეებიან წყალსაცავს დელიში, რომელიც დღესაც მოქმედია და 60 მეტრი სიღრმისაა მიწის დონიდან, ეს ადგილი თავის უძველესი სამრეცხაოთი მიგნებაა ფოტოხელოვანთათვის .
ქუთუბ მინარი, მსოფლიოში ერთ-ერთი ყველაზე მაღალი აგურის მინარეთი თითქოს ცას ეხება. XIII საუკუნეში აგებული ეს მინარეთი ინდოეთში ისლამური ეპოქის დასაწყისის სიმბოლოდ ითვლება. ლეგენდის მიხედვით, მის ქვებში ჯერ კიდევ ისმის ძველი დელის ჩურჩული.
დღე რომ დაისისკენ წავა თანამედროვე ინდოეთის საოცრებას - აქშარდამის სასახლეს ვეწვევით.
არც ქალაქის გულში აღმართულ ინდოეთის კარიბჭეს გამოვტოვებთ, იქაურობა თითქოს დუმილით ინახავს პირველი მსოფლიო ომის დროს დაღუპული ინდოელი ჯარისკაცების ხსოვნას.
დღის ბოლოს ქალაქის კოლონიური ნაწილს პრეზიდენტის სასახლეს და პარლამენტს დავათვალიერებთ გარედან.
🏨სასტუმრო: Le Meridien New Delhi https://www.booking.com/Share-Q6j4Kn
🔅დღე 2 ბჰუბანეშვარი ტაძრების ქალაქი
დღეიდან სულ სხვა ინდოეთი იწყება, გადავფრინდებით ინდოეთის უკიდურეს აღმოსავლეთ ბენგალის ყურის ულამაზეს ქალაქ ბჰუბანეშვარიში, რომელსაც „ინდოეთის ტაძრების დედაქალაქსაც“ უწოდებენ. ოდესღაც აქ ათასზე მეტი ტაძარი იდგა და ქალაქი ერთ დიდ სულიერ ლაბირინთს ჰგავდა.
ყველაზე შთამბეჭდავია Lingaraj Temple XI საუკუნის გრანდიოზული შივას ტაძარი. მისი ქვის კოშკები თითქოს ცისკენ ამავალ ლოცვას ჰგავს. ადგილობრივები ამბობენ, რომ აქ დრო ნელდება და ღმერთ შივას ენერგია დღემდე ცოცხალია.
Mukteswara Temple ინდური ქვის ჩუქურთმის ნამდვილი შედევრია. მის თაღებს „ქვის მაქმანებსაც“ ადარებენ.
Rajarani Temple განსაკუთრებულია იმით, რომ კონკრეტულ ღვთაებას არ ეძღვნება. ლეგენდის მიხედვით, აქ ოდესღაც მეფე და დედოფალი საიდუმლო რიტუალებს ატარებდნენ.
შემდეგ ვეწვევით Udayagiri and Khandagiri მეორე საუკუნის დროინდელ გამოქვაბულებს, სადაც ჯაინი ბერები მედიტაციაში ატარებდნენ წლებს. ქვებზე შემორჩენილი წარწერები და ჩუქურთმები ინდოეთის უძველეს ფილოსოფიურ სამყაროში გამოგზაურებთ.
🏨სასტუმრო: Mayfair Lagoon https://www.booking.com/Share-DPU1I1
🔅დღე 3 — კონარკი და პური: მზის ეტლი და ხელოვანთა სოფელი
ეს დღე ინდოეთის ყველაზე მისტიკურ მხარეში ჩაგვიყვანს, ქალაქი პური და კონარკის მზის ტაძარი.
არ არსებობს სიტყვათა ჯგუფი, რომელიც მის სილამაზეს აღწერს და ფურცელზე გადმოიტანს, XIII საუკუნეში აგებული ტაძარი მზის ღმერთის გიგანტურ ქვის ეტლს ჰგავს. 24 ქვის ბორბალი დროს აღნიშნავს, ხოლო შვიდი ქვის ცხენი მზის მოძრაობას განასახიერებს. ერთ დროს ტაძრის მწვერვალზე მოთავსებული მაგნიტი იმდენად ძლიერი იყო, რომ თურმე ზღვის გემების კომპასებსაც კი აფუჭებდა.
იცოდით რომ ინდოეთში არსებობს ხელოვანთა სოფელი? აქ ყველა ოჯახი ფერმწერი, მხატვარი, ან მოქანდაკეა. შთამომავლობით გადაცემული ოჯახური რელიკვია ხელოვნება ამ სოფლის მკვიდრთა მთავარი საგანძურია. Raghurajpur Heritage Crafts Village ვნახავთ პატაჩიტრას უძველეს მხატვრობას, რომლის ფესვებიც ათასწლეულებს ითვლის. საღამოს კი ტრადიციული გოტიპუას ცეკვა და სოფლის მკვიდრთა თეატრალური დადგმები სულ სხვა განსხვავებულ ოდიშას სულს შეგვაგრძნობინებს.
🏨სასტუმრო: Sterling Arka Suites, Puri https://www.booking.com/Share-96Bvsjo
🔅დღე 4 ჩილიკას ტბა და დელფინები
დღეს ინდუიზმის ერთ-ერთ ყველაზე წმინდა Jagannath -ის ტაძარში ვიზიტით დავიწყებთ. აქ ყოველწლიურად იმართება ცნობილი „რათა იატრა“, როდესაც ღმერთების უზარმაზარ ეტლებს ათასობით მლოცველი ქუჩებში დაატარებს.
შუადღეს კი ნავით აზიის უდიდეს მარილიან ტბა ჩილიკაზე სეირნობით გავილამაზებთ. ლაგუნაში მონებივრე დელფინები მზის ფონზე მოელვარე წყალზე კამარას ჩვენს გულის გასახარად შეკრავენ. ადგილობრივები მათ „ტბის სულებს“ ეძახიან.
საღამოს ოქროს სანაპიროზე ზღვის ხმაური და ინდოეთის აღმოსავლეთის მშვიდი ატმოსფერო სრულიად სხვა ინდოეთს დაგანახებთ: ნელ, თბილ და მედიტაციურს.
🏨სასტუმრო: Sterling Arka Suites, Puri https://www.booking.com/Share-96Bvsjo
🔅დღე 5 ბადამი: ქვის ქალაქი
ფრენა სამხრეთ ინდოეთში კარნატაკას მხარეში, ჩასვლა წითელ კლდეებში ჩაფლულ უძველეს დედაქალაქ ბადამში.
ბადამის გამოქვაბულები მეექვსე საუკუნეშია გამოკვეთილი. საუკუნეებს მანძილზე აქ ინდუისტური და ჯაინისტური ტაძრები ერთმანეთის გვერდით თანაარსებობს, რაც იმდროინდელი ინდოეთის საოცარ ტოლერანტობაზე მეტყველებს. მზის ჩასვლისას კლდეები სისხლისფერ ტონებში იღებება და ქალაქი თითქოს ძველი მითოლოგიის სამყაროდ იქცევა.
🏨სასტუმრო : Sterling Banashree Badami https://www.booking.com/Share-hyauVC2
🔅დღე 6 პატადაკალი და აიჰოლე: ტაძრების აკვანი
სამხრეთ და ჩრდილოეთ ინდური არქიტექტურის მთავარი მშვენება, იუნესკოს დაცვის ქვეშ მყოფი ჩალუკიას დინასტიის სამეფო ცერემონიების ადგილი პატადაკალი, ვიზიტორს თავის სილამაზით ერთხანს მდუმარედ ამყოფებს.
მომდევნო ვიზიტი კიდევ უფრო შთამბეჭდავია, “ ინდური ტაძრების არქიტექტურული აკვანი” აიჰოლეს ანსამბლი, ასზე მეტი გაფანტული ტაძარი დროსა და სივრცეში, ყოველი მათგანი თითქოს ექსპერიმენტია, რომლებმაც მოგვიანებით ინდური არქიტექტურის სრულყოფილი ფორმები შექმნა.
საღამოს კი ლეგენდარულ ჰამპიში ჩავალთ- ქვებსა და ნანგრევებში ჩაძირულ სრულყოფილებაში, რომელმაც ერთ დროს მთელი ინდოეთის იმპერია შექმნა.
🏨სასტუმრო: Evolve Back Hampi https://www.booking.com/Share-FSkkZTA
🔅დღე 7 ჰამპი: დაკარგული იმპერია
ოდესღაც ჰამპი მსოფლიოს ერთ-ერთი უმდიდრესი ქალაქი იყო. მეთექვსმეტე საუკუნეში უცხოელი მოგზაურები მას რომსა და კონსტანტინოპოლსაც კი ადარებდნენ.
ვირუპაშკას ყველაზე მნიშვნელოვან ტაძრად ითვლება ინდოეთში, სადაც უკვე ასწლეულებია ზარები ხმა ისმის უწყვეტად, არქიტექტურის სასწაული, რომლითაც მისი ჩუქურთმებიანი ჭერია მოხატული ბოლომდე შეუსწავლელ ამოცანად რჩება, იქვეა ვიტალას ტაძარი, რომელიც ცნობილია თავის ქვის ეტლით და მუსიკალური სვეტებით , ტაძარს ჰამპის არქიტექტურის საოცრებასაც ეძახიან და ქალაქის სიმბოლოდ არის გამოცხადებული. ამბობენ, რომ მისი სვეტები ოდესღაც სხვადასხვა მუსიკალურ ხმას გამოსცემდა.
ლოტოსის სასახლე, სპილოების სადგომები და სამეფო კომპლექსები დაკარგული იმპერიის სიდიადეს აცოცხლებს. ასევე დავათვალიერებთ ჰამპის ბაზარს, ჰემკუტას გორაკის ტაძარს, რამაარაზსა და აჩუტარაიას ტაძრებს და გვიან დავბრუნდებით სასტუმროში.
🏨სასტუმრო: Evolve Back Hampi https://www.booking.com/Share-FSkkZTA
🔅დღე 8 ჰუბლი
გზა სამხრეთ ინდოეთის სოფლებზე, ქოქოსის ტყეებსა და წითელ მიწებზე გადის. აქ დრო თითქოს სხვაგვარად მიედინება. ტაძრებიდან ზარების ხმა ისმის, ხალხი უფრო მშვიდია ვიდრე დიდ ქალაქებში, მიწა ჟასმინის სუნითაა გაჯერებული, გზად გავივლით ხორბლისა და მდოგვის ოქროსფერ მინდვრებს, ქოქოსის პალმებსა და ,ბრინჯის ველებს.
🏨სასტუმრო: The President Hotel https://www.booking.com/Share-uke0QQ
🔅დღე 9 — ჯოდჰპური: ლურჯი ქალაქი
Jodhpur უდაბნოს შუაგულში აღმართული ლურჯი ქალაქია. მისი ლურჯი სახლები ოდესღაც ბრაჰმანების უბნებს აღნიშნავდა, თუმცა დღეს ქალაქის სიმბოლოდ იქცა.
შუაგულ ქალაქში 400 ფუტის სიმაღლეზე მდებარეობს ინდოეთში ერთ-ერთი დიდი ციხესიმაგრე მეჰრანგაჰარი, ვნახავთ ჯასვატ თადაშს- ამ ნაგებობას დამსახურებულად უწოდებენ თეთრი მარმარილოს არქიტექტურის სასწაულს.
დღის მეორე ნაწილს ქალაქის საფეხმავლო ტურს დავუთმობთ და გადავიღებთ ულამაზეს ფოტოებს, ჯოდპურს, იგივე ცისფერ ქალაქს ფოტოგრაფების სამოთხესაც უწოდებენ.
🏨სასტუმრო : Daspan House https://www.booking.com/Share-L7PkuJq
🔅დღე 10 — მეჰრანგარჰის ციხე და ბიშნოის ტომები
ჯოდპურიდან დაახლოებით 25 კილომეტრში მდებარეობს სოფელი ბიშნოი, რომელიც უნიკალური ხელნაკეთი ნივთებითაა სახელგანთქმული, აქაურ ბაზრობებზე შეძენილი სუვენირები საპატიო ადგილს დაიდებს თქვენი სახლის სამოგზაურო მუზეუმში. ვნახავთ ტრადიციული სამოსით გამოწყობილი მამაკაცების, წინაპრების ვერცხლის სამკაულებით შემოსილი ქალებს, გზაზე შემოგვხვდება უამრავი ფარშევანგი და სხვა ფერადი ფრინველი, ეს დღე ნამდვილი სამოთხეა მოგზაურთათვის .
🏨სასტუმრო : Daspan House https://www.booking.com/Share-L7PkuJq
🔅დღე 11 ჯაისალმერი: ოქროს ქალაქი
ჯაისალმერი ქალაქი ოქროსფრად ანათებს. გარშემო ყველაფერი მზისფერია: ქვებიც, სახლებიც, ციხესიმაგრეც. თუ ერთხელ მაინც შეესწარით აქაურ აისს, ან დაისი არასდროს დაგავიწყდებათ…
Jaisalmer Fort მსოფლიოში ერთ-ერთი იშვიათი ცოცხალი ციხეა, სადაც დღესაც ადამიანები ცხოვრობენ. ვიწრო ქუჩებში დადიან ბავშვები, მუშაობენ ხელოსნები, ტაძრებიდან კი ზარების ხმა ისმის.
ჯაისალმერის ჰაველები, მდიდარი ვაჭრების სასახლეები ინდური არქიტექტურის ნამდვილი შედევრებია.
განსაკუთრებით ცნობილია: Patwon Ki Haveli, Salim Singh Ki Haveli, მათი აივნები, ქვის ჩუქურთმები და ფანჯრები იმდენად დეტალურია, რომ შორიდან ხის ნაკეთობას ჰგავს, თუმცა ყველაფერი ქვაშია გამოკვეთილი.
საღამოობით მუსიკოსები რაჯასტანურ მელოდიებს უკრავენ შუა ქუჩებში და იქაურობას ნამდვილ ჯადოსნურ იერს სძენს. ,
ძველი ლეგენდები ამბობენ, რომ ჯაისალმერი საუკუნეების განმავლობაში აბრეშუმისა და სანელებლების ქარავნების ქალაქი იყო — ადგილი, სადაც სპარსეთიდან, ავღანეთიდან და ცენტრალური აზიიდან მომავალი მოვაჭრეები ჩერდებოდნენ. ამიტომ ქალაქში იგრძნობა არა მხოლოდ ინდური, არამედ შუა აზიური და არაბული ატმოსფეროც.
🏨სასტუმრო: Jaisalmer Marriott Resort & Spa
https://www.booking.com/Share-d2ynTZc
🔅დღე 12 — დაბრუნება დელიში
ჯაისალმერის ოქროსფრიდან ისევ დელის ქაოსურ ენერგიაში დაბრუნება თითქოს ორ სრულიად განსხვავებულ სამყაროს შორის მოგზაურობას ჰგავს. თავისუფალი საღამო დედაქალაქში ათასგვარ საყიდლებსა თუ გულში დარჩენილ ადგილების კიდევ ერთხელ მოსანახულებლად.
🏨სასტუმრო: Le Meridien New Delhi https://www.booking.com/Share-Q6j4Kn
🔅დღე 13 ფრენა საქართველოში
ხშირად ამბობენ, რომ ინდოეთიდან ადამიანი იგივე აღარ ბრუნდება.
შესაძლოა იმიტომ, რომ ეს ქვეყანა არა მხოლოდ ადგილებს, არამედ შინაგან სამყაროსაც ცვლის.
☀️ღირებულება 13 დღიანაი ტურის 3880$
✳️ღირებულებაში გათვალისწინებულია:
✅საერთაშორისო ავიაბილეთები;
✅შიდა ფრენის ავიაბილეთები;
✅ვიზა;
✅ყველა ტრანსფერი ინდოეთის ტერიტორიაზე;
✅სრული სატრანსპორტო მომსახურება საექსკურსიო საათებში;
✅ყველა შესასვლელი და აქტივობის ბილეთები, რაც ტურის პროგრამაშია ნახსენები;
✅სასტუმროში 1 ადამიანის განთავსება 2 კაციან ნომერში;
✅საუზმე;
✅ქართულენოვანი გამყოლი;
✅ადგილობრივი გიდი;
✅ლექციათა ციკლი ანდრო დგებუაძესთან.
🚫ღირებულება არ მოიცავს:
❌ერთ კაციან განთავსებას ნომერში ( დამატებითი ღირებულება 1190$);
❌კვებას, ალკოჰოლურ და გამაგრილებელ სასმელებს, რომელიც არ არის მითითებული ტურში;
❌თიფს მძღოლებზე და გიდზე 155$
❌ნებისმიერ სხვა რამეს, რაც არ არის ტურის ჩამონათვალში.
❗️მნიშვნელოვანი ინფორმაცია:
⭕️ტურზე ადგილის დადასტურება ხდება პირველადი 800$ ჩარიცხვის შემდეგ.
⭕️თქვენი მხრიდან ნებისმიერი მიზეზით პირობის დარღვევის შემთხვევაში ( ტურში ვერ წამოსვლის, თანხის დროულად ვერ დაფარვის) გადახდილი თანხა არ ანაზღაურდება.
⭕️ტურის თანხის გადახდა შესაძლებელია თქვენზე მორგებული გრაფიკით, სრული თანხა დაფარული უნდა იყოს ტურის დაწყებამდე 40 სამუშაო დღით ადრე.
☎️ დამატებითი ინფორმაციისთვის დარეკეთ: 555247373
