28/04/2026
ეს პოზიცია კარგად ანაზღაურებადია, ველით აქტიურობას.
ასოციაცია "ელკანა" აცხადებს ვაკანსიას
ბიოლოგიურ მეურნეობათა ასოციაცია „ელკანას“ მეცხოველეობის ფერმის და სადემონსტრაციო ნაკვეთის თანამშრომლის ვაკანსია
სამუშაო ადგილი ელკანას მეცხოველეობის ფერმა, სოფ. ზემო ხოდაშენი, ახმეტა, კახეთი
ინფორმაცია ორგანიზაციის შესახებ: ქართული არასამთავრობო ორგანიზაცია - ბიოლოგიურ მეურნეობათა ასოციაცია „ელკანა“ (www.elkana.org.ge) დაფუძნდა 1994 წელს. იგი ფერმერთა გაერთიანებაა და მისი მიზანია ხელი შეუწყოს საქართველოში ბიომეურნეობების ჩამოყალიბებასა და განვითარებას. ორგანიზაციის წევრები არიან ცალკეული ფერმერები, ასოციაციები, კოოპერატივები, საწარმოები და სხვ. - დღეისათვის ასოციაცია „ელკანა“ ემსახურება 2,000-ზე მეტ მეურნეს საქართველოს სხვადასხვა რეგიონიდან. 2011 წლიდან ახმეტის მუნიციპალიტეტის სოფელ ზემო ხოდაშენში ფუნქციონირებს ასოციაცია „ელკანას“ შინაურ ცხოველთა ადგილობრივი ჯიშების ფერმა და სადემონსტრაციო ნაკვეთი, სადაც დღეს მოშენებულია კახური ღორი, ქართული მთის ძროხა, თუშური ცხენი, ქათმის ორი ადგილობრივი პოპულაცია, ჯავახური ბატი, იხვი. ასევე ტერიტორიაზე მოწყობილია პერმაკულტურის ნაკვეთი, დარგულია ადგილობრივი ჯიშის ხეხილი, ვაზი, გაშენებულია ქარსაფარი. ფერმის ტერიტორია აღჭურვილია წვეთოვანი და დაწვიმების ტიპის სარწყავი სისტემით. ფერმაში პერიოდულად ტარდება სხვადასხვა ტიპის დარგობრივი შეხვედრები და ტრენინგები ფერმერებისა და სხვა დაინტერესებული პირებისათვის. ფერმას ასევე აქვს აგროტურისტული მეურნეობის დატვირთვა და ტარდება ადგილობრივი კერძების დეგუსტაციები.
ინფორმაცია თანამშრომლის ვაკანსიის შესახებ ძირითადი მოვალეობები:
•ფერმაში არსებული საქონლის, ცხენის, ღორის და ფრინველის მოვლა გამოკვება, სადგომების დასუფთავება, სადგომების შეკეთება. თავლის მოვლა, დაზიანებების აღმოფხვრა, მცირე სარემონტო სამუშაოების უზრუნველყოფა.
•ფერმის შენობასა და მთელ ტერიტორიაზე სისუფთავის დაცვა, ტერიტორიის ქვებისგან გაწმენდა.
•ტერიტორიაზე არსებული ნარგაობების მორწყვა, გასხვლა-ფორმირება, მოვლა;
•წვეთოვანი და დაწვიმებითი სარწყავი სისიტემის მუშაობის უზრუნველყოფა, სამარაგე ავზების წესრიგში ქონა, ტუმბოების კონტროლი და მათი მუშაობის უზრუნველყოფა.
•ელექტრო მწყემსის გამართული მუშაობის უზრუნველყოფა.
•დაგეგმილი სამუშაოების შესრულება ფერმასა და სადემონსტრაციო ნაკვეთზე;
•ცხენით ტურიზმის აღჭურვილობის მოვლა და ტურების ორგანიზებაში დახმარება;
•ფერმაში არსებული ღობეების ფუნქციური დატვირთვის უზრუნველყოფა, ღობეების შეკეთება, მოვლა, შეღებვა.
•ცხენების და ძროხების საძოვარზე გაყვანა საჭიროებისამებრ.
•ფერმის ტერიტორიაზე მცირე სარემენტო სამუშაოების წარმოება, შენობა-ნაგებობების მოვლა, მილების შეკეთება, სარწყულებლების მოწესრიგება, შიდა გზების შეკეთება, განათების გამართული მუშაობა. მოთხოვნები კვალიფიკაციის მიმართ:
•მეცხოველეობაში და/ ან სოფლის მეურნეობის სხვა დარგში მუშაობის გამოცდილება;
•სასურველია მანქანის ტარების ცოდნა და მართვის მოწმობის ქონა.
უნარები:
•პასუხისმგებლობა, ორგანიზებულობა, დაუზარლობა.
•დამოუკიდებლად მუშაობის უნარი, გუნდური მუშაობის უნარი.
სამუშაო პირობები:
•სრული საშტატო ერთეული. ანაზღაურება შეთანხმებით;
•შერჩეული კანდიდატები გაივლიან 2 თვიან გამოსაცდელ პერიოდს ანაზღაურებით.
დაინტერესების შემთხვევაში, გთხოვთ:
•კომენტარში დაგვიტოვოთ თქვენი საკონტაქტო ნომერი და სახელი
•ან თქვენ შესახებ ინფორმაცია და საკონტაქტო ნომრები გამოგზავნოთ ელ.ფოსტის მისამართზე - [email protected]
•სათაურის ველში მიუთითეთ ვაკანსიის პოზიციის დასახელება: „ფერმის თანამშრომელი“
•ან დაგვიკავშირდით საკონტაქტო ნომერზე - 599 551 068; შერჩეული კანდიდატები გაივლიან გასაუბრებას ახმეტის მუნიციპალიტეტის სოფელ ზემო ხოდაშენში, ფერმის ტერიტორიაზე.
